Dagblaðið - 09.06.1980, Blaðsíða 11

DAGBLAÐIÐ. MÁNUDAGUR 9. JÚNÍ 1980
11
•- .y '
■
Vestur-Þýzkaland:
Sósíaldemókratar
haldaflokksþing
Sósíaldemókratar i Vestur-Þýzka-
landi halda nú flokksþing sitt í Essen.
Höfuðverkefnið er að undirbúa
kosningastefnuskrá fyrir kosningarnar
sem verða eiga hinn 5. október næst-
komandi. Þá verður kosið til sam-
bandsþingsins í Bonn.
Willy Brandt fyrrum kanslari og for-
maður flokksins varaði sósíaldemó-
krata við sjálfsánægju og værð vegna
kosningsigra í einstökum ríkjum að
undanförnu. Flokknum bæri nú að
stefna að því að verða stærsti flokkur
Vestur-Þýzkalands og leysa þar af
flokk Kristilegra demókrata.
Sósialdemókratar e. u i stjórn í landinu
með stuðnningi Frjálsa demókrata.
Helmut Schmidt kanslari flytur ræðu
á flokksþinginu i dag. Búizt er við að
hann leggi höfuðáherzlu á slökun
spennu i sambúð austurs og vesturs á
alþjóðasviði og framfarir í félagslegri
þjónustu i innanlandsmálum.
Mexíkóflói:
Sprenging
á olíuborpalli
Mikil sprenging varð á bandariskum
olíuborpalli á Mexíkóflóa i gær. Varð
af mikill eldur en ekkert manntjón er
talið hafa orðið að sögn bandarísku
strandgæzlunnar. Var áhöfn pallsins
bjargð um borð I tvö skip sem komu á
slysstaðinn. Einnig tók þyrla þátt i
björgunarstarfinu. Borpallurinn er í
eigu Marathon olíufélagsins.
Ekki er vitað hve mikil olíumengun
verður vegna sprengingarinnar. Ekki
var heldur vitað hvað orsakað hafði
hana. Heldur ekki hve margir hefðu
verið á borpallinum þegar slysið varð.
Hann var í um það bil 145 kilómetra
fjarlægð frá borginni New Orleans.
Sakamenn
íeinangrun
Edmund Muskie, utanríkisráðherra
Bandaríkjanna, sagði í gær að kæmi í
ljós að harðsvíraðir glæpamenn væru
meðal þeirra kúbönsku flóttamanna
sem til Bandaríkjanna eru komnir
mundu þeir verða settir í einangrunar-
búðir. Þar yrðu þeir að dúsa svo
framarlega sem Kúbustjórn tæki ekki
aftur við þeim. Ráðherrann sagðist þó
telja að ekki væru nema um það bil eitt
þúsund sakamenn meðal hinna 110
þúsunda Kúbumanna, sem komnir eru
til Flórida á undanförnum vikum.
Vilja slaka a spennu
Valery Giscard d’Estaing forseti
Frakklands kom nýverið í opinbera
heimsókn til Finnlands. Var það í
fyrsta skipti sem franskur þjóðhöfð-
ingi sótti Finna heim. Myndin sýnir
er Urho Kekkonen forseti Finnlands
býður franska forsetann velkominn.
í viðræðum þjóðhöfðingjanna kom
meðal annars Ijóslega fram að báðum
er mjög í mun að áframhald verði á
slökun spennu á milli austurs og
vesturs og járntjald kalda stríðsins
renni ekki aftur fyrir í samskiptum
Austur- og Vestur-Evrópu. Greinilegt
var að Frakklandsforseti lagði tölu-
vert upp úr að heimsókn hans til
Finnlands væri sem veglegust. Voru
meðal annars þrír ráðherrar í sendi-
nefnd hans. Finnland er það land
Evrópu sem einna helzt getur talizt
standa á mörkum austurs og vesturs.
OPEC ríkin 13
deila um verð
Fulltrúar OPEC-ríkjanna þrettán
munu I dag reyna enn einu sinni að
komast að samkomulagi um sam-
eiginlegt verð á hráolíu á heims-
markaði. í OPEC samtökunum eru
öll helztu olíuútflutningsríki heims.
Samkomulagshorfur eru ekki
taldar góðar Þegar fyrir fundinn hafa
Saudi-Arabía og íran lýst því yfir að
þau muni ekki fallast á mála-
miðlunartillögu Iraks, eins og nokkur
önnur ríki ætla að gera. Saudi Arabía
hefur fylgt einna hófsamastri verð-
hækkunarstefnu en íransstjórn, sem
tók við eftir byltinguna þar í fyrra,
er áköfust í að hækka heimsmarkaðs-
verðásamt Alsír.
Tillaga íraks gerir ráð fyrir 32 doll
ara grundvallarverði á olíufatið. Er
það fjórum dollurum hærra en
Saudi Arabiuverð en þrem dollurum
lægra en hjá Írönum.
III
Svartur hnef i á lofti
Mesta skemmdarverk sem unnið
hefur verið gegn stjórn hvítra manna
i Suður-Afríku er þegar olíu-
hreinsunarstöð vestur af Jóhannesar-
borg var sprengd upp fyrir nokkru.
Atburðurinn þykir ekki boða gott
fyrir framtiðina þar. í það minnsti
hluti svartra ibúa landsins virðist
reiðubúinn til að krefjast jafnréttis
og beita öllum ráðum til að fá þeim
kröfum framgengt.