Dagblaðið - 18.08.1976, Blaðsíða 8
8'
DAGBLAÐIÐ.
MIÐVIKUDAGUR 18. ÁGUST 1976
Gashylki sprakk á þaki Sambandsgeymslunnar við Elliðavog:
Drunumar bárust víða um bœinn,
en nœrstnddir skippu ótrúlega vel
V
Mikil sprenging varð um
■kaffileytið i gær er gaskútur
sprakk í loft upp á þaki birgða-
geymslu Sambandsins er
stendur nýreist sunnan við
Kleppsspítalann. Var
sprengingin svo öflug að
hennar varð vart langt frá, m.a.
uppi í Árbæjarsafni, og taldi
varðstjóri í slökkviliðinu í gær
að brotin hefðu lengst þotið 80
til 100 metra frá staðnum. Mikil
Slökkviliðsmenn komnir á staðinn varðir reykgrímum.
(DB-mynd Árni Páll)
mildi var að enginn mannanna,
sem voru að vinna á þakinu,
varð fyrir broti úr kútnum.
Mennirnir sem unnu
við tjörgun þaksins notuðu
tjörupott sem þeir hituðu upp
með eldi er nærður var með
gasi frá gaskút. Þeir höfðu ný-
skipt um gaskút er þeir fóru í
kaffi, en áfram logaði undir
toppinum. Tóma hylkið stóð
skammt frá. I kaffitímanum
heyrðu þeir smásprengingu og
hlupu til að athuga málið. Kom
þá i ljós að slangan frá kútnum
að eldstæðinu við pottinn hafði
sprungið. Logaði úr slöngu-
stútnum og hann þeyttist eld-
spúandi um þakið
undan þrýstingi gassins. Við
það komst eldur í þakið. IIlupu
mennirnir til með vatnskúta er
voru til taks og reyndu að
slökkva eldinn. Eldurinn í
þakinu stóð á tóma gashylkið og
í þann mund er þeir skvettu
vatni á sprakk hylkið. Við
sprenginguna valt tjöru-
potturinn og tóma gashylkið
splundraðist og fannst víðs
fjarri í 5 bútum.
Það var verkstjórinn er
næstur var og hlaut hann
brunasár, mest á höndum að
því er virtist. Var hann fluttur í
slysadeild og þaðan í Land-
spítalann.
Slökkviliðið réði niðurlöguhi
eldsins fljótt. Skemmdir urðu
aðeins á 20-30 fermetrum
þaksins. G.S
\
Biðreinar auð-
velda umferðina
til muna
Fyrir helgina síðustu var
byrjað á framkvæmdum á mótum
Kringlumýrarbrautar og Suður-
landsbrautar þar sem vefið er að
gera biðrein á gatnamótunum.
Hjá embætti gatnamálastjóra
fengum við þær upplýsingar að
rætt hefði verið um gerð þessarar
biðreinar á sl. ári og gert er ráð
'fyrir að framkvæmdum verði
lokið eftir hálfan mánuð.
Mun þessi nýja biðrein létta
mikið á ljósunum og auðvelda alla
umferð um gatnamótin —A.Bj.
DB-mynd Sveinn Þormóðsson.
Maðurinn sem slasaðist i sprengingunni fluttur af
staðnum. (DB-mynd Sv. Þormóðsson).
✓
Valur
Arnþórsson,
stjórnarformaður
Laxórvirkjunar:
Eitt grundvallaratriði
sóttasamningsins óvirkt
— telur að ekki eigi að reisa laxastigann fyrr en bœndur virða aftur öll atriði samningsins fró 1973
Þar sem bændur gerðu
gerðardóminn óvirkan með því
að hefja í fyrra upp deildur um
hlutverk hans og ganga þannig
í berhögg við túlkun m.a. þeirra
eigin lögfræðings, sem þátt tók
i gerð sáttasamningsins 1973
með þeim, sé ég ekki ástæðu til
að þjóðin reisi þennan laxastiga
þar sem samkomulagið um
gerðardóminn er eitt grund-
vallaratriði sáttasamningsins,
sagði Valur Arnþórsson,
stjórnarformaður Laxár-
virkiunar í viðtali við DB í gær.
Hann sagði það túlkun þeirra
Laxárvirkjunarmanna og
lögfræðings landeigenda, að
gerðardómurinn um
skaðabótamál, sem báðir aðilar
sættu sig við í sátta-
samningnum, ætti að vera
dómstólí, sem fjallaði um
skaðabótaskyldu og hugsanleg-
ar skaðabætur í kjölfar
athugana sinna, en ekki aðeins
um upphæðir skaðabóta án
tillits til skaöabótaskyldu, eins
og landeigendur vildu túlka
hlutverk dómsins í fyrra, þegar
þeir gerðu samninginn óvirkan.
Valur benti á að loforð
rikisins um að fyrrnefndur
laxastigi yrði byggður hafi i
rauninni verið framlag til þess
að endanlegar sættir næðust og
hlytu því forsendur fyrir
byggingu hans að vera að sátta-
samningurinn héldi í einu og
öllu.
Hánn sagðist þó vilja standa
við þennan samning eins og
aðra samninga, en það væri álit
sitt, að ekki væri ástæða til að
byggja þennan stiga án þess að
fullur friður væri tryggður.
Að þessu slepptu væri það
svo ríkissjóðs að ákveða hvort
hann vildi fyrir hönd lands-
manna Ieggja út í þetta
kostnaðarsama verk, þrátt fyrir
umsagnir visindamanna eins og
veiðimálastjóra, þess efnis að
lax ofan virkjana myndi raska
lífríki árinnar, og umsagir
kanadískra vísindamanna þess
efnis að til þess að stiginn
virkaði, þyrfti að hækka
stífluna um ca 9 metra én það
stendur ekki til, í núgildandi
áætlunum.
Einnig gat hann þess að
SUN'N Samtök um náttúru-
vernd á Norðurlandi, hafi sam-
þ.vkkt ál.vktun gegn því að lax
yrði hleypt í efri Laxá, þar sem
hann hofur aldrei verið
Að lokum kom fram af hálfu
Vals að hann hefði síður en svo
áhuga á að vekja upp Laxár-
deilu, en hins vegar telji hann
sér skylt að skýra þessi sjónar-
mið, þegar fjölmiðlar leiti álits
síns, almenningur eigi
heimtingu að fá sem
ítarlegastar upplýsingar um
þessi mál sem og orkumálin,
enda sé það hann sem standi
straum af kostnaðinum beint og
óbeint.
Séð uppeftir ánni frá stíflu 2 og í f jarska í gilinu má sjá stíflu 1, en
stiginn á að ná upp fyrir hana. DB myndir Friðgeir Axfjörð.
Fyrirhugaður laxastigi á að byrja i fossunum hér fremst á
myndinni, bevgja til hægri ofan viö lágreist klakhúsið og fara
hægramegin uppf> rir stíflu nr. 2 í átt að stíflu nr. 1.