Dagblaðið - 23.10.1979, Blaðsíða 24

Verda loðnuveiðamar
stöðvaðar án sam-
ráðs við útgerðina?
—veit ekki hvenær á að hafa samráð ef ekki nú, segir f ramkvæmdast jóri LÍÚ
,,Ég undrast stórlega ef loðnuveið-
arnar verða takmarkaðar eða stöðv-
aðar án samráðs við okkur og ég vil
ekki trúa að það verði gert, í ljósi
þess góða samstarfs sem náðst hefur
með okkur og sjávarútvegsráðherr-
um hingað til,” sagði Kristján
Ragnarsson framkvæmdastjóri LÍÚ í
viðtali við DB i gær.
Sjávarútvegsráðuneytið hefur látið
í veðri vaka að stöðva veiðarnar það
sem eftir er ársins þegar 350 þúsund
til 400 þúsund tonnum er náð, en þvi
marki er um það bil náð nú.
Kjartan Jóhannsson sjávarútvegs-
ráðherra sagði í viðtali við DB í gær
að ráðuneytið tæki væntanlega
ákvörðun í málinu í þessari viku
„m.a. í samráði við fiskifræðinga”
eins og hann orðaði það. ítrekaði
hann það orðalag er hann var sér-
staklega spurður um samráð við út-
vegsmenn.
í gær hafði Kristján ekki fengið
neina tilkynningu um slíkar viðræður
og sýndist því harla skammur fyrir-
vari á, ef á annað borð ætti að ræða
við þá.
„Ef einhvern tíma á að hafa náið
samráð við okkur varðandi veiðitak-
markanir, á að gera það í þessu til-
viki. Loðnan er að því leyti svo sér-
stök að fiskifræðin nær skammt yfir
hana enn, svo eðlilegt er að byggja að
verulegu leyti á öðru en henni,” sagði
Kristján. Þar átti hann m.a. við álit
loðnusjómanna sjálfra, sem þekkja
ástand miðanna.
-GS.
Strákarnir voru að landa af fullum krafti og ekki var minna að gera hjá rafvirkjum i brúnni. Á litlu myndinni er Guðbjöm skipstjóri við gluggann, sem brotnaði inn.
7 y DB-myndir: Bj.Bj.
FEKK GLUGGANN FRAMANISIG
„Við vorum búnir að sigla í kolvit-
lausu veðri í svo sem 12 tíma en það var
að ganga niður þegar við komum inn í
Faxaflóann síðdegis í gær. Þá reið ólag
skyndilega yfir bátinn og mölvaði einn
framgluggann í brúnni. Glerbrotin
skáru stýrimanninn í andliti svo hann
verður í landi næsta túr, annar meiddi
sig smávegis og sjór komst í tækjabún-
að. Að öðru leyti var þetta ekkert og
við förum út um leið og við erum búnir
að landa og búið er að fara yfir tæk-
in,” sagði Guðbjörn Þorsteinsson skip-
stjóri, er DB menn hittu hann um borð
í loðnuskipinu Svani RE í Sundahöfn í
morgun. Svanur var með 650 tonn um
borð, þegar óhappið varð og kom hann
til hafnar í nótt.
- GS
Gefur Guðmundur J. ekki kost á sér?
,,í gærkvöldi var rætt við mig um
það hvort ég gæfi kost á mér í
áframhaldandi forval i Alþýðu-
bandalaginu í Reykjavík. Ég tók mér-
frest til þess að skoða stöðu mína
með hliðsjón af því hvernig starfs-
kröftum mínum verði bezt varið fyrir
verkafólk,” sagði Guðmundur J.
Guðmundsson formaður Verka-
mannasambandsins í viðtali við DB.
„Ég hefi verið á bólakafi, bæði í
þingi Verkamannasambandsins og í
kjaramálaráðstefnunni,” sagði Guð-
mundur. „Önn dagsins gaf ekki kost
á neins konar kosningavinnu og ég
tók engan þátt í þessu forvali og kaus
ekki einu sinni, og hvatti engan til að
gera það.”
Hann kvaðst hafa heyrt tölur úr
forvalinu í útvarpi og lesið um það í
blöðum í morgun.
Þegar hann var spurður hvort
aðrir þátttakendur hafi smalað í for-
valið, sagði hann: ,,Ég hef ekki hug-
mynd um það. Ég athuga málið.”
í fyrri umferð forvalsins er Guð-
mundur í þriðja sæti á eftir þeim
Svavari Gestssyni og Ólafi Ragnari
Grímssyni, en á undan Guðrúnu
Helgadóttur. Svavar hlaut 280 atkv.,
Ólafur Ragnar 228, Guðmundur J.
162, Guðrún Helgadóttir 148,
Guðrún Hallgrimsdóttir 141 og
Sigurður Magnússon 102.
-BS.
Snjómokstur á fjallvegum blandaðist f pólitíkina:
Mokað fyrír Sighvat en
ekki sjálfstæðismenn?
Kosningabaráttan á haustnóttum
tekur á sig ýmsar skringilegar mynd-
ir. Snjómokstur á fjallvegum bland-
aðist inn í flokkadrætti á Vestfjörð-
um um síðustu helgi. Sjálfstæðis-
menn héldu kjördæmisþing og
ákváðu skipan framboðslista sins.
Beðið var um mokstur tveggja heiða,
Breiðadals- og Hrafnseyrarheiðar, til
að greiða fyrir umferð fundarmanna
viðs vegar að úr kjördæminu. Því var
hafnað.
Á sunnudagsmorguninn heimilaði
samgönguráðuneytið hins vegar
mokstur heiðanna. Hvort sem það
var tilviljun eða ekki, hagnaðist Sig-
hvatur fjármálaráðherra Björgvins-
son ágætlega á því. Hann gat þá ekið
til Patreksfjarðar á ríkisbifreið sinni,
til að skeggræða við sitt fólk þar.
Umdæmisstjóri Vegagerðarinnar
segir að mánudagar séu hinir venju-
legu mokstursdagar. Mokað sé um
helgar aðeins þegar tilefnið er mjög
sérstakt. Margir velta því nú fyrir sér
hvort ferðalag fjármálaráðherrans
flokkist nú undir „sérstaka við-
burði” innan veggja samgönguráðu-
neytisins.
-FH, Núpi/ARH.
frfálst, úháð dagblað
ÞRIÐJUDAGUR 23. OKT. 1979.
Æskulýðsdagur
á morgun:
Kynningar í
skólum og
bamaheimili
galopin
„Tilgangurinn með þessum æsku-
lýðsdegi er fyrst og fremst að kynna
starfsemi íþrótta- og æskulýðsfélag-
anna í hverju hverfi borgarinnar,”
sgaði Ómar Einarsson framkvæmda-
stjóri Æskulýðsráðs Reykjavikur.
Ráðið stendur á morgun fyrir æsku-
lýðsdegi sem haldin er í samvinnu við
æskulýðs- og íþróttafélögin í bænum
og er dagurinn tillag til barnaárs Sam-
einuðu þjóðanna og haldinn á heiðurs-
degi samtakanna.
Á morgun verða því íþrótta- og
æskulýðsfélögin með kynningu á starf-
semi sinni i skólum í sínum hverfum.
Sum hver verða einnig með opið hús
annað kvöld og gcfst þá fólki betra
færi á að kynnast starfsemi félaganna.
Ætlunin mun vera að fá fleiri unglinga
og börn til þess aðganga í félögin.
Jafnframt verða á morgun opnuð
barnaheimili borgarinnar fyrir þá sem
þau vilja skoða. Félagsmálaráð
Reykjavíkur stendur fyrir þeirri opnun
og er vonazt eftir að foreldrar og aðrir
aðstandendur barna á barnaheimilum
líti inn. - DS
Vinstri menn
unnuíHi
í kosningum til nefndar vegna há-
tíðahalda stúdenta við HÍ 1. desember
höfðu vinstri menn vinninginn eins og
undanfarin ár.
A-listi, Vöku, félags lýðræðissinn-
aðra stúdenta, hlaut 323 atkvæði. B-
listi, félags vinstri manna, hlaut 499 at-
kvæði. 29 seðlar voru auðir eða ógildir.
Kjörsókn var dræm eða aðeins um
30%. Það verða því vinstri menn sem
sjá um 1. des hátíðahöldin í Háskóla
Íslandsíár. -GAJ
Óskar
Friðriksson
formaður
Varðar
Óskar V. Friðriksson, starfsmaður
SÁÁ, var kosinn formaður Landsmála-
félagsins Varðar á aðalfundi þess í gær-
kvöldi. Helena Albertsdóttir hlaut 45
atkvæði við formannskjör en Óskar 52.
Aðrir í stjórn Varðar voru kosnir:
Ester Guðmundsdóttir, framkvstj.
samstarfsnefndar um reykingavarnir,
Gísli Jóhannsson frkvstj., Gunnar
Hauksson frkvstj., Júlíus Hafstein
form. HSÍ, Ragnheiður Ásgeirsdóttir
húsfrú og Gústaf B. Einarsson verk-
stjóri.
Hverfafélög sjálfstæðismanna til-
nefna síðan 12 menn í stjórnina. Á
aðalfundinum flutti Geir Hallgrímsson
ræðu um stjórnmálaástandið.
- BS