Dagblaðið - 19.05.1980, Blaðsíða 15

DAGBLAÐIÐ. MÁNUDAGUR 19. MAÍ 1980.
15
1
Iþróttir
Iþróttsr
Iþróttir
Iþróttir
I

Knotturinn natnar l marki KK eftir óvænt skot Matthíasar, sést ekki á myndinni, næstum frá hliðarlínu.
Valsmenn byrja vel á Islandsmótinu:
DB-mynd: Bjarnleífur.

Góður sigur Vals — Matthfas
skoraði þrennu gegn KR-ingum
Matthías Hallgrimsson yfirgefur leik-
vðllinn eftir að hafa skorað þrjú mörk
gegn KR. DB-mynd: Bjarnleifur.
„Hann gaf mér svo golt tækifæri,
markvörður KR — var um tvo metra
frá markstönginni — að það var sjálf-
sagt að spyrna á markið. Knötturinn
hafnaði milli stangarinnar og mark-
varðarins og í netmöskvana,” sagði
hetja Valsmanna, Matlhías Hallgrims-
son, eftir leik KR og Vals á Laugar-
dalsvelli á laugardag i 1. deild. Valur
sigraði 3—0 og Matlhías skoraði öll
mörk Vals. Annað markið var mjög
óvenjulegt. Matthias lék með knöttinn
upp að endamörkum og möguleikar á
marki virtust ekki fyrir hendi. Kn
Hreiðar Sigtryggsson, markvörður KR,
uggði ekki að sér og Matthías nýtti
færið snilldarlega. Hörkuskot hans
hafnaði alveg við markstöngina. Það
má ekki gefa þessum leikreyndu
köppum smámöguleika. Matthías var
KR-vörninni erfiður — og hafði
möguleika á því að skora eitt til tvö
mörk til viðbótar.
„Þetta er bezti leikur minn með Val.
Ég er ánægður með mörkin þrjú — og
ég er nú alveg laus við þá innri spennu,
sem félagaskiptin úr ÍA í Val höfðu
framan af. Auk þess er ég farinn að
þekkja samherja mína betur. Ég hafði
gaman af þessum leik.”
Matthias er nú markhæstur i I.
deild með fjögur mörk — svo byrjun
hans er glæsileg hjá Val. „Ég skoraði
eins eitt mark með Akranes-liðinu i
fyrrasumar. Ég fékk þar aldrei nein
tækifæri. Var alltaf hafður úti á
kantinum, þegar ég var með,” sagði
Matthías ennfremur.
Hann var ekki rismikill I heild leikur
Vals og KR á laugardag. Þó brá fyrir
allgóðum köflum, einkum af hálfu
Valsmanna og það er greinilegt, að þeir
verða með sterkt lið í sumar þó þeir
hafi misst nokkra sterka leikmenn úr
liði sínu, t.d. Atla Eðvaldsson og
Hörð Hilmarsson, landsliðsgarpana
kunnu. Góðir leikmenn hafa komið í
þeirra stað — og Valsliðið á eftir að
verða sterkara. Dýri Guðmundsson og
Grimur Sæmundsson voru meðal vara-
manna liðsins i gær.
Valsliðið verður þó varla dænit svo
mjög eftir frammistöðu þess gegn KR.
Til þess var mótstaða KR-inga ekki
nógu mikil. Allan heildarsvip vantaði á
leik Vesturbæjarliðsins —
uppbyggingu. Það fékk þó sæmileg
tækifæri til að skora en leikmenn
liðsins klaufar við markið eins og oftast
hefur verið í leikjunum hjá þeim I vor.
KR lék undan sunnangolu í fyrri
hálfleik en það voru þá Valsmenn, sem
fljótt gáfu tóninn, drifnir áfram af
góðum leik Alberts Guðmundssonar.
Það var eftir upphlaup hans og
Guðmundar Þorbjörnssonar á 20. mín.
sem Matthias skoraði sitt fyrsta mark.
Albert fékk knöttinn inni i vítateig KR.
Spyrnti knettinum fast á markið.
Hreiðar markvörður hafði hendur á
knettinum en hélt honum ekki.
Matthías fylgdi fast á eftir og skoraði
auðveldlega. Valsmenn voru miklu
líflegri framan af — en upp úr miðjum
hálfleiknum fóru KR-ingar að koma
meira inn í myndina. Sigurður mark-
vörður Haraldsson átti misheppnað
úthlaup, þegar háspyrna kom að marki
Vals. Knötturinn fór yfir hann en líka
framhjá stöng. Þá áttu Sverrir Her-
bertsson og Börkur Ingvarsson þokka-
leg færi, sem þeir misnotuðu — og
Sæbjörn Guðmundsson skot yfir.
Staðan 1—Oihálfleik.
Það var spenna fyrir hina 1996
áhorfendur, sem borguðu inngangs-
eyri, áhorfendur þvi á 3ja þúsund, i
upphafi síðari hálfleiks. Þar var
skammt á milli feigðar og ófeigðar.
Sigurður Haraldsson hálfvarði frá
Sæbirni og knötturinn stefni i Vals-
markið. Á siðustu stundu tókst Sævari
Jónssyni að bjarga á marklínu — ef
mótvindurinn hefði ekki verið hefði
knötturinn hiklaust hafnað i markinu.
Valsmenn náðu snöggri sóknarlotu.
Matthias og Þorsteinn Sigurðsson.sem
komið hafði inn fyrir Jón Einarsson i
byrjun siðari hálfleiks, léku saman
upp. Matthias iék upp að endamörkum
og skoraði svo mjög óvænt eins og
áður er lýst. Þarna var skammt á milli.
Matthías fékk fleiri tækifæri.
Tvívegis fékk hann að skalla á mark
KR af stuttu færi — en kraftinn
vantaði. Hreiðar varði auðveldlega, en
gæzla Barkar var slök þarna eins og oft
áður i leiknum. Þremur min. fyrir
leikslok fékk Sæbjöm gott færi til að
minnka muninn fyrir KR en Sigurður
varði — og á lokaminútunni
fullkomnaði Matthias þrennu sina.
Fékk knöttinn frá Óla Dan., lék laglega
á varnarmann KR innan vítateigs áður
en hann renndi knettinum í mark.
Fallega að staðið hjá Matthíasi.
Hann var auðvitað hetja Vals í
leiknum — og virkar, 33ja ára að aldri,
skarpari en undanfarin sumur. Þá var
Sævar mjög sterkur sem bakvörður og
Óttar Sveinsson, sem lék i stöðu hægri
bakvarðar, efnilegur piltur. Þorgrímur
Þráinsson og Magnús Bergs sterkir
ntiðverðir. Guðmundur og Albert
höfðu góð tök á miðjunni og það er
aðalstyrkur Vals. Svo er ekki ónýtt að
hafa slikan markaskorara sem
Matthías. Hjá KR var Ottó Guðmunds-
son að venju traustasti maðurinn.
Guðjón Hilmarsson góður i siðari hálf-
leik — og Sæbjörn beztur í
framlinunni. En samvinna tnilli leik-
rnanna var i algjöru lágmarki. Dómari
ÓliOlsen. -hsím.
'Stuðningsmenn
Alberts Guðmundssonar
innan íþróttahreyfingarinnar boða til
þriðjudaginn 20. maíkl. 20.30
i
Gestirfundarins:
Albert Guðmundsson, Brynhildur Jóhannsdóttir
Sigfús Halldórsson leikur og syngur
frumsamin lög
Ávörp fytja: Þórir Lárusson, form. ÍR, Anton Örn Kjærnested,
form. Víkings, Júlíus Hafstein HSt, Bergur Guðnason.
Fundarstjóri: Úlfar Þórðarson
STUÐNINGSMENN
ALBERTS OG BRYNHILDAR