Dagblaðið - 14.11.1980, Qupperneq 2

2
Drykkjusjúklingar:
ÞURFA AÐ LÆRA AÐ
ELSKA SJÁLFA SIG
63 íra móðir drykkjukonu hringdi:
Ég er ekki sammála eiginkonu
drykkjumanns sem finnst að
prógramm SÁÁ byggist of mikið á
,,ég”. Það fyrsta sem drykkjusjúkt
fólk þarf að læra er að elska sjáift
sig. Að elska sjálfan sig og eigingirni
er ekki það sama. Sá sem er eigingjarn
,er neikvæður, bæði gagnvart sér og
öðrum, hann hugsar um sjálfan sig á
neikvæöan hátt. Sá sem elskar
sjálfan sig ræktar líf sitt og um
leiðlíf annarra.
Samtök drykkjusjúkra eru að
kenna þessu fólki að elska sjálft sig,
sá sem ekki elskar sjálfan sig getur
ekki elskaö aöra. Þvi verður maöur
að byrja á sjálfum sér. Þaö er verið aö
kenna fólki að hugsa um sjálft sig á
jákvæöan hátt.
Fáránleg skrif
um barnaskatta
Fjögurra barna móðir sem styður
stjórnina skrifar:
Ég get ekki orða bundizt lengur
vegna allra skrifanna um barnaskatt-
ana. Þetta eru fáránleg skrif. Það er
talaö um að unglingarnir fái engan
persónufrádrátt enhefurþetta góöa
fólk ekki gert sér grein fyrir því að
þessi börn eru á framfæri okkar for-
eldra og þvi fáum við frádráttinn.
Ætli það kæmi ekki skrýtinn svipur á
þessa sömu foreldra, ef þeir fengju
engan frádrátt en væru samt taldir
framfærendur barnanna. Það hlýtur
hver heilvita maður að sjá að það er
ekki hægt að fá persónufrádrátt
tvisvar.
Ef börnin fengju enga skatta þá
bættust tekjur þeirra við tekjur
okkar og þá þyrftum viö að borga
hærri skatta á meðan blessuö börnin
lékju sér með sumarhýruna.
DAGBLAÐIÐ. FÖSTUDAGUR 14. NÓVEMBER 1980.
Þegar hjartasjúklingur fær kast er nauðsynlegt að brugðizt sé fljótt við.
Danmörk:
Rautt spjald um
úlnlið auðkennir
hjartasjúklinga
Ása Kristin Ingólfsdóttir hringdi:
Vegna greinar I DB sl. laugardag
þar sem lagt var til að hjartasjúkling-
ar hefðu hjarta með pillum í um
hálsinn vill ég leggja nokkur orð í
belg.
Það eru ekki bara hjartasjúkling-
ar, sem eiga það til að missa
meðvitund skýndilega heldur einnig
t.d. sykursýkisjúklingar og flogaveik-
ir. Ég varð eitt sinn vitni að því í
Danmörku að hjartasjúklingur leið
út af. Viðstaddir brugðu skjótt við
og sáu strax hvers kyns var, þvi
sjúklingurinn var með rauða plötu i
keðju um úlnliðinn sem þýddi að
hann var hjartasjúklingur. 1 Dan-
mörku hafa sykursýkissjúklingar
gula plötu og bláar plötur eru fyrir
flogaveika.
Það hefur oftar en einu sinni liðið
yfir mig en ég hef verið heppin því I
öllum tilvikunum var fólk í fylgd með
mér sem þekkti mig og vissi því hvað
var að. Þessi grein i DB vakti mig til
að hugsa um þessi mál. Ég held að
við ættum að taka upp sama fyrir-
komulag og Danir eru með.
Allt virtist í stakasta lagi en...
Flutft í snarhasti í miðjum hríðum
af Fæðingarheimilinu yf ir á Fæðingardeildina
Margrét Þorsteinsdótlir (6407-6868)
skrifar:
Vegna mikillar umræðu undan-
farið um Fæöingarheimili Reykja-
víkurborgar vil ég leggja þessi orð i
belg:
Hvernig væri að við konur sem
höfum verið fluttar í miðri fæðingu
frá Fæðingarheimilinu og yfir á
Fæðingardeild Landspítalans létum
frá okkur heyra? Sú lifsreynsla er
ekki síður umhugsunarverð en sú að
njóta huggulegheita á lítilli og vafa-
laust vistlegri stofnun eftir að fæðing
erum garðgengin.
Þegar ég á sinum tíma átti von á
mínu fyrsta barni fór ég mjög
reglulega í skoöun á Mæöradeild
Heilsuverndarstöðvarinnar. Þar
spurði ég skýrt og gagngert þegar leið
á timann, hvort mér yrði óhætt aö
fæöa á Fæðingarheimilinu. Jú, ekk-
ert var talið því til fyrirstöðu þó um
fyrsta barn væri að ræða, því eins og
öllum kom saman um virtist allt i
stakasta lagi. Það sama var að segja
um Fæðingarheimilið, þar var
kunnugt um að þetta væri mitt fyrsta
barn þegar óskað var eftir plássi.
Ég ætla ekki að lýsa
fæðingunni, aöeins segja
aö i
hér
ljós
kom eftir að fæðingin var komin af
stað að ekki yrði um alveg eölilega
fæðingu að ræða og ég var því flutt í
miðjum hriðum yfir á Fæðingardeild
Landspítalans. Þar fæddi ég stórt og
velskapað barn 20 mínútum síðar.
Ég hef oft hugsað um þetta þegar
umræður um þennan margprísaða
stað hafa átt sér stað. í allri þessari
umræðu hefur mikið verið slegið á
strengi tilfinninga, á rétt okkar
kvenna til að velja og hafna. Það er
ekki í fyrsta sinn, sem við sak-
leysingjarnir erum notaðar. Ég segi
notaðar, því þetta er orðiö hápóli-
tiskt mál og hefur sennilega alltaf
verið. En ef tilfinningar okkar
kvenna eru það sem málið snýst um
þá spyr ég er ekki rétt að taka allt
með?
Sjö árum seinna ætlaði ég að
koma í heimsókn til vinkonu minnar
á Fæðingarheimilið en sneri við á
tröppunum, svo yfirþyrmandi urðu
minningarnar fyrir mig. Ég tel mig
ekki meiri skræfu en almennt gerist.
Kæru konur, sem hafið skundað
fram á ritvöllinn; mega mínar
tilfinningar og mín reynsla vera með
á vogarskálinni?
K
Frá barnastofu Fæflingardeildar
Landspltalans.
DB-mynd: Jim Smart.
Kirkjufélag Digranesprestakalls
FLÚAMARKAÐUR
OGBASAR
verður í Safiiaðarheimilinu
við Bjamhólastíg
LAUGARDAGINN
15. NÓVEMBER KL. 3 E.H.
Margt eigulegra muna — Kökur og mfl.
Komiö og gerið góð kaup —
og styrkið gott málefni um leið
NEFNDIIM