Dagblaðið - 25.09.1981, Blaðsíða 10

MMBUUUÐ
Útgefandi: Dagblaðifl hf.
. Framkvfismdastjórí: Svainn R. Eyjólfsson. Ritstjórí: Jónas Kristjónsson.
Aflstoflarritstjórí: Haukur Helgason. Fréttastjórí: Ómar Vaidimarsson.
Skrífstofustjórí rítstjóman Jóhannea Reykdal.
íþróttir: Haliur Símonarson. Menning: Aflalsteinn Ingólfsson. Aflstoflarfróttastjórí: Jónas Haraldsson.
Handrít: Ásgrímur Pólsson. Hönnun: Hilmar Karísson.
Blaflamenn: Anna Bjamason, Atli Rúnar Halldórsson, Atii Steinarsson, Ásgeir Tómasson, Bragi
Sigurflsson, Dóra Stefónsdóttir, EDn Albertsdóttir, Gunnlaugur A. Jónsson, Inga Huld Hókonardóttir,
Krístjón Mór Unnarsson, Sigurflur Sverrísson.
Ljósmyndir Bjamleifur Bjamleifsson, Einar Ólason, Ragnar Th. Sigurflsson, Sigurflur Þorrí Sigurflsson
og Sveinn Þormóflsson.
Skrífstofustjórí: Ólafur EyjóHsson. Gjaldkerí: Þróinn ÞoríeHsson. Auglýsingastjóri: Mór E.M. Halldórs-
son. DreHingarstjóri: Valgerflur H. Sveinsdóttir.
Ritstjóm: Siflumúla 12. Afgreiflsla, óskríftadeild, auglýsingar og skrifstofur Þverholti 11.
Aflalsimi blaflsins er 27022 (10 línur).
Setning og umbrot Dagblaflifl hf., Síflumúla 12.
Mynda- og plötugerfl: Hilmir hf., Siflumúla 12. Prentun: Árvakur hf., SkoHunni 10.
Áskríftarverfl ó mónufli kr. 85,00. Verfl i lausasölu kr. 6,00.
Fé til flugstöðvar
Dagblaðið hefur upplýst, að í fjár-
lagafrumvarpi Ragnars Arnalds er að
finna framlag til nýrrar flugstöðvar á
Keflavíkurflugvelli. Þetta þýðir, að
Ólafur Jóhannesson utanríkisráðherra
hefur enn sótt sig í slagnum við
Alþýðubandalagið um utanríkis- og vallarmálin. En
Alþýðubandalagið hefur áfram tryggt sér neitunar-
vald, í þetta sinn um, hvernig fénu, sem verja skal til
flugstöðvar, verði nánar ráðstafað, þegar þar að
kemur.
Margir minnast þess vafalaust, að Ólafur Jóhannes-
son stóð með stjómarandstöðunni í baráttu um
framlög til nýrrar flugstöðvar, sem fram fór á Alþingi
síðastliðið vor. í það sinn hindruðu aðrir stjórnar-
sinnar, að fé yrði varið til flugstöðvar þrátt fyrir óskir
æðstu stofnana Framsóknarflokksins þar um. Ólafur
Jóhannesson hefur í haust tryggt sér þægilegri stöðu en
hann hafði þá.
En alþýðubandalagsmenn hafna sem fyrr, að nokk-
urt fjármagn verði þegið frá Bandaríkjamönnum til
þessa verkefnis.
Nefnd frá aðilum stjórnarsamstarfsins mun ætlað
að ræða nánar, hvernig fénu, sem nú á að verða tii
reiðu, verði varið. Þar má búast við nýjum átökum
meðal stjórnarliða.
Ný flugstöð væri að mörgu leyti æskileg. Sú gamla
er ófullkomin, einkum frá sjónarhól starfsfólks. Hún
er einnig ótraust, miðað við eldhættu. Fyrst og fremst
væri æskilegt, að hið bráðasta yrðu skarpari skil
mörkuð milli flugs hersins og hins almenna farþega-
flugs.
Dagblaðið hefur á hinn bóginn lagt áherzlu á, að
fyrirhuguð ný flugstöð hefur verið alltof stór og alltof
dýr miðað við þær teikningar, sem fyrir hafa legið.
Skórinn kreppir víða, ef litið er til flugmála. Fyrir
þá fjármuni, sem fara mundu til byggingar risastórrar
flugstöðvar, mætti bæta öryggisbúnað á flugvöllum
víða um land, þar sem hann stenzt ekki lágmarks-
kröfur.
Allar spár um framhald Atlantshafsflugsins eru
óljósar, og að minnsta kosti þarf óraunhæfa bjartsýni
til að halda, að nægileg þörf verði í nánustu framtíð
fyrir þá stóru flugstöð, sem teikningarnar sýna.
Við ættum að kunna okkur hóf í þessum efnum.
Nú stendur okkur til boða, að Bandaríkjamenn
leggi fram um helming þess fjár, sem ný flugstöð
kostar.
Þetta boð ber að nýta. Bandaríkjamönnum ber að
leggja miklu meira af mörkum en hingað til hefur verið
til uppbyggingar samgöngukerfisins hér á landi.
Einnig hefur verið á það bent, að herinn tæki við
gömlu flugstöðvarbyggingunni, þegar ný kæmist í
gagnið. Við eigum ekki að afhenda hernum slík
mannvirki án endurgjalds.
Alþýðubandalagsmenn hafa farið háðulegum
orðum um að ný flugstöð gæti orðið til hagsbóta fyrir
almannavarnir. Að sjálfsögðu væri það mikill kostur
við nýja flugstöð.
Niðurstöður þessara hugleiðinga eru þær, að stefna
ætti að byggingu nýrrar flugstöðvar af hæfilegri stærð.
Öfgunum ber að hafna.
Því viðbótarfé, sem ella hefði farið til risastórrar
flugstöðvar, ber að verja til endurbóta í flugmálum á
örðum sviðum.
Við eigum að þiggja það fé, sem til boða stendur frá
Bandaríkjunum og jafnframt krefjast af Bandaríkja-
mönnum framlaga til annarra verkefna í samgöngu-
málum og almannavörnum.
DAGBLAÐIÐ. FÖSTUDAGUR 25. SEPTEMBER 1981.
JÓHANNA V
ÞRÁINSDÓTTIR
Sorfið að ölkærum í Egyptalandi:
Áfengisbann í
mörgum héruðum
— Snafs á almannafæri getur kostað viðkomandi
6mánaðafangelsi
Sadat skálar hér við Begin, forsætisráðherra tsraels, á hóteli f Jerúsalem, en ekki fylgir sðgunni hvað glðsin innihalda.
Áfengi er samkvæmt trú múham-
eðstrúarmanna af hinu illa og neyzla
þess því víða stranglega bönnuð.
Eitt arabaríkjanna hefur þó hingað
til litið málið nokkuð mildari augum,
en það er Egyptaland. En síðustu vik-
urnar hefur sigið mjög á ógæfuhlið-
ina fyrir þeim sem þykir sopinn
góður og hafa 24 stjórnarhéruð í
Egyptalandi harðbannað neyzlu og
sölu á áfengum drykkjarvörum.
Maður einn í borginni Minja fékk
aldeilis að finna fyrir þessari breyttu
stefnu í áfengismálum þegar hann
ætlaði að gera sér dagamun og efla
skyn sitt á náttúrufegurðinni á
bökkum Nílar með því að sitja þar
með snafsflöskuna sína. Var maður-
inn umsvifalaust kærður og snafsinn
kostaði hann sex mánaða fangelsi.
Þessi dómur olli miklu fjaðrafoki
því Egyptaland hefur, eins og áður er
sagt, verið drykkfelldum aröbum sem
vin í eyðimörkinni og þess vegna
laðað að sér fjölda ferðamanna,
einkum frá Saudi-Arabíu. Og sjálfir
voru Egyptar til í að líta fram hjá
ýmsum óþægindum eins og fátækt,
hækkandi verðlagi og aukinni spill-
ingu vegna sopans.
En nú hefur stjórnin snúið við
blaðinu. í athugasemd sem stjórnar-
blaðið Al-Ahram í Kairó birti um
dóminn í Minja segir: „Við búum við
múhameðstrú. Og þá er auðvitað
sjálfsagt að hlýða Kóraninum sem
m.a. bannar neyzlu á áfengi.”
Nautnaseggir eiga nú að leita útrás-
ar í bænum til Allah því með vaxandi
áhrifum klerka láta ofstækisfullir
siðapostular stöðugt meira í sér heyra
og hafa sagt allri frjálshyggju stríð á
hendur.
Siðabótarhreyfingum eins og
Múslímbræðrunum vex nú ásmegin
og varar málgagn þeirra El-Dawa við
því að taka upp ósiði evrópskra
krossfara. Blaðið krefst allsherjar
áfengisbanns og lætur sig engu skipta
þótt slíkt leiði til hraðrar lækkunar á
gjaldeyrisgróða landsins í sambandi
við ferðamenn. Egyptaland verður að
lokum að velja á milli áfengisbanns
og ferðamanna.
Allah getur þannig aukið mikið á
vandræðin í Egyptalandi. Og ekki er
hægt að horfa fram hjá því að
Egyptaland er á yfirborðinu múham-
eðstrúar. Sadat forsed hefur hvað
eftir annað lýst sjálfum sér sem
múhameðstrúar-forseta í múhameðs-
trúar-ríki og lofað að halda heiðingj-
um og kommúnistum frá leiðandi
stöðum í landinu.
Sadat skálar í
ölkelduvatni
Egyptaland er ekki aðeins frægt
fyrir pýramída sína heldur einnig
góða vínframleiðslu eins og t.d. hvít-
Áfengisverzlun i Egyptalandi: Þvert ofan i fyrirmæli Ailah.
vínið Cru des Ptolemées og rauðvínið
Omar el-Kajam. Og forveri Sadats,
Gamel Abdel-Nasser vildi gera
egypzkan bjór að þjóðardrykk.
— Það er aðeins á þann hátt sem
við getum barizt gegn aukinni hass-
neyzlu, sagði hann.
En þegar 1976 tók þessi stefna að
breytast er blöð veigruðu sér við því
að birta áfengisauglýsingar. Vegg-
spjöld sem auglýstu áfengi hurfu af
götunum, útvarp og sjónvarp hættu
að auglýsa slíkar vörur.
Þéverandi æskulýðsmálaráðherra
bannaði sölu á bjór og viskíi í íþrótta-
klúbbum landsins. Áfengir drykkir
voru þó enn á boðstólum á ódýrari
alþýðuknæpum. Brátt var líka tekið í
taumana þar með því að hækka tolla
á áfengi um 3000%. Bjór hækkaði úr
10 kr. upp í rúmlega 60 kr., viskí-
flaskan hækkaði um 210 kr.
Jafnvel smyglaður bjór er nú
seldur á okurverði, ein bjórdós kost-
arámilli 25 og 30 kr.
Sl. sumar mátti aðeins selja útlend-
ingum áfengi allan föstumánuð
múhameðstrúarmanna, Ramadan.
Var fólk jafnvel krafið um passa ef
það þótti tala óeðlilega góða
egypzku.
Enginn háttsettur embættismaður
leyfir sér nú lengur að lyfta glasi
opinberlega sé innihaldið sterkara en
mjólk eða saft. Er Sadat forseti sat
boð Ronalds Reagans Bandaríkja-
forseta í Washington skálaði hann
aðeins í ölkelduvatni.
Einnig liggur nú fyrir frumvarp til
laga á þingi um algjört bann á áfeng-
isneyzlu múhameðstrúarmanna
í höfuðborginni Kairó og ákveðið
hefur verið að hætta áfengissölu um
borð t þeim flugvélum egypzka fiug-
félagsins Egypt Air sem fljúga á milli
múhameðstrúarlanda.
Áfengissölu verður þó haldið
áfram um borð í þeim vélum félags-
ins er fljúga á miili Evrópulanda og
Austurlanda fjær. En aðeins með því
skilyrði að leyfi flugstjórans fáist
fyrir því og einnig hafa flugfreyjur
rétt á að neita afgreiðslu á áfengum
drykkjum. (DerSpiegel)