Dagblaðið - 25.09.1981, Blaðsíða 9

DAGBLAÐIÐ. FÖSTUDAGUR 25. SEPTEMBER 1981.
I
Erlent
Erlent
Erient
Erlent

REUTER
Armensku hryðju- 7 m 7 _
ssr Gafust upp i morg-
un án frekarí átaka
— Einn maður lézt og annar særðist er þeir hertóku tyrknesku ræðismannsskrifstofumar í París ígsr
í dag létu tveir armenskir
hryðjuverkamenn 40 gisla lausa frá
tyrknesku ræðismannsskrifstofunum
í Paris og gáfust upp eftir sólarhrings
umsátur.
Einn öryggisvörður lézt og
tyrkneski vararæðismaðurinn Kaya
Inal særðist alvarlega þegar fjórir
hryðjuverkamenn réðust vopnaðir
inn á ræðismannsskrifstofuna á
fimmtudagsmorguninn, tóku 25
manns í gíslingu og hótuðu að myrða
þá alla ef tilgreindum armenskum
pólitískum föngum yrði ekki sleppt
úr tyrkneskum fangelsum.
Vararæðismanninum og tveimur
særðum hryðjuverkamönnum var
leyft að yfirgefa ræðismannsskrif-
stofurnar á meðan hinir héldu
umsátrinu áfram.
Hryðjuverkamennirnir, sem birt-
ust mörgum sinnum á svölum ræðis-
mannsskrifstofunnar og munduðu
vopn sín, höfðu krafizt hælis í
Frakklandi sem pólitískir flóttamenn
en franska lögreglan neitaði öllum
samningum.
Fimm tyrkneskir sendiráðsstarfs-
menn hafa áður verið myrtir í París
og hafa tyrknesk stjórnvöld því
krafizt aukinna öryggisráðstafana.
Hryðjuverkamennirnir sögðust
tilheyra armenska leynihernum sem
berst fyrir frelsi Armeníu (ASALA).
Krefst leyniherinn sjálfstæðis
armensks lands í A-Tyrklandi.
Hryðjuverkamennirnir hótuðu að
myrða gíslana kl. 21.15 um kvöldið.
Lennon áritar plötuumslagið fyrir tllvonandi morðingja sinn.
/
Morðinginn vill selja
síðustu áritun Lennons
Leyndarmál
til sölu
Nú liggur fyrir í v-þýzkum saka-
dómi ákæra á hendur þremur mönnum
fyrir að hafa selt kommúnistum í A-
Evrópu upplýsingar um smíðar nýjustu
árásarflugvélar Nató, en gerð hennar er
enn hernaðarleyndarmál.
Einn mannanna vann við fyrirtæki í
Mtinchen sem hefur með smíðar þess-
arar flugvélar að gera, en Þjóðverjar,
ítalir og Bretar vinna sameiginlega að
þeim. Útvegaði starfsmaðurinn þannig
upplýsingar um gerð hreyfla og vopna-
kerfi.
Talsmaður fyrirtækisins
viðurkennir að starfsmaðurinn hafi að
vissu marki haft aðgang að skjölum
varðandi framleiðsluna, en geti þó ekki
vitað neitt um nákvæma gerð einstakra
hluta.
Áætlað er að taka vél þessa í notkun
fyrir þýzka herinn næsta vor.
Björgunariaun
í ríkiskassa
Skozku kafararnir sem björguðu
gulli úr HMS Edinborg, sem sökk
norðan við Murmansk 1942, eiga nú
von á því að brezk skattayfirvöld gerist
alldjarftæk til þeirra rúmlega 300
milljóna kr. sem falla í hlut björgunar-
manna af andvirði gullsins. Hafa
skattayfirvöldin sem sagt reiknað út að
90% björgunarlaunanna skuli í þeirra
kassa. Við þetta bætist að aðstandend-
ur þeirra er fórust með skipinu telja sig
einnig eiga rétt á nokkrum skaða-
bótum.
Gullið, sem er alls að andvirði
rúmlega 700 milljónir króna, var
greiðsla Stalíns fyrir vopn frá Banda-
ríkjunum í stríðsbyrjun.
Kafararnir vonast þó til að eiga ein-
hverja peninga afgangs til fullkomnari
björgunarútbúnaðar og hugga sig við
að enn er hafið fullt af skipsflökum er
sokkið hafa með dýrmætan farm.
IMew York:
í ræðu sem Reagan Bandaríkjafor-
seti hélt í gær um fjárlögin kom í ljós
að það er aðallega á þremur sviðum
sem spara á 16 billjónir dala:
Hermálum, félagsmálum og
ráðuneytisrekstri. Það sem á vantar vill
forsetinn fá inn með hertu skatta-
eftirliti.
Undarlegt mál er í uppsiglingu í
sambandi við morðið á poppstjörnunni
John Lennon. Morðingi hans, Mark
Chapman, sem nýlega var dæmdur í 20
ára fangelsi, vill nú bjóða upp
plötuumslag það er Lennon skrifaði
nafn sitt á fáeinum klukkustundum
áður en Chapman skaut hann.
Búizt er við að plötuumslagið seljist
fyrir óheyrilega háa upphæð, en það
sem kannski vekur hvað mesta furðu
er að Chapman ætlar að gefa andvirðið
í baráttusjóð fyrir hertu eftirliti með
vopnasölu í Bandaríkjunum.
Sá galli er þó á málinu að plötu-
umslagið með þessari síðustu áritun
Lennons er ekki lengur í fórum
Chapmans. Hann týndi plötunni í
látunum sem fylgdu handtöku hans.
Finnandinn skilaði plötunni að vísu
samstundis til lögreglunnar en vegna
einhverra mistaka lét lögreglan
finnandann hafa plötuna aftur en ekki
Chapman.
Nú krefst morðingi Lennons þess að
fá plötuna aftur til að gefa andvirði
umslagsins til þjóðfélagslegra umbóta.
— Ég vil ekki að einhver
einstaklingur græði morð fjár á þessari
síðustu eiginhandaráritun Lennons,
segir Mark Chapman.
Málið fer sennilega fyrir rétt og
hafa báðir aðilar, Chapman og
finnandinn, ráðið sér lögfræðinga. Það
eina sem þeir eru sammála um er að
umslagið er afar verðmætt.
_-KUNSEV0
á morgun (laugardag)
kl. 14 /\ f Haf narf irði
Hafnfirðingar!
Mætíð
ogstyðjið
ykkar
unga iið
á mótí Rússunum
Sand-, malar-
og grúsarsala
BJÖRGUN HF
Sævarhöfða 13. — Sími 81833
Er stundin rann upp létu þeir sér þó
nægja að skjóta varúðarskoti frá
ræðismannsskrifstofunni.
Tveimur klukkustundum síðar
komu gíslarnir út fyrir hönd
hryðjuverkamannanna með vopn
hinna síðastnefndu í poka, sem þeir
lögðu á miðja götuna.
Vopnaðir lögreglumenn sóttu
gíslana og óku þeim á brott í lög-
reglubíl en gíslunum var sumum
hverjum ekið á brott í sjúkrabílum.
Undir lok umsátursins var mikið
um að vera á nálægum götum. Tyrk-
neskir andstæðingar hryðjuverka-
mannanna og armenskir stuðnings-
menn þeirra kepptust við um mót-
mæli og höfðu jafnvel byggt sér götu-
vígi.
Umsátrið var af mörgum álitið próf-
steinn á Mitterrand Frakldandsfor-
seta: Hannlétekki undan.
Motmæli koma sér
vel fyrir Sovét
Helmut Schmidt, kanslari V-Þýzka-
lands, sagði í gær að mótmæli gegn
stefnu vestrænna bandamanna í sam-
bandi við nifteindavopn styrktu á
óbeinan hátt Sovétríkin og þeirra
bandamenn.
í viðtali við þýzka blaðið Bild
Zeitung, var kanslarinn spurður hvað
hann áliti um væntanleg fjöldamót-
mæli i næsta mánuði gegn dreifingu á
miðdrægum eldflaugum í V-Þýzka-
landi.
— Þvi miður beina þessir mót-
mælendur gagnrýni sinni aðeins að
stefnu þýzku stjórnarinnar og Nató, á
meðan þeir loka augunum fyrir
ógnvekjandi aukningu á vígbúnaði
Sovétmanna alveg síðan 1970, sagði
Schmidt.
Hann bætti því ennfremur við að
slíkar mótmælaaðgerðir stuðluðu eng-
an veginn að friði í Evrópu. Þar kæmi
aðeins hemaðarlegt jafnvægi að gagni.
— Þvert á móti veikja þær stöðu
vesturveldanna, Sovétmönnum í hag,
sagði kanslarinn.
Mótmælaaðgerðirnar eru áætlaðar
10. október og er búizt við að u.þ.b.
100.000 manns taki þátt í þeim, þar á
meðal fjölmargir flokksbræður hins
sósíaldemókratíska kanslara.
DANSSK0LI
Sigurftar
Hákonarsonar
BÖRN — UNGLINGAR — FULLORÐNIR
Kenndir allir almennir dansar, svo sem:
Barnadansar — Samkvæmisdansar — Discodansar —
Gömlu dansarnir — Rock - Tjútt - Dömubeat, o.fl.
Brons-Silfur og Guilkerfi DSÍ
ATH: BARNAKF.NNSLA EINNIG Á I.AUGARDÖGUM.
KENNSLUSTAÐIR:
Reykjavík: Félagsheimili Víkinga v/ Hæðargarö.
Þróttheimar v/Sæviðarsund.
Kópavogur: Félagsheimili Kóp. v/Fannborg 2.
Innritun og allar nánari upplýsingar
daglega kl. 10.00—19.00 í síma 41557
og 74651
DANSKENNARASAMBAND ÍSLANDS DSÍ