Dagblaðið - 27.05.1977, Blaðsíða 3

DAGBLAÐIÐ. FÖSTUDAGUR 27. MAl 1977.
3
J.G. skrifar:
Fyrir nokkru hófst í sjón-
varpinu námskeiö fyrir þá sem
vildu hætta að reykja og hafa
þessir þættir verið nokkuð
góðir og mun almennt hafa
verið horft á þá. Litt hef ég orðið
pess var að fólk hafi hætt að
reykja vegna þessa námskeiðs,
en hitt veit ég að sjónvarps-
þættir þessir höfðu umtalsverð
áhrif á börn og unglinga,
þ.e.a.s. þá sem aldrei hafa
reykt. Ef þetta námskeið
verður til þess að þessir aldurs-
flokkar byrja aldrei á reyking-
um er betur af stað farið en
heima setið.
I kjölfar þessa námskgiðs
hafa nú komið í dagsljósið
predikarar sem telja reykinga-
menn óalandi og óferjandi og
ekki hafandi nálægt fólki sem
ekki reykir. Áróður er sterkt
vopn í höndum þeirra sem með
hann kunna að fara, en gangi
hann út í slíkar öfgar sem nú
kemur fram hjá sumum and-
reykingapredikurum, fer hann
að verka þveröfugt við það sem
til er ætlast. Glöggt dæmi um
þetta er grein sem birtist í
Þjóðviljanum fyrir nokkrum
dögum. Grein þessi er skrifuð
af slíku ofstæki að hún er langt
frá því að vera svaraverð, en þó
skal hér aðeins drepið á tvö
atriði. Greinarhöf. tæpir á því
að ef reykingamenn vilji ekki
vera góðu börnin og hætta að
reykja, þá geti orðið um
aðskilnað að ræða milli
,,hreinna“ og „óhreinna",
þ.e.a.s. milli þeirra sem reykja
og hinna sem reykja ekki. Ef
þessir „hreinu“ predikarar —
krossferðarriddarar hinir nýju
— sækja það fast að koma á
aðskilnaðarstefnu, er ekki
nema sjálfsagt að láta þeim það
eftir. Reykingafólk er fullfært
um að standa fyrir sínum mál-
um og þarf ekki að knékrjúpa
fyrir einum eða neinum.
Suður í Afríku er maður
nokkur, Ian Smith, sem fyrir
löngu er margfrægur að
endemum fyrir aðskilnaðar-
stefnu sína. Veldissól hans —
og aðskilnaðarstefnu hans —
fer nú óðum lækkandi. Ætti
honum að verða það svolítii
sárabót á þessum þrenginga-
tímum að hann virðist nú hafa
eignazt nokkra lærisveina hér
úti á Islandi.
Höfundur Þjóðviljagreinar-
innar kemst svo að þeirri skarp-
vitru niðurstöðu í greinarlok að
ef reykingafólk þrjósRist við
að hætta að reykja verði það
sett í plastbelg! Þetta minnir
óneitanlega á heittrúar-
predikara fyrri tíma sem um-
svifalaust vistuðu alla þá niðri í
Helvíti sem ekki játuðust undir
þá trú sem þeir voru að boða.
Enginn neitar því að tóbak er
heilsuspillandi og engan
reykingamann veit ég svo for-
hertan að hann neiti þessari
staðreynd. En því miður eru til
stórtækari og háskalegri
skaðvaldar en tóbakið, og á ég
þar við áfengi og eiturlyf.
Áfengið hefur skilið eftir sig
slóð dauða, örkumla, hvers
kyns siysa og sundraðra
heimila, svo nokkuð sé nefnt.
Eiturlyfin eru þar enginn eftir-
bátur, a.m.k. ekki erlendis, en
hér hjá okkur eru þau nokkuð
nýrri af nálinni en ytra en
notkun þeirra virðist fara
háskalega ört i vöxt hér á landi.
En það er þagað þunnu hljóði
um áfengið. Engin herferó þar,
eða aðskilnaðarstefna. Fyrir
nokkru komu um það tilmæli,
mig minnir frá „hærri" stöðum,
að reykingafólk sæti aftast i
langferðabílum. Hins vegar var
ekkert á það minnzt að draga
skyldi drukkið fólk i langferða-
bílum í einhvern sérdilk. Og
þegar nánar er að gáð er þetta
hreint ekki svo skrítið. Áfengið
gefur snöggtum meira í ríkis-
kassann en tóbakið og aðgát
skal höfð í nærveru Mammons.
Nú er farið að tala um
reyklaust land en engum
virðist detta í hug að tala um
land án áfengis og eiturlyfja.
Það er gott og blessað- að
bjástra við flisina, en hvers
vegna ekki að ráðast á bjálkann
líka?
Megum við eiga von á því að
sjónvarpið i efni til námskeiðs,
sem hæfist á því að þátttak-
endur tæmdu síðustu brenni-
vínsflöskuna?
Áróður andreykingamanna
gengur nú út í öfgar og getur
haft þveröfug áhrif.
IHIAMNI
^ Laugavegi 54 — Sími 18046
Full búð af nýjum vörum. Gallabuxur — Kakibuxur — Kjólar —
Gallapils — Bolir — Skyrtur — Sendum ípóstkröfu
Hinar vinsælu rtölsku —
vörurfr“*
Herferð gegn
reykingum
/!
Spurningi
dagsins :
-■.
Ætlarþúað
fara eitthvað
umhvrta-
sunnuhelgina?
Karl Þorvaldsson verkamaður:
Nei, ætli það. Ég held ég verði
bara heima, hvili mig og slappi af.
Einar Gunnar Birgisson verxa-
maður: Kannski fer ég eitthvað
og gisti með krökkum sem ég
þekki.
Guðmundur Olafsson nemi: Nei,
ég fór út um siðustu helgi og það
nægir mér í bili. Ég ætla bara að
hvíla mig og slappa af.
Guðmunda Öskarsdóttir skrúð-
garðyrkjustúlka: Já, ég ætla að
fara til Akraness þar sem vinkona
mín býr. Ég fer ein með Akra-
borginni.
Valdimar K. Guðlaugsson skruð-
garðýrkjustrákur: Já, ég ætla i
sumarbústað fyrir austan, rétt hjá
Þrastarlundi eða þar í grennd.
Gylfi Oskarsson, einnig í skrúð-
garðyrkju: Það er nokkuð
óákveðið en ég býst þó frekar við
að fara eitthvað en ég veit ekki
hvert.