Dagblaðið - 20.09.1978, Blaðsíða 6

6
DAGBLAÐIÐ. MIÐVIKUDAGUR 20. SEPTEMBER 1978.
Camp David samkomulagið:
Jórdanir og Saudi
Arabar óánægöir
erfið byrjun ferðar Vance utanríkisráðherra Bandaríkjanna
Camp David samkomulagið varð
fyrir fyrsta áfallinu i gær, er bæði
ráðamenn í Jórdaniu og Saudi-Arabiu
lýstu yfir óánægju sinni með það.
Saudi-Arabía sagði að þeir væru and-
vígir öllu samkomulagi þar sem ekki
væri tryggt að helgistaðir múhameðs-
trúarmanna i Jerúsalem yrðu undi^r
þeirra stjórn. Þó sögðu ráðamenn i
Saudi-Arabiu að þeir væru ekki mót-
fallnir því að Egyptar gerðu friðar-
samninga við ísrael og fengju aftur
þau landsvæði, sem þeir hafa glatað i
fyrri styrjöldum.
Hussein konungur Jórdaníu sagði
eftir fund með ríkisstjórn sinni að sam-
komulagiö sem þeir Sadat og Begin-
gerðu I Camp David veikti mjög stöðu
Arabaríkjanna. Sagðist Hussein
áskilja sér allan rétt til aö andæfa gegn
öllum samningum, sem gerðir væru að
honum fjarstöddum.
Cyrus Vance utanríkisráðherra
Bandarikjanna kemur til Jórdaníu í
dag og þykja yfirlýsingar stjórna
Jórdaniu og Saudi-Arabíu heldur
ógæfuleg byrjun á för hans. Utanríkis-
ráðherranum var sérstaklega ætlað að
vinna þessar tvær stjórnir til fylgis við
samkomulagið í Camp David.
Saudi-Arabar hafa einnig gagnrýnt
að ekkert hafi verið tekið tillit til sjálfs-
ákvörðunarréttar Palestínuaraba er
rætt er um heimastjórn þeirra. Einnig
sé ekki neitt minnzt á PLO, samtök
Palestínuaraba, sem Arabaríkin öll
hafi þó viðurkennt sem talsmenn
þeirra.
Vitað er að Hussein Jórdaníukon-
ungur ræddi i gær við Fahd krónprins
Saudi Arabiu, áður en fundur var
haldinn I ríkisstjórn hans. Munu þeir
hafa rætt um Camp David samkomu-
lagið og hvaða afstöðu ætti að taka til
þess.
Hussein undirstrikaði í yfirlýsingu
sinni í gær að fyrsta skilyrði fyrir
friðarsamningum við ísrael væri, að
her þeirra yfirgæfi arabísk landsvæði
og viðurkenndi sjálfsákvörðunarrétt
Palestínuaraba.
Begin forsætisráöherra ísrael og
Dayan utanrikisráðherra hans á göngu
og virðast niðursokknir i viðræður um
málin.
Erlendar
fréttir
REUTER
Danmörk:
Kosninga-
réttur 18
ára sam-
þykktur
Danir samþykktu i þjóðaratkvæða-
greiðslu í gær að kosningaréttur og kjör-
gengi skyldi hér eftir vera frá átján ára
aldri. Aðeins um 64% kjósenda tóku
þátt í atkvæðagreiðslunni. Fylgjandi
kosningarétti 18 ára voru 34,2% en
29,2% voru andvígir. Grænlendingar
voru yfirgnæfandi fylgjandi lækkun
kosningaaldurs en Færeyingar munu að
meirihluta hafa verið andvigir frum-
varpinu. Þó ekki svo að nægi til að fella
frumvarp um þetta efni sem samþykkt
var á danska þjóðþinginu.
öll Efnahagsbandalagsrikin utan
Belgía hafa nú ákveðið að kosningarétt-
ur verði miðaður við átján ára aldur.
Einnig er svo í Svíþjóð og Noregi. Danir
hafa aftur á móti, einir þessara þjóða,
ákveðið að kjörgengi verði einnig frá
átján ára aldri.
Heimsmeistaraeinvígið:
Allar vinningslíkur
eru hjá Kortsnoj
—en sennilegt að Karpov haldi jöf nu
24. skákin i heimsmeistaraeinvíginu
var tefld í gær og fór I biö eftir 41 leik.
í biðstöðunni er liðsafli jafn, en
Kortsnoj hefur fjarlægan frelsingja á
a-linunni. Allar vinningslikur-eru því
hans megin og Karpov má gera sig
ánægðan meðjafntefli.
Áskorandinn tefldi nú aftur Opna
afbrigöið I Spánska leiknum eftir langt
hlé, þar sem bryddað var upp á Pirc-
vörn, Caro-Kann vörn og Franskri
vörn. Hann hafði engan áhuga á að
endurtaka siöustu skák þeirra i þessu
afbrigði, sem Karpov vann örugglega,
og breytti útaf þegar í 9. leik. Karpov
hefur þó verið við öllu búinn, því fyrir
einvigið var þetta einn af uppáhalds-
leikjum Kortsnojs I stöðunni. Hann
vék fljótlega út af troðnum slóðum, en
uppskar ekki rikulega. Kortsnoj haföi
að vísu stakt peð á d5, en það stóð
traustum fótum. Hvitan skorti eigin-
lega raunhæfa áætlun I stöðunni og
fljótlega kom I Ijós, að það var svartur
sem hafði frumkvæðið. Hvítur neydd-
ist til að veikja drottningarvæng sinn
og peð hans á a4 varð uppla'gt skot-
mark fyrir svarta hrókinn. Að lokum
féll peðið, en i staðinn náði hvítur d-
peðinu. Stórfelld uppskipti fylgdu í
kjölfarið og greinilegt var að svartur
hafði betur I endataflinu. Þegar skákin
fór i bið var hins vegar ekki Ijóst hvort
honum tækist að nýta yfirburði sína til
sigurs.
24. Einvlgisskákin
Hvítt; A. Karpov
Svart: V. Kortsnoj
Spánski leikurinn
1. e4e5
Kortsnoj býður nú upp á Spánska
leikinn eftir langa hvíld. Hann sá sið-
ast dagsins Ijós i 14. skákinni, en þar
fékk Kortsnoj slæma stöðu eftir byrj-
unina og tapaði um síðir. Nú hefur
hann hins vegar haft nógan tima til að
huga að endurbótum og ætti ekki að
verða skotaskuld úr því, að hrista eitt-
hvaðskynsamlegtfram úrerminni.
2. Rf3 Rc6 3. Bb5 a6 4. Ba4 Rf6 5.0-0
Rxe4 6.d4 b5 7. Bb3 d5 8. dxe5 Be6 9.
c3
Þannig varð framhaldiö einnig i 14.
skákinni. 1 8. skákinni, fyrstu sigur-
skákinni i einvíginu, lék Karpov 9.
Rbd2, en Kortsnoj náði siðan að
endurbæta taflmennsku sína í 10.
skákinni.
9. — Be7!
Fyrr í einvíginu hafði Kortsnoj
ávallt leikið 9. — Bc5. Hann hefur
greinilega ekki fundið neitt svar við
taflmennsku Karpovs I 14. skákinni
(10. Rbd2 0-0 11. Bc2 Bf5 12. Rb3 Bg4
13. h3 Bh5 14. g4!) og beinir því skák-
inni innáaðrarslóðir.
10. Bc2 Rc5
Ekki er ólíklegt að Karpov hafi frek-
ar búist við 10. — 0-0, en það lék
Kortsnoj oft á árunum 1962—66,
m.a. tvívegis gegn Bronstein.
11. h3
Beinir skákinni inn á nýjar brautir.
Eftir 11. Be3 kemur upp algeng staða í
þessu afbrigði, sem í dag er talin frekar
hagstæð hvítum.
11.-0-012. Hel Dd7 13. Rd4 Rxd4
14. cxd4 Rb7 15. Rd2c5
Kortsnoj hugsaði i 25 mínútur um
þennan sjálfsagða leik. Svartur losnar
nú við bakstæða peðið á c-linunni, en
á móti kemur að nýr veikleiki mynd-
ast, peðið á d5. I staðinn fær svartur
hins vegar aukið athafnafrelsi fyrir
menn sína.
16. dxc5 Rxc5 17. Rf3
Mikilvægasti reiturinn á borðinu er
d4-reiturinn. í framhaldinu reynir
Karpov þvi að ná sem bestum tökum á
honum.
17. -BÍ5!
Þvingar fram uppskipti á sínum
verri biskupi. 18. Bxf5 Dxf5 19. Dxd5?
gengur nú ekki vegna 19. — Hfd8 og
svartur fær allt of hættulegt frum-
kvæði.
18. Be3 Hac8 19. Hacl Bxc2 20.
Hxc2 Re6!
Á e6 stendur riddarinn eins og best
verður á kosiö.
21. Hd2 Hfd8 22. Db3
Hótunin var 22. — Bb4
22__Hc4 23. Hedl Db7 24. a3 g6
Svörtu mennirnir eru Ijómandi vel
staösettir. Hvítur virðist ekki hafa
nein tök á að notfæra sér veikleika
staka peösins á d5 og hefur i rauninni
enga haldgóða áætlun. Svartur hefur
aftur á móti I hyggju að leika a5-a4.
ásamt b4 o.s.frv. og þjarma illilega að
hvítum á drottningarvægnum. 1
framhaldinu reynir hvitur að sporna
við þessari áætlun, en í staöinn mynd-
ar hann sína eigin veikleika á drottn-
ingarvæng.
25. Da2 a5 26. b3 Hc3 27. a4 bxa4 28.
bxa4 Hc4
Þessi leikur kom „sérfræðingunum”
mjög á óvart, sem frekar höfðu búist
við 28. — Ha3. vel má vera að það sé
sterkari leikur, en Kprtsnoj hefur
sennilega leikið því fyrsta sem honum
datt I hug. Hann átti nefnilega aðeins
lOmínútureftir!
29. Hd3 Kg7
Eins og Fischer sagði að Tarrach
hafi skrifað: „Þegar þú veist ekki
hverju þú átt að leika, skaltu bíða eftir
að andstæðingurinn fái hugmynd —
hún verður örugglega röng!”.
30. Dd2 Hxa4 31. Bh6+ Kg8 32.
Hxd5 Hxd5 33. Dxd5 Dxd5 34.
Hxd5 Bf8
Svartur hefur nú losnað við staka
peðið á d5 og hefur fjarlægan frels-
ingja á a-línunni. Hann hefur því
greinilega betri möguleika, þó vinning-
urinn sé enn langt undan. í augnablik-
inu er helsta áhyggjuefni hans —
klukkan!
35. Bxf8 Kxf8 36. g3 Ke7 37. Hb5
Rc7 38. Hc5 Re6 39. Hb5 Rd8
Ekki vill Kortsnoj sætta sig við jafn-
tefli með 39. — Rc7 40. Hc5 o.s.frv.
Hann hyggst tefla áfram og nota frí-
peðið til hins ýtrasta.
40. Kg2h641.Rd2Hal
Hér fór skákin I bið og lék hvitur
biðleik. Svartur hefur betri möguleika
vegna fripeðsins á a-línunni, þó vafa-
samt sé að hann geti notfært sér það til
sigurs. Til frekari glöggvunar skal þess
getið, að tilraun til áð vinna peðið með
41. Rb3? strandar einfaldlega á 41.—
Hbl, sem leppar riddarann. Biðskákin
verður tefld áfram i dag og kemur þá
væntanlega í Ijós hvor aðstoðar-
mannaflokkurinn hefur unnið heima-
vinnuna betur.