Dagblaðið - 14.11.1980, Qupperneq 5

DAGBLAÐIÐ. FÖSTUDAGUR 14. NÓVEMBER 1980.
5
Hvers vegna fær Lýsi og mjöl að puðra óþverranum yfir Hafnf irðinga óáreitt?
„Heilbrigðisnefndin getur stöðvað
verksmiðjuna sé viljinn fyrir hendi”
— segir Ingimar Sigurðsson, deildarstjóri í heilbrigðisráðuneytinu—verksmiðjan hefur ekki haft starfsleyfi ífjögur ár
Heilbrigðisnefnd Hafnarfjarðar
getur stöðvað rekstur verksmiðju
Lýsis og mjöls hf. þar í bæ sé vilji
fyrir þvi í nefndinni, að sögn
Ingimars Sigurðssonar, deildarstjóra
i heilbrigðis- og tryggingarráðuneyt-
inu. Tillaga um lokun var hinsvegar
felld á fundi heilbrigðisnefndar
Hafnarfjarðar sl. þriðjudag.
Sveinn Guðbjartsson, heilbrigðis-
fulltrúi í Hafnarfirði, sagði i samtali
við DB á miðvikudag, að „ráðherra
eftir ráðherra hefur gefið verksmiðj-
unni leyfi til þess að puðra þessum
andskota yfir bæjarbúa”. Þá höfðu
hreinsitæki verksmiðjunnar bilað og
spjó hún reyk og mjölryki yfir ná-
grenni sitt.
Ingimar Sigurðsson sagði í tilefni
þessara ummæla Sveins að verk-
smiðjan hefði í raun verið starfs-
leyfislaus í rúm fjögur ár. „Forsaga
málsins er sú,” sagði Ingimar, „að
árið 1973 veitti heilbrigðisráðuneytið
Lýsi og mjöl h.f. starfsleyfi í sam-
ræmi við ákvæði reglugerðar nr. 164
frá 1972 um varnir gegn mengun af
völdum eiturefna oe hættulegra efna,
en sú reglugerð er byggð á lögum nr.
85/1968 um sama efni.
Starfsleyf i í tak-
markaðan tíma með
ákveðnum skil-
yrðum
Meðal skilyrða í þessu starfsleyfi
var að reistur yrði við verksmiðjuna
70 metra hár reykháfur. Átti því að
vera lokið fyrir upphaf loðnuvertíðar
1974. Vegna ýmissa óviðráðanlegra
orsaka veitti ráðuneytið verk-
smiðjunni frekari fresti, meðal
annars vegna þess, að fyrirtækið sem
reykháfurinn var pantaður hjá i Bret-
landi, varð gjaldþrota. í ágúst 1975
gaf ráðuneytið út nýtt starfsleyfi, þar
sem fresturinn var framlengdur til 1.
september 1976. Þá hafði islenskt
fyrirtæki tekið að sér hönnun
reykháfsins og taldi sig þurfa þennan
frest til áð ljúka verkinu. Jafnframt
lagði ráðuneytið áherzlu á, að á
meðan reykháfurinn væri ekki til
staðar yrði vinnslu hagað svo með
hliðsjón af veðri og vindum, að sem
minnst óþægindi hlytust af.”
Ingimar Sigurðsson sagði að ekk-
ert hefði orðið úr efndum af hálfu
fyrirtækisins, þannig að verksmiðjan
hefði orðið starfsleyfislaus 1. septem-
ber 1976. ,,Þá voru hins vegar komin
upp ný sjónarmið, þ.e.a.s. um að
hreinsibúnaður leysi reykháfinn af
hólmi,” sagði Ingimar. „f marz 1978
fór verksmiðjan fram á viður-
kenningu ráðuneytisins á hreinsi-
búnaði sem þegar hafði verið komið
fyrir við verksmiðjuna. Var
verksmiðjunni bent á, að samkvæmt
gildandi reglum bæri henni að sækja
um formlegt starfsleyfi til
Heilbrigðiseftirlits ríkisins, sem gerir
tillögur um leyfisveitingar i slíkum
tilvikum. Jafnframt bæri verk-
smiðjunni að gera grein fyrir þeim
mengunarvarnatækjum, sem verið
væri að reyna.
Enginn hefur
beðið um að
verksmiðjunni
verði lokað
Samkvæmt upplýsingum Heil-
brigðiseftirlits ríkisins sótti verk-
smiðjan um leyfi nokkru síðar en
meðfylgjandi upplýsingar voru alls
kostar ónógar og ekki fylgdi með álit
heilbrigðisnefndar Hafnarfjarðar á
búnaðinum. Var verksmiðjunni bent
á þetta, en ekkert hefur gerzt í þeim
málum. Samkvæmt þessu hefur verk-
smiðjan í reynd verið starfsleyfislaus
frá 1. september 1976. Ráðuneytinu
hefur hins vegar ekki borizt nein
beiðni frá eftirlitsaðilum, þar á
meðal heilbrigðisfulltrúanum í Hafn-
arfirði, þess efnis að verksmiðjunni
verði lokað vegna þessa. ”
Ingimar sagði að ráðuneytið beitti
ekki stöðvunaraðgerðum að eigin
frumkvæði, heldur kysi fyrst og
fremst að byggja slíkt á beiðni
viðkomandi staðaryfirvalda. Hann
benti á, að í þriðju grein laga númer
12/1969 um hollustuhætti og heil-
brigðiseftirlit, sem heilbrigðisnefndar
störfuðu samkvæmt, væru heimildir
fyrir nefndirnar til að stöðva starf-
rækslu ef skilyrðum laga, heilbrigðis-
reglugerðar eða heilbrigðissam-
þykktar, eða fyrirmælum heilbrigðis-
nefndar samkvæmt þeim ákvæðum,
væri ekki fullnægt.
„Það væri því hendi næst fyrir
Heilbrigðisnefnd Hafnarfjarðar, að
stöðva starfrækslu verksmiðjunnar
sé vilji fyrir hendi,” sagði Ingimar að
lokurn. „Setji bæjarstjórn sig á ntóti
slíkri stöðvun skulu aðilar vísa
málinu til heilbrigðiseftirlits ríkisins,
er reynir að miðla málum. Takist slík
málamiðlun ekki, heimila lögin að
leitað sé úrskurðar ráðherra. Til slíks
hefur ekki komið." -ÓV.
131 km
hraði rall-
kappanna
enn í rann-
sókn
Sérfræðingar telja úti-
lokað að sögn að flugvél
geti haftáhrifá
radarmælingatækið
Rallkapparnir tveir sem fyrir nokkru
voru teknir af radarmælingamönnum
lögreglunnar á 131 km hraða á Suður-
landsvegi, þar sem hámarkshraði er 70
km á klukkustund, halda enn ökuskír-
teinum sínum en málið er í rannsókn og
athugun hjá ýmsum embættum.
Kapparnir voru sviptir ökuleyfum
strax eftir brotið en er þeir mættu hjá
sakadómara í Reykjavík tveimur dög-
um síðar, höfnuðu þeir sátt og
vefengdu radarmælinguna. Eftir það
gengu þeir út frá Sakadómi með öku-
skírteini sin, en málið var sent sak-
sóknaratil ákvörðunar.
Pétur Guðgeirsson, fulltrúi hjá ríkis-
saksóknaraembættinu, sagði blaða-
manni DB að málið hefði verið sent
embætti lögreglustjórans í Reykjavík
til frekari rannsóknar” en vildu ekkert
segja um í hverju sú frekari rannsókn
ætti að felast.
Héðinn Skúlason, fulltrúi í rann-
sóknardeild lögreglustjóraembættisins
sagði að sérfróðir menn hefðu verið til
kvaddir til að rannsaka hvort önnur
tæki gætu haft áhrif á radarmælinga-
tækið er verið væri að mæla hraða bíla.
Rallkapparnir hefðu haldið því fram að
lítil flugvél hefði verið í æfingaflugi
skammt frá mælingastaðnum og
vefengdu þeir radarmælinguna á þeirri
forsendu að flugvélin hefði truflað
tækið.
Taldi Héðinn að í ljós hefði komiö í
rannsókn sérfræðinganna að radarinn
hefði ekki það svið sem nægði til að
flugvél hefði áhrif á hann, þó svo að
flugvél hefði verið í nánd, sem einnig
væri ósannað og dregið væri í efa.
Áhrif hennar væru útilokuð.
Málið yrði brátt sent ríkissaksóknara
með niðurstöðum „frekari rannsókn-
ar”. Þá færi það aftur til sakadóms til
áframhaldandi meðferðar.
-A.St.
Allur akstur
krefst
varkárni
Ýtúm ekkl bamavagnl
i undan okkur vlð
aðstæður aem þessar
Bætt þjónusta
við Kópavogsbúa:
Bensínstoo
Olís hefur opnaö nýja og glæstli
bensínstöö við Hamraborg í Kópavogi.
Þar bjóðum við bensín, olíur og allskonar
smávörur fyrir bílinn.
Við höfum opið virkadagafrákl.7:30-21:15.
Verið velkomin á nýju Olís-stöðina við
Hamraborg. Greið innkeyrsla.
STOÐIIM VIÐ
HAMRABORG
Sími: 45490