Dagblaðið Vísir - DV - 15.02.2003, Blaðsíða 25

LAUGARDAGUR 15. FEBRÚAR 2003
HeÍQarblað JOV
25
DV-mynd Hari
Allt fer í eina skál í byrjun.
Fyrst mjölið, bæði hveiti og
heilhveiti, svo kemur lyftiduft-
ið og saltið.
Guðjón brýtur eggin á skál-
brúninni og bætir þeim út í
deigið, ásamt mjólk og vatni.
Hrærir svo vel um stund.
Deigið koinið á borð og búið
að hnoða allt mjölið upp í.
Hægt er að móta úr því smá-
brauð, þrjú formbrauó eða
stærri brauð bökuð á plötu.

Tékkneskur Budweiser
og Erdinger hveitibjór
- er val Amlaugs Helgasonar hjá RJG
Fyrst brauð er til umfjöllunar hér í opnunni
þótti við hæfi að fjalla um bjór í þessum dálkum
enda bjór stundum kallaður brauð í vökvaformi
eða blautt brauð. Bjór er einn vinsælasti drykkur
í heimi en daglega renna miiljónir bjórlítra ofan í
jarðarbúa. En bjór er ekki „bara“ bjór. Bjór er
framleiddur á mismunandi vegu og tegundirnar
eru óteljandi. Bjór hefur mismikla bragðfyllingu
og beiskju og við bætist náttúrlega að smekkur
manna er misjafn. Engu að síður eru nokkrar
bjórtegundir sem þykja standa upp úr og
bjóráhugamenn úr öllum heimshornum lofa og
prisa. Arnlaugur Helgason hjá Rolf Johansen og Co
segir bjórtegundirnar hér tii hliðar ágætt dæmi
þar um en báðir eru þeir frá einum þekktustu
bjórsvæðum Evrópu, Tékklandi og Suður-
Þýskalandi, nánar tiltekið Bæjaralandi.
Budweiser Budwar þekkja margir enda
margverðlaunaður bjór. Budweiser Budwar er ljós
lagerbjór og einn þekktasti bjór Tékka. Við
framleiðsluna er einungis notað besta fáanlega
hráefni sem meðhöndlað er samkvæmt aldagamalli
forskrift. Budweiser Budwar er fallega gullinn.
Bragðið er í meðallagi fyllt og nokkur beiskja er
einkennandi. Veisla fyrir bragðlaukana.
Hveitibjórar eru gjarnan kenndir við Þýskaland
en þar er margra alda hefð við að brugga
hveitibjór eða hvítbjór. Bruggunin er að
frábrugðin bruggun á venjulegum lagerbjór þar
sem notað er hveiti við bruggunina. Erdinger er
bruggaður í Erding, smábæ í grennd við
Múnchen. í september ár hvert er haldin
bjórhátíð í Erding og er þá líf í tuskunum. Sjá
má þúsundir gesta í bæverskum sparifötum
(stuttum rúskinssmekkbuxum og
bróderaðri hvítri skyrtu) dansa uppi á
borðum með bjórkönnur á lofti.
Erdinger er mest seldi hveitibjór í
heimi og fæst í ýmsum útgáfum. Sá sem
sést hér til hliðar er mildur á bragðið,
léttur og ferskur með lítilli beiskju.
Hefeweisen er skýjaður bjór með botnfalli,
dökkur með krydduðum keim. Kristal Klar
hefur verið síaður og Erdinger Champ er
ætlað að höfða til yngri neytenda. Þá er
ótalinn dökkur Erdinger sem er hreinasta
afbragð að mati þess sem hér skrifar.
Sú hefð fylgir hveitibjórum að þá þarf að
drekka úr sérstökum glösum og þykir
nánast helgispjöll að nota venjuleg bjórglös.
Hveitibjórglös eru mjó neðst en breikka
síðan mikið í fallegum boga. Erdinger er oft
kallaður morgunverðarbjór og þykir passa
mjög vel með brauði og pylsum.
Umsjón
Haukur Lárus
Ilauksson