Ársrit Ræktunarfélags Norðurlands - 01.01.1971, Qupperneq 72

svelluni heldur en þar sem jarðvegur.er lausari í sér og loft-
rýmið meira.
Bádshaug (persónulegar heimildir) hefur sýnt fram á skýr
áhrif jarðvegsþjöppunar á svellkal í vallartilraun á móajarð-
vegi í Noregi. Rúmþyngd óþjappaðs jarðvegs var um 0.90 g
á cm:i en eftir þjöppun 1.10 g á cm3. Kal tveggja grasteg-
unda í prósenteiningum varð að meðaltali í tvö ár svo sem
hér greinir:
Óþjappaður Þjappaður
jarðvegur jarðvegur
Vallarfoxgras 45 65
Hávingull 87 99
Þjöppunin hefur greinilega aukið kalið.
Kölkun hefur í fleiri tilvikum reynzt auka vetrarþol
grasa, og hefur þetta oftazt verið skýrt með P-losandi áhrif-
um kölkunarinnar, svo sem síðar verður vikið að. Þar sem
hér hefur verið sýnt að kal vaxi við þjöppun jarðvegs, er
rétt að vekja athygli á langtímaverkunum kalks á eðliseigin-
leika jarðvegs og þeim áhrifum, sem þetta getur haft til
varnar kali. Sömuleiðis má vekja athygli á hugsanlegum
áhrifum búfjáráburðar á eðliseiginleika jarðvegs og kal.
b. Sáðtími.
Mjög eru tilraunaniðurstöður óljósar varðandi áhrif sáð-
tíma sáðárið á þol grasanna komandi vetur. I kaltilraunum
hefur stundum komið fram að snemmsáð og í öðrum til-
vikum síðsáð gras hefur staðið vetur bezt af sér. Er líklegt
að þetta ósamræmi eigi rót sína að rekja til þess, að aldur
grasanna liafi mismunandi áhrif eftir því um hvaða flokk
kals sé að ræða. Þessu til rökstuðnings eru uppdrættirnir á
mynd 1, sem eru dregnir eftir niðurstöðum ýmissa rann-
sókna, og sýna áhrif aldurs á þol grasa gegn nokkrum flokk-
um kals. Sumir uppdráttanna eru fremur óvissir, og auk
75