Dagblaðið Vísir - DV - 29.11.2003, Blaðsíða 9
DV Fréttir
LAUGARDAGUR 29. NÓVEMBER 2003 9
Umhverfisráðherra ætlar að skipa nefnd til að kanna lausnir í baráttu bænda við svanaflokka sem
skemma tún og kornakra. Hún segir lög ekki útiloka skotveiðar á álftum, hins vegar sé ferlið til
takmarkaðra veiða langt. Breyta mætti lögunum til að flýta fyrir veiðum.
Siv Friðleifsdóttir umhverfisráðherra hefur
samúð með vanda bænda fyrir austan sem berjast
við að halda svanaflokkum frá túnum og
kornökrum. Bændur telja að svönum hafi fjölgað
gífurlega og að þeir fari um eins og engisprettu-
sveimur, skiljandi eftir sig sviðna jörð. Kenna þeir
meðal annars styrkjum Evrópusambandsins um,
en norður-írskir bændur fá borgað fyrir að fóðra
svani um veturmánuðina áður en þeir koma til ís-
lands að vori.
“Ég ferðaðist um allt ísland í sumar og margir
nefndu þennan vanda við mig. Ég er sammála því
að þetta er áhyggjuefni. Bændur hafa verið í vand-
ræðum á þessu svæði," segir Siv.
Siv segir að lögin útiloki ekki veiðar á álftum, þar
sem ákvæði í lögum um verndun og friðun villtra
dýra kveði á um að heimilt sé að aflétta friðun á
villtum dýrum ef þau valda tjóni tiltekinn hluta árs.
Þar þarf hins vegar fyrst til umsögn Umhverfis-
stofnunar og Náttúrufræðistofnunar. „Svanaveiðar
eru ekki útilokaðar samkvæmt lögum en það er
þungt ferli að mfnu mati. Það hefði verið gott að
geta brugðist hratt við þessum vanda. Við höfum
rætt hvort við eigum að skoða breytingar á lög-
unum þannig að ferlið verði einfaldara, með
þeim hætti að undirstofnanir hafi kannski heim-
ildir til að bregðast við slíkum vanda,“ segir hún.
Náttúrufræðistofnun er á móti því að veiðar á
álft verði leyfðar til að stemma stigu við offjölgun.
Að mati stofnunarinnar hefur ekki fjölgað verulega
í stofninum. Samkvæmt síðustu mælingum árið
2000 telur stofninn um 21 þúsund dýr, en árið 1986
mældust 17 þúsund svanir á landinu.
Siv hyggst stofna nefnd um svanavandann í
upphafi næsta árs. Meðal hugmynda sem hafa ver-
ið ræddar, fyrir utan að skjóta svaninn, er að fara í
hreiður álftarinnar og stinga gati á eggin sem eru
eins konar fóstureyðingar. Þá hefur verið rætt um
að uppfræða bændur um réttar
aðgerðir á vettvangi, til að
halda álftinni frá. Ágætlega
hefur gefist að strengja band
utan um kornakra en álftirnar
lenda iðulega utan þeirra og
vagga síðan að korninu.
Bandið hindrar aðgang. Hins
vegar hefur gengið illa að halda
fuglunum frá túnum og hafa
tilraunir til að skjóta þeim
skelk í bringu með hagla-
byssum reynst vera
skammgóður
vermir.
jontrausti@dv.is
%
Friðleifsdóttir
Umhverfisráðherrann sem bannaði
rjúpuveiðar íhugar nú hvort ekki sé
rétt að skjóta svaninn. Siv hyggst
stofna nefnd um svanavanda
bænda fyriraustan.
„Svanaveiðar eru ekki útilokaðar samkvæmt
lögum en það erþungt ferliað mínu mati."
Gengi dollars lækkaði i gær og hefur aidrei verið jafn lágt gagnvart Evru.
Spákaupmenn
lækka gengi dollars
Gengi dollars hélt áfram að
lækka gagnvart evrunni í gær. Evr-
an hefur aldrei verið jafn sterk
gagnvart dollar en hún kostaði um
1,2 dollara á gjaldeyrismörkuðum
fyrir helgi. Erlendir fjölmiðlar segja
að auðkýfingurinn George Soros
veðji á að dollarinn muni falla enn
frekar en aðrir spákaupmenn fylgj-
ast vel með hvað verður af honum
þar sem þeim er í fersku minni
hversu mikið hann efnaðist á því að
fella pundið 1993.
Fall dollarans á sér stað þrátt
fyrir að jákvæðar fréttir berast af
bandarísku efnahagslífi. Spákaup-
menn horfa fyrst og fremst á hinn
mikla óhagstæða viðskiptajöfnuð
Bandaríkjanna við umheiminn en
hann stefnir í að verða um 5% af
þjóðarframleiðslunni á þessu ári.
Þetta þýðir að bandarískir neytend-
ur þurfa að fá lánað frá umheimin-
um til þess að fjármagna neysluna.
Efasemdir um getu Bandaríkjanna
til þess að fjármagna hallann gerir
það að að verkum að tiltrú manna á
dollaranum minnkar. Ótryggt
ástand í heimsmálum, auk hins
mikla fjárlagahalla í Bandaríkjun-
um, hefur einnig néikvæð áhrif.
Mörg fjármálafyrirtæki telja að
dollarinn eigi eftir að lækka enn
meira gagnvart evrunni. Merill-
Lynch telur að dollarinn eigi eftir að
falla niður 1,33 evrur fyrir lok næsta
árs. Þrátt fyrir að evran hafi verið að
sækja í sig veðrið á alþjóðlegum
gjaldeyrismörkuðum telja sérfræð-
ingar að hækkun hennar gagnvart
dollara sé fyrst og fremst endur-
speglun á veikleikum í bandarísku
efnahagslífi en ekki merki um styrk
evrópskra hagkerfa.
Glæsileg og vönduð
frístundarhús
Fallegu og hlýju Frístundarhúsin
frá okkur eru réttu húsin við
íslenskar aðstæður, reiknaðu
dæmið til enda.
Hugsaðu um kyndingarkostnað
og viðhald, þú byggir væntalega
ekki nema einu sinni slíkt hús.
Lagfærum og byggjum við eldri
hús, hentar vel þeim sem eiga
hús í næsta nágrenni við okkur.
Borgarhus ehf.
Grímsnesi
Símar. 894-3555 og 486-4418 • Vefsíða www.borgarhus.is