Dagblaðið - 18.09.1976, Side 15

I)A<;m.At>m I.ATCAKDACUR 18. SUPTEMBER 1976.
á
15
N
Ostur er sonn-
kalkiður veizlukoslur
!
Nú stendur yfir ár iðn-
kynningar á íslandi og allir eru
hvattir til aó kaupa frekar það
sem íslenzkt er ef eitthvað
annað er á boðstólum. Sjálfsagt
er að gera það ef íslenzkur
varningur er sambærilegur við
þann erlenda. Hann er það sem
betur fer oftar en ekki nú
orðið.
Ein er sú tegund innlendrar
framleiðslu sem stenzt fyllilega
samanburð við erlenda og það
eru hinir gómsætu íslenzku
ostar. Þeir eru bæði prýðilega
góðir og þar að auki er alveg
ótrúleg fjölbreytni í framleiðsl-
unni. I smábæklingi sem Osta-
og smjörsalan gaf út fyrir
nokkru er getið um helztu osta-
tegundirnar sem framleiddar
eru og er tala þeirra, að
meðtöldum smurostunum,
tuttugu og tvær. Ég er viss um
að fjöldinn allur af fólki hefur
aldrei svo mikið sem smakkað
margar af þeim tegundum, sem
á boðstólum eru.
Ég vil eindregið hvetja fólk
til að gera sér ferð í Osta- og
smjörsöluna þar sem allt þetta
úrval fæst. Öll afgreiðsla er þar
til fyrirmyndar og snyrti-
mennskan alveg með ein-
dæmum. Afgreiðslustúlkurnar
eru mjög þolinmóðar að leyfa
viðskiptavinunum að smakka
því maður vill helzt ekki kaupa
hálfan eða heilan ost nema fá
fyrst vitneskju uin bragðið.
Margir eru alltof fastheldnir
á gamla siði og engu er líkara
en þcir standi í þeirri trú að hér
sé aðeins hægt að fá venjuleg-
an brauðost og svo auðvitað
mysing. Ost er hægt að borða
með öllum mat svo að segja.
Um daginn heyrði ég um mann
sem var á kolvetnakúr og fann
upp alveg bráðsniðuga aðferð
til þess að metta sig. Hann
hrærði skyrið sitt upp með
rjóma og hafði síðan rifinn,
sterkan ost út á. Hann sagði að
þetta hefði bragðazt alveg með
eindæmum vel. Og er ekki að
efa það.
Osta- og smjörsalan hefur
gefið út fjölmarga smekklega
bæklinga með margvíslegum
ostauppskriftum. Er þar að
finn’a m.a. þessar uppskriftir:
Gráðaost-ídýfa:
50 g af smurosti eru hrærð upp
með 1 dl af rjóma. 100 g af
gráðaosti eru rifin og bætt út í.
Öllu blandað vel saman. Loks
eru saxaðir valhnetukjarnar
látnir út í. Með þessu er borið
saltkex, hráar gulrætur,
gúrkur, epli, mandarínur og
perur.
Ostaídýfa.
100 g olíusósa (mayones),
chilisósa eða tómatsósa, 1 msk.
rauð fersk paprika, 100 g Til-
sitter, 50 g gráðaostur, 1 msk.
ákavíti (því má auðvitað
sleppa) og 2 msk. sýrður rjómi.
Olíusósan er bragðbætt með
chilisósunni, setjið smátt rifinn
Tilsitterinn og saxaða paprik-
una saman við og hrærið vel.
Gráðaosturinn er hrærður út
með ákavítinu og sýrðum rjóm-
anum og olíusósunni síðan bætt
út í smátt og smátt. hrært vel í.
Borió fram með frönskum kart-
öflum, saltstöngum, gúrkum,
hráum gulrótum og eplum.
Camembertsalat.
'A ds. ananas, V* lítið
hvítkálshöfuð, 'A Camembert,
sósa úr 'A dl rjóma og 3 msk.
ananassafa.
Morgunverðurinn er talinn mikilvægasta máltíð dagsins og þá er áríðandi að fá hin ýmsu f jörefni.
Þarna getur að líta sýnishorn af hollum morgunverði og þarna er einnig nestiskassi með girnilegu
sköianesti.
LITIÐ VIÐ Á 0STAKYNNINGU
„Við förum með þessa osta-
kynningu víðs vegar um landið,
fyrir hálfum mánuði var ég
með hana í Keflavík og fyrr í
sumar austur á Egilsstöðum,"
sagði Hanna Guttormsdóttir,
húsmæðrakennari, en hún sér
um ostakynningu á vegum
Osta og smjörsölunnar. Það var
kynning hjá þeim á Snorra-
brautinni á fimmtudag og við
litum inn.
Að þessu sinni var lögð aðal-
áherzlan á hollustu morgun-
verðarins og nesti skólabarna.
„Morgunverðurinn er ein
mikilvægasta máltíð dagsins.
Hann er u^dirstaða undir starf
dagsins. Afköst við leik eða
önnur störf og almenn vel-
líðan byggist á því að frumur
líkamans hafi öll þau efni að
vinna úr sem þeim eru nauð-
synleg. Morgunverðurinn þarf
að gefa nægilega orku fyrir
hvern einstakan, fullgild eggja-
hvítuefni. steinefni og vítamín.
Talið er gott að morgunverður-
inn innihaldi þriðja hluta þess
efnis sem við þurfum af öllum
nauðsynlegustu næringarefn-
unum.“
Þetta er byrjunin á bæklingi
Osta og smjörsölunnar nr. 3
sem afhentur var á ostakynn-
ingunni í gær.
„Ég er búin að vera í þessu
starfi í eitt ár,“ sagði Hanna.
„Milli þess sem kynningarnar
eru haldnar leita ég að og bý til
uppskriftir. Ég þýði einhver
ósköp og vinza svo úr það sem
mér lízt bezt á. Ég bý síðan til
réttina og smakka þá, áður en
þeir-eru boðnir viðskiptavinun-
um.“
Á kynningu gafst tækifæri til
að smakka á gómsætu ostasalati
og ostasufflé. Til gamans
birtum við uppskriftirnar:
Ostasalat:
100 g oliusósa, 1 dl sýrður rjómi
eóa þeyttur. 'A tsk. rifinn
laukur. franskt sinnep, karry,
125 g Gouda 45%. 50 g skinka. 2
tómatar, V* agúrka.
Blandið saman olíusósu og
rjóma og kryddið með sinnepi,
karrýi og lauknum. Skerið
ostinn, skinkuna, agúrkuna og
tómatana í teninga (látið
gjarnan renna af tómötunum á
sigti). Blandið öllu saman við
olíusósuna og setjið salatið í
skál. Borið fram með saltkexi.
Ostasufflé
1 dl smjör eða smjörlíki, l'A dl
hveiti, 4 dl mjólk, 2 dl rifinn
ostur, salt, pipar á hnífsoddi
(hvítur).
Bræðið feitina i potti og hrærið
hveitinu saman við. Þynnið
smátt og smátt út með mjólk-
inni. Kælið og hrærið eggja-
rauðunum og osti saman við.
K.yddið, Þeytið eggjahvíturnar
og blandið þeim varlega sam-
an við. Látið í smurt eldfast
mót. Bakast við 175° C i
10—20 mín. eða þar til það
hefur lyft sér og losnað frá
börmunum. Berið réttinn fram
með hrærðu smjöri.
Skerið ost og ananas í litla
bita. Rífið hvítkálið mjög smátt.
Blandið öllu saman og hellið
síðan sósunni yfir. Berið fram
með snittubrauði og smjöri.
Kartöflusalat með osti
300 g soðnar kartöflur, 200 g
Gouda eða Maribo ostur, 'A
meðalstór laukur, 2 msk. klippt
steinselja, 6 hreðkur (radísur),
má sleppa, 100 g olíusósa, 1 tsk.
sinnep, tómatsósa, 2 msk. rjómi
og 2—3 harðsoðin egg.
Kartöflurnar eru flysjaðar og
skornar í litla teninga.
Osturinn skorinn á sama hátt
og blandað saman við kartöfl-
urnar. Saxaður laukurinn,
klippt steinseijan og hreðk-
urnar í þunnum sneiðum sett
saman við. Sinnepinu hrært út i
olíusósuna, kryddað með tómat-
sósunni og rjómanum bætt í.
Sósunni hellt yfir salatið og
kælt vel. Skreytt með harð-
soðnum eggjum. Borið fram
með grófu rúgbrauði. Einnig
mjög gott með heitum pylsum
og köldum síldarréttum.
EIGIÐ JAFNAN
KRYDDSMJÖR
í FRYSTIKISTUNNI
Kryddsmjör er mjög gott með
grilluðum réttum og kemur þá i
staðinn fyrir sósu. Einnig er
hentugt að smyrja brauðtertur
með kryddsmjöri og þá eitt
bragð fyrir hvert lag í tertunni.
Hvítlaukssmjör:
1 hvítlauksgeiri, örlítið salt og
100 g smjör. Hvítlaukurinn er
marinn vel og síðan hrærður
saman við smjörið og saltið.
Steinseljusmjör:
Út í 100 g af smjöri er hrært
3—4 msk. af saxaðri st'einselju
og 2—3 dropum af sítrónusafa.
Einnig má nota dill, graslauk
og karsa í staðinn fyrir stein-
seljuna.
Paprikusmjör:
Út í 100 g af smjöri er hrært
1—2 matsk. af saxaðri papriku
og 'A tsk. af sítrónusafa.
Sinnepssmjör:
Út í 100 g af smjöri er hrært 1
msk. af sinnepi (helzt frönsku)
og pínul. pipar.
Kryddsmjörið má eiga í
frystikistunni og þá er hentug-
ast að sprauta því á pappa-
spjald og vefja um það glæru
plasti. Einnig er hentugt að
frysta það í aflöngum pylsum
og skera síðan niður í hæfilega
þykkar sneiðar fyrir notkun.
Þetta getur auðvitað hver
haft eftir sínu höfði en ekki er
ráðlegt að smyrja nestispakka
skólabarnsins með sterku
kryddsmjöri. A.Bj.
Viðskiptavinirnir voru giaðir þegar Hanna Guttormsdóttir bauð
þeim að smakka á gómsætum ostaréttum, sem hún hafði búið tii.
Úrvalið í Osta og smjörsölunni er mikið og framleiðslan stendur
crlendri f.vllilega á sporði. Við ættum að gera okkur að reglu að
borða ost i einhverri mvnd á hverjum degi. DB-myndir Arni Páll.