Dagblaðið - 26.07.1977, Blaðsíða 2

DAGBLAÐIÐ. ÞRIÐJUDAGUR 26. JULÍ 1977.
Pasolini gagnrýndur óréttlátlega
— poppsíðan ætti að vera á hverjum degi
Tilefni þess að ég skrifa ykk-
ur er það að í kvikmyndagagn-
rýni ykkar um 1001 nótt, finnst
mér meistari Pasolini gagn-
rýndur heldur óréttlátlega.
Fyrir það fyrsta þá virðist gagn-
rýnandi lítið vita um fyrri
myndir meistarans sem hafa
m.a. fært hönum meistaratitil.
Þá er litið gert úr samfarasen-
um sem er kannski ofur eðlilegt
þar sem gagnrýnandinn virðist
ekki hafa hugmynd um að þær
voru klipptar. úr þeim eintök-
um sem við fáum frá Bretlandi.
Það er því ekk' að furða þó
gagnrýnandanum hafi fundizt
lítið i þetta varið.
í sr.mbandi við að myndin
hafi verið samhengislaus þá má
benda á það að tvö heil atriði
voru klippt úr upphaflega ein-
takinu og þau voru til samans
u.þ.b. 25 mínútur. Þó ég viti
ekki alveg hvað myndin sem
hér er sýnd er löng þá veit ég
allt að einu að iiúi: iiefur verið
stytt um a.m.k. hálftíma. Upp-
haflegur sýniugartími var 2
klst. og 35 mín.
Svo langar mig að kuma fram
kvörtunum um það hvað lítið
hefur verið skrifað um popp að
undanförnu í blaðið. T.d. hafið
þið ekki haft neina plötugagn-
rýni í langan tima. Þið mættuð
gjarnan hafa poppþátt daglega
alveg eins og iþróttasíðurnar.
En vinsældalistunum megið þið
sleppa.
Poppþættir hófu fyrir
skömmu reglulega göngu í DB
og verða þeir framvegis á mið-
vikudögum og laugardögum.
Plötugagnrýni verður reynt að
hafa sem mest jafnóðum og
plötur koma út.
Kvikmyndagagn-
rýnandinn ætti að
snúa sér að öðru
— hef ur ekkert vit á Pasolini
Jórunn Kjartansdóttir skrifar:
Ég get nú ekki lengur orða
bundizt yfir kvikmyndagagn-
rýni Dóru Stefánsdóttur. Það
ætti nú ekki að leyfa þessari
manneskju að skrifa um bíó-
myndir, ég vona að skrif henn-
ar séu ekki á svona lágu plani
almennt. Hún skrifar um heim-
sóknir i svokallaða „klúbba
borgarinnar" sem hafa því hlut-
verki að gegna að sýna borgar-
búum klámmyndir í alls kyns
útgáfum. Ég spyr Dóru Stefáns-
dóttur, hvað er góð og sómakær
stúlka eins og þú að gera á
slíkum stöðum?
Mér finnst það einnig mjög
undarlegt að vera að mæla
morðinu á Pasolini bót vegna
þess að hann hafi verið „úr-
kynjaður“, eins og Dóra nefnir
það og finnst mér þetta bara
lýsa innræti Dóru.
Dóra skrifar.„Hann er ekkert
annað en sóðapjakkur með
rangsnúnar og úrkynjaðar hug-
myndir um ást.“ Ef einhver er
sóðalegur þá er það Dóra Stef-
ánsdóttir sjálf í þessum skrif-
um sínum. Þess vegna vil ég
gefa þér heilræði Dóra, hættu
að skrifa um bíómyndir og
snúðu þér að öðrum verkefnum
með von um betri árangur.
Hví fá Flug-
leiðir sér ekki
símsvara?
Óli kom og var reiður:
Nú er ég búinn að vera að
reyna að ná í fyrirtæki sem
heitir Flugfélag íslands, eða
reyndar Flugleiðir nú til dags, í
tvo daga og næ aldrei sam-
bandi. Ég hef auðvitað hringt í
það númer sem gefió er upp í
símaskránni 16600. Svo kemst
ég að því fyrir tilviljun að búið
er að breyta númerinu. En
hvernig átti ég að vita það?
Gætu þeir hjá þessu fyrirtæki
ekki haft símsvara i gamla
númerinu til þess að vísa manni
á það nýja? Að minnsta kosti
þangað til maður er búinn að
venjast því eða ný skrá er kom-
in út.
Ur 1001 nótt.
Ókeypis síma
fyrir fatlaða
Dönsk kona sem býr hér á landl
skrifar:
Nú hafa þeir hækkað útborg-
un örorkulífeyris í 30.497 og
tekjutryggingar í 26.765 og þá
eiga allir að vera giaðir og
þakklátir en því miður er ekki
því að heilsa.
í 10 ár var ég hjúkrunarkona
hér á landi, í Reykjavík, þar til
ég lamaðist þannig að ég varð
ófær um að vinna. Nú er búið
að loka simanum og allt sam-
band mitt við umheiminn er
slitið. Hví fer ísland, sem er svo
gott hvernig sem á það er litið,
svona illa með fatlaða fólkið
sitt? Eg skil ekki þessa grimmd.
Ég var gift og á 4 börn,
sem betur fer eru öll uppkomin
og þegar eini sonur minn, sem
er 15 ára, bregður sér burtu þá
þarf ég síma án þess get ég
Raddir
lesenda
engan mat fengið úr búðunum.
Hví er ekki ókeypis sími á Is-
landi fyrir þá sem eru fatlað-
ir???
Eg legg hér með bréfið frá
Póst og símamálastjóra svo þið
getið séð að ég segi satt. Það
eru margir hér á íslandi sem
ekki hafa til hnífs og skeiðar.
Eru það þakkir þjóðfélagsins
fyrir vel unnið ævistarf ???
Það væri gaman að fá þessa
háu herra í heimsókn til þess að
ræða þessi mál.
Ég vona að einhvern tíma
renni upp þeir góðu dagar að
maður fái ókeypis síma sé
maður fatlaður.