Dagblaðið - 07.09.1978, Blaðsíða 4
4
DAGBLAÐIÐ. FIMMTUDAGUR 7. SEPTEMBER 1978.
DB á ne ytendamarkaði
| Sulta—sulta—sulta—sulta—sulta—sulta—sulta
Það Ivfgar upp á
matseðilinn að
eiga rabarbara
í f rystinum
Það er orðið dálítið langt siðan við sultuðum rabarbarann i „tilraunaeldhösi” DB, eins og sjá má á dag-
setningunni á glðsunum. — Rabarbarasulta getur geymzt i mðrg ár ef þvi er að skipta, en gott er að sulta ekki
meira i einu heldur en fjðlskyldan borðar yfir veturínn. Kilóið af rabarbara kostar um 160 kr. i dag og
sykurkilóið álika mikið, þannig að heimatilbúin sulta verður alltaf miklu ódýrari en búðarsulta.
Haustið er jafnan mikill annatími á
heimilunum. Bömin eru að byrja í
skólunum, það þarf að kaupa eitt og
annað fatakyns á þau. Það tekur sinn
tíma ef vel á að vanda til
innkaupanna. — Fara verður á milli
verzlana til þess að athuga hvar hag-
stæðast er að gera innkaupin. Enn sem
komið er er Neytendasiða DB ekki
orðin svo öflug, að hún geti leiðbeint
foreldrum nógu vel í þeim efnum, en
vonandi verðurþaðeinhvern tímann.
Þau er haustið uppskerutíminn,
sláturtíð og ef vill er hægt að vera
upptekinn við öll þessi störf þangað til
jólaannirnarbyrja.
Við höfum aðeins gluggað í hvernig
á að frysta algengasta grænmetið sem
á boðstólum er og hvernig á að sulta
og ganga frá grænmetinu fyrir
veturinn. Nú skulum við aðeins 'huga
að því hvernig á aðsulta og safta.
Lítið f ramboð
af berjum
á markaðinum
Margar fjölskyldur eru duglegar að
drifa sig á berjamó með alla
fjölskylduna. Aðrir verða að láta sér
nægja að kaupa berin ef á að nota þau.
Ekki er okkur kunnugt um að fram-
boð af berjum sé neitt aðráðienþað
getur þó breytzt. 1 Blóntaskálanum hjá
Þórði á Sæbóli, sem um árabil hefur
verið einn aðalberjasalinn í
höfuðborginni, fengum við þær
upplýsingar að enn sem komið er
hefðu ekki komið nein „villt” ber til
sölu hjá þeim. Smávægilegt magn af
rifsberjum hefur verið til á Sæbóli, en
þau kláruðust um siðustu helgi. Kg af
rifsberjum kostaði 850 kr. í Blóma-
skálanum þegar þau voru síðast til. —
Blómaval hefur stundum verið með
bæði villt ber og rifsber, en ekkert
hefur verið þar á boðstólum enn sem
komið er. Vonandi drifa einhverjir sig
í berjamó þannig að við, sem ekki
höfum tækifæri til að gera slíkt, getum
fengið nokkur klló til að safta og sulta
fyrir veturinn.
Allir sulta
rabarbarann
Það er liklega ekki til sú húsmóðir á
tslandi sem ekki sultar eitthvað af
rabarbara á hverju ári. t rauninni eru
tveir sultutimar fyrir rabarbara —’
fyrst i júnimánuði og siðan aftur i
september.
Margir eru svo lánsamir að eiga
nokkra rabarbarahnausa í garðinum,
en aðrir verða að kaupa hann. Það
borgar sig tvímælalaust, því það lífgar
svo sannarlega upp á vetrarmat-
seðilinn að eiga „nýjan” rabarbara i
frystikistunni til að geta búið til graut,
og sultan passar bæði mjög vel með
lambakjöti og einnig með hvers konar
bakkelsi sem vera skal. Persónulega
finnst mér rabarbarasulta passa lang-
bezt í t.d. vínartertur og kartöfluvinar-
brauð, svo dæmi séu tekin.
Auðvitað lifir fjölskyldan veturinn
af þótt húsmóðirin standi ekki allan
septembermánuð á haus yfir klistruðum
suliupottum. Hins vegar er það afar
þægileg tilfinning þegar sultan er
komin í fallegar krukkur og stendur á
búrhillunni og bíður eftir að komast á
disk sælkeranna á skammdegiskvöldi
þegar vetrarstormar geisa úti fyrir.
Rabarbarinn
Rabarbara má frysta á mjög
einfaldan hátt. Leggirnir eru
hreinsaðir og skornir í bita og látnir í
plastpoka, einn skammtur í hvern
poka. Mjög einfalt. Sultan er einnig
mjög einföld í gerð. Gömul aðferð er
að nota 1 kg af sykri á móti 1 kg af
rabarbara en það er óþarflega mikill
sykur. Það er alveg nóg að láta 750 gr
af sykri á móti einu kg. af rabarbara.
Þá er betra að láta atamon eða
betamon út í en þaðeru rotvarnarefni.
Sumir sjóða rabarbarasultu i marga
klukkutíma, en það er alveg nóg að
sjóða hana í I 1/2 klst eða 2. Fer það
þó svolitið eftir hve safarikur rabar-
barinn er. Má prófa hvort sultan sé
orðin nógu þykk með þvi að taka
smávegis sultu á undirskál og kæla í
ísskápnum. Ekki er gott að sultan sé
alltof þykk, því hún þykknar þegar
hún geymist.
Eins finnst okkur i „tilraunaeld-
húsi” DB gott að krydda rabarbara-
sultu með vanillu, annaðhvort
dropum eða skafa innan úr stöngum
(stengurnar eru þá einnig látnar sjóða
með).
Berjasaft
61. berjasaft
2 1/2 kg sykur
3 matsk. betamon
1 matsk. vinsýra
Berin eru hreinsuð mjög vel ef
berjapressa er ekki fyrir hendi. Þá
verður að hakka þau og sia síðan
saftina. Hins vegar þarf ekki að
hreinsa allt lauf i burtu ef berin eru
pressuð i berjapressu. Saftin er látin í
pott, sykurinn út I og hrært vel í, síðan
er betamonið og vínsýran látin út i.
Flöskurnar eru skolaðar með
betamon, saftin látin á og flöskunum
lokað. — Þetta er hrásaft, sem heldur
næringarefnum sinum óskertum.
Ef nota á saftina til drykkjar má
blanda hana til helminga með vatni.
Berjasaft má nota í staðinn fyrir hvaða
ávaxtasafa sem vera skal. Þá má að
sjálfsögðu nota saftina í sósur, út á
grauta og í grauta. Þá er saftin
blönduð með vatni eftir smekk.
Við vitum ekki hve margir lítrar af
saft koma úr hverju berjakg en reikna
má með rúml. 400 gr af sykri á móti
hverjum lítraafsaft.
Hægt að sulta
f leira en ber
og rabarbara
Að sjálfsögðu er hægt að sulta og
safta fleiri ávexti en þá sem vaxa
„villtir” hér á landi, eins og epli,
appelsínur, perur, plómur o.s.frv.
Jafnan eru gómsætar og freistandi
uppskriftir i erlendum blöðum á
þessum árstima af alls kyns
kræsingum. En við megum ekki
gleyma að útlendingarnir höfða til
ávaxta sem vaxa i görðum heima-
manna og liggja jafnvel undir
skemmdum ef ekki er hirt um að
ganga frá þeim fyrir veturinn.
Við löguðum fimm mismunandi
tegundir af nýjum og spennandi upp-
skriftum i „tilraunaeldhúsi” DB. Það
voru Napóleons appelsínur, tómata-
og agúrkusalat, kryddaðar plómur,
sultaðar perur og kryddaður laukur.
— Við segjum frá þessu á Neytenda-
síðunni á morgun. — Uppskriftir af
alls kyns gómsætum ávaxtaréttum er
gott að eiga í bakhöndinni, ef maður
rekst á ávextina á niðursettu verði.
Perur eru oft lækkaðar i verði þegar
þær eru orðnar mjög mikið þroskaðar,
en þá henta þær einmitt bezt til þess
að vera sultaðar.
t n
c
Nú eru aftur liðin mánaðamót og viljum við hvetja lesendur til þess að fylla út
seðilinr —»senda okkur við fyrsta tækifæri. Til þess að geta verið með þurfum við
að fá se«, i fyrir 15. september.
1 gær íti lesa um fyrstu innkaup húsmóðurinnar á Egilsstöðum, sem fékk
mánaðaruuekt fyrir sex manna fjölskyldu! Ef ykkur vantar veggspjald má fá það
sent með þvl að hafa samband við okkur á DB. ...... ...-...... ■ ■■■>•
Upplýsingaseöill
tíl samanburöar á heimiliskostnaði
Nafn áskrifanda
Heimili
Sími
Hvaö kostar heimilishaldió?
Vinsamlegast afhendió þennan svarseöil um leið og þér greiðiö áskrift
næst. Á þann hátt verðið þér virkur þátttakandi í upplýsingamiðlun
meðal almennings um hvert sé meðaltal heimiliskostnaðar fjölskyldu
af sömu stærð og yðar.
Kostnaður í ágústmánuði 1978
Matur og hreinlætisvörur kr. __________________
Annaö kr.__________________
Alls kr. _
m VIKM
Fjöldi heimilisfólks