Dagblaðið - 10.04.1978, Blaðsíða 7

DAGBLAÐIÐ. MÁNUDAGUR 10. APRÍL 1978.
7
„Þaö mætti
hrista upp
íAlþingi”
Þetta eru nokkur dæmi um athuga-
semdir, sem fólk lét fylgja svörum
sínum um frammistöðu þingmanna.
Spurt var, hvort menn teldu þá yfir-
leitt standa sig vel, illa eða sæmilega.
Fáir töldu þingmenn standa sig vel
sem starfshóp, aðeins ellefu af þeim
þremur hundruðum, sem svöruðu
spurningunni.
Hins vegar taldi himur helmingur
að þeir stæðu sig sæmilega. Tæplega
fjörutiu af hverjum hundrað álitu
þingmenn standa sig illa, og er það
býsna há tala.
Stefnir ekki í
miklar breytingar
Mjög margir tóku fram, að auðvitað
væru býsna misjafnir menn í sextíu
manna þingliði. Hinn stóri hópur, sem
taldi þingmenn standa sig illa, vitnaði
gjarnan til þess, að þeir sinntu öðru
fremur en að stjórna landinu vel.
Ýmist töldu menn þá hugsa of mikið
um einstaka stuðningsmenn sina eða
þá „gleyma kjósendum". Margir
nefndu, að þingmenn hefðu búið vel
um sig um kaup og kjör, svo sem skatt-
frjálsarsposlur.
Þá tóku margir fram, að frammi-
staða þingmanna væri mjög misjöfn
eftir málaflokkum. #
Fleiri karlar en konur töldu þing-
menn standa sig illa. Hlutföllin voru
nokkuð svipuð úti á landi og á Reykja-
víkursvæðinu.
Eins og í öðrum könnunum Dag-
blaðsins var hringt i númer á ákveðn-
um stöðum i hverri opnu í sima-
skránni og til þess séð, að spurðir voru
jafnmargir karlar og konur og jafn-
margir á höfuðborgarsvæðinu og utan
þess.
Kosningar nálgast. Prófkjör flokk-
anna- hafa ekki leitt til mjög mikilla
breytinga á framboðum í líkleg þing-
sæti, en þó hafa athyglisverðar niður-
stöður fengizt sums staðar. Athyglis-
verðast við þessa könnun er, hversu
fáir eru ánægðir með þingliðið, þótt
flestir láti sig hafa það að það breytist
ekki ýkja mikið.
- HH
Niðurstöður skoðanakönnunar-
innar urðu þessar:
Vel..............................11 eða 3 2/3%
Illa..........................109 eða 36 1/3%
Sæmilega......................,„15.5 eða.51 213%
Óákveðnir........................25 eða 8 1/3%
Ef aðeins eru teknir þeir, sem tóku af-
stöðu, verða niðurstöðurnar þessar:
Vel.........................................4%
Illa......................................39,6
Sæmilega.................................56,4%
Alþingi sett að hausti: vel, illa eða sæmilega? Meirihlutinn vill ekki taka dýpra
í árinni en að segja sæmilega. DB-mynd.
„HELD AÐ ÞINGMENN SÉU
YFIRLEITT DUGLEGIR”
— segir Guðmundur G. Þórarinsson um
niðurstöður skoðanakönnunar DB
„Ég held, að þingmenn standi sig
ákaflega mismunandi vel,” sagði Guð-
mundur G. Þórarinsson verkfræðing-
ur, þegar niðurstöður skoðanakönn-
unar Dagblaðsins voru bornar undir
hann. DB þótti fróðlegt að fá fram
skoðanir Guðmundar, sem hefur fellt
gamalgróinn þingmann, Þórarin
Þórarinsson, í prófkjöri Framsóknar i
Reykjavik og sækir nú hart að þing-
mennsku.
„Ég þekki þingmenn, sem leggja á
sig feiknarlega vinnu, ferðast mikið
um kjördæmi sín og eru stöðugt að
lesa sér til og berjast fyrir málum,"
sagði Guðmundur. „Hins vegar
grunar mig, að aðrir setji sig alltof lítið
inn í málin.
Ég held, að það sé eins og um aöra
starfshópa, að þeir starfi ákaflega mis-
munandi, en yfirleitt held ég, að þing-
menn séu duglegir menn."
- HH

alltaf eítthvaó á
PRJÓNUNUM
NÝ VERSLUN Á
GÖMLUM STAÐ!
Við erum alltaf að stækka.
Nú siðast að Laugavegi 37, úr 70 ferni i 140
ferm, allt á einni hæð.
Ný verslun og allt nýjar vörur
Já, við höfum alltaf eitthvað á prjónun-
um!