Dagblaðið - 15.09.1981, Blaðsíða 8

8
DAGBLAÐIÐ. ÞRIÐJUDAGUR 15. SEPTEMBER 1981.
Heitt íkolunum íþríbýlishúsi á Seltjamamesi:
Brutu rúður og
slettu sementi
til nágrannans
—áður hafa íbúamir barizt með golf kylfum
Hafnarfjarðarlögréglan handtók
og fangelsaði um tíma eigendur og
ibúa í einni af þremur íbúðum í húsi á
Seltjarnarnesi. 1 húsinu hafa árum
saman verið uppi heitar deilur um
hvað eina sem hægt hefur verið að
deila um. Klögumál hafa gengið til
lögreglu vegna vísvitandi tilrauna
eigenda og íbúa einnar ibúðar til að
halda vöku fyrir öðrum íbúðareig-
enduin.
A laugardaginn, síðla dags, skarst
enn í odda. Voru þá rúður brotnar
fyrir eigendum efstu hæðar og voru
eigendur miðhæðar sekir um
rúðubrotin að sögn.- Vörpuðu
íbúarnir af miðhæðinni sementi inn á
efri hæðina eftir rúðubrotin og
gerðust líklegir til enn meiri stór-
ræða. Er þarna var komið skakkaði
lögreglan leikinn, m.a. með hand-
töku eigenda miðhæðar.
Málið er nú kært sem árásarmál
og meðal annars voru meiðsli á ibúa
efstu hæðar sýnileg að sögn lögreglu.
Ósættið í húsinu á sér langa sögu
og hefur „styrjaldarástand” oft ríkt
einkum milli ibúa og eigenda
miðhæðar og eigenda hinna
hæðanna sitt á hvað. Má heita að
ekki hafi náðst samkomulag um eitt
eða neitt varðandi sameign. Nú
siðast var verið að sementskústa
sameiginlegar tröppur, þ.e.a.s. að
hálfu leyti (fyrir miðhæðina). Þess
vegna var sementið tiltækt til að
kasta inn um brotnar rúður hjá
eigendum efstu hæðar.
Fyrir nokkrum árum var
rannsóknarlögregla rikisins með eitt
mál íbúanna til meðferðar. Hafði þá
verið barizt með golfkylfum.
Handtaka eigenda miðhæðar á
laugardaginn var gerð á grundvelli
ölvunar, enda hitnaði þá meira í
kolunum en oft áður, en deilt hefur
verið hart þó vín væri ekki í spilinu
Lögfræðingur hefur verið ,í málinu”
af hálfu eigenda miðhæðar.
í þessu nýjasta ákærumáli er farið
fram á að eigendur miðhæðar verði
dæmdir til að flytjast á brott.
-A.St.
„Sýnt sig að þetta
er bráðnauðsynlegt
—segir Jón Guðmundsson sem rekur fyrstu og einu
veitingasöluna í Grindavík—er jaf nhliða sjómannastofa
Aðkomusjómenn í Grindavík hafa
frá því í júní 1979 átt athvarf í Sjó-
mannastofunni Vör. Sjómanna- og vél-
stjórafélag Grindavíkur byggði sjó-
mannastofuna en leigði húsnæðið til
einkaaðila, sem auk þess að annast sjó-
mannastofuna rekur veitingasölu við
hliðina.
„Það hefur sýnt sig að þetta er
bráðnauðsynlegt, það er alveg klárt
mál,” sagði Jón Guðmundsson sem sér
um rekstur sjómannastofunnar.
„Yfir vetrarmánuðina eru hér oft:
15—20 manns á kvöldin en þetta er
dauft núna. Annars er þetta mjög
misjafnt, fer eftir því hvenær bátarnir
koma,” sagði Jón.
Veitingasalan, sem rekin er við hlið
sjómannastofunnar, er sú fyrsta í
Grindavík. Þangað koma oft margir í
mat og er að sjá sem þörftn hafi verið
fyrir hendi. T.d. voru í mat, daginn
áður en DB-menn litu inn, um 120 út-
lendingar.
Á sumrin er opið til kl. tíu á kvöldin,
en á veturna til hálf tólf. Þó sagði Jón
að þegar margir sjómenn væru inni
væri oft opið eitthvað lengur.
-KMU.

Ásamt Jóni Guðmundssyni, er situr ásamt 5 ára gamalli dóttur sinni, Aðalheiði Huldu, lengst til hægrí, vinna eiginkona
hans, Súsanna Demusdóttir, sem situr i miðjunni og Ingibjörg Áslaugsdóttir, til vinstri, við rekstur vcitingasölunnar og
Sjómannastofunnar. DB-mynd: Bjarnleifur.
Norðausturland:
Breytingar á fridada svæðinu
Sjávarútvegsráðuneytið hefur gefið
út reglugerð, sem breytir friðaða
svæðinu fyrir Norðausturlandi.
Samkvæmt reglugerð þessari verða
veiðar með botn- og flotvörpu
bannaðar með eftirgreindum hætti á
þessu svæði. Reglugerðin tekur gildi i
dag, 15. september.
1. Á svæði, sem að vestan markast af
linu dreginni 360° réttvísandi frá Rifs-
tanga og að austan af línu dreginni 10°
réttvísandi frá Hraunhafnartanga eru
veiðar með botn- og flotvörpu
bannaðar 15. september-31. janúar. Að
utan markast svæðið af línu, sem
dregin er 40 sjómílur utan við
viðmiðunarlínu.
2. Á svæði, sem að vestan markast af
iínu dreginni 10° réttvísandi frá
Hraunhafnartanga og að austan af línu
dreginni 360° réttvísandi frá Langanesi
eru veiðar með botn- og flotvörpu
bannaðar allt árið. Að utan markast
svæðið af línu, sem dregin er 40
sjómílur utan við viðmiðunarlínu.
3. Á svæði, sem að vestan markast af
línu dreginni 360° réttvísandi frá
Langanesi og að austan af línu dreginni
81 ° réttvísandi frá Langanesi eru veiðar
með botn- og flotvörpu bannaðar allt
árið. Að utan markast svæðið af línu,
sem dregin er 30 sjómílur utan við við-
miðunarlínu.
Hún er heldur vœn kartaflan, sem hann Leifur Þór Leifsson heldur á. Leifur Þór, sem
er 5 ára gamall, var að taka upp kartöflur með slnu fólki við Korpúlfsstaði á
sunnudaginn. Kartöflurnar ífbtunni eru ekki alveg eins stórar, en engu að síður góðar
og ættu að bragðast vel með nýju smjöri. DB-mynd Sigurður Þorri.
Viðurkenndi
sölu á 15
smygluðum
talstöðvum
—fjórtán komu f leitimar austan fjalls
en hin fimmtánda hjá seljanda
sem segist hafa keypt þær af öðrum
Fyrir helgina kornst Selfosslög-
reglan á spor ólöglegrar sölu á
ólöglegum talstöðvum í bílum. Voru
nokkrar talstöðvar þá þegar gerðar
upptækar meðan rannsókn færi
fram. Þar sem maður af Suður-
nesjum hafði selt hin ólöglegu tæki
var málið sent rannsóknarlögreglu
Suðurnesja til fyrirgreiðslu.
Rannsókn þar leiddi í ljós að
leigubílstjóri á Suðurnesjum hafði selt
hinar ólöglegu talstöðvar. Játaði
hann sölumeðferð á 15 talstöðvum.
Komu fjórtán í leitirnar hjá öðrum,
en þá fimmtándu ætlaði hann til eigin
nota.
Umræddur leigubílstjóri var í
löngum yfirheyrzlum hjá lögreglunni
syðra. Kvaðst hann hafa keypt
talstöðvarnar af öðrum leigubílstjóra
einnig af Suðurnesjum. Sá neitaði
öllu við yfirheyrslur og stendur því
fullyrðing gegn fullyrðingu. í gaer
voru dómsyfirvöld að vega og meta
hvert framhald þetta talstöðvamál
skuli fá.
Talstöðvar þessar eru 40 rása
stöðvar frá General Electric. Þær eru
seldar „leynilega ” sem „ágætis
vara” en í raun viðurkénnir Land-
síminn þær ekki vegna óþéttleika og
allar slíkar talstöðvar því ólöglegar
hér á landi. Endanlegt söluverð
hverrar stöðvar er 13—1500 krónur,
en upphaflegt kaupverð er talið vera
um 200 krónur. Talið er víst að þær
berizt hingað með skipum er sigla til
Vesturheims. -A.St.
Smurbrauðstofan
BJORNINN
Njálsgötu 49 — Sími 15105