Ársrit Ræktunarfélags Norðurlands - 01.01.1971, Síða 113

ÞÓRARINN LÁRUSSON:
STARFSSKÝRSLA 1970-1971
Þótt starfsvettvangur minn á sl. ári grundvallist öðru fremur
á ýmsum heyefnagreiningum, þykir rétt að gera öðrum
störfum nokkur skil í upphafi.
Gerð var sl. vetur allnákvæm athugun á heilsufari kúa á
Þórisstöðum á Svalbarðsströnd. Atleysi og tregða til að skila
hámarksafurðum var sett í samband við lágt kalímagn í
heyi, og sérstaklega vegna þess hve afurðahæfni einstakra
gripa virðist vera mikil á bæ þessum. Án þess að fara mörg-
um orðum um niðurstöður athugunar þessarar er óhætt að
fullyrða að kalígjöf hafi jákvæð áhrif á átlyst og afurðir.
Sterkustu líkur fyrir að um kalískort væri að ræða fengust
í gegnum niðurstöður þvagefnagreininga. Kom í ljós, að
þegar kvillaeinkennin voru mest áberandi þá var kalístyrk-
ur þvagsins óeðlilega lítill samanborið við natríumstyrkinn.
Þetta lagaðist jafnskjótt og kúnum var gefið kalí og ein-
kennin hurfu. Þörf er á að rannsaka þetta betur og er unnið
að því að koma upp slíkri tilraun í vetur á vegum stofunnar.
Þá voru athugaðar nokkrar aðferðir til að ákvarða snefil-
efnið selen, en efni þetta virðist skorta víða hér á landi. Ymis
kvillaeinkenni benda til þess, þar sem stíuskjögur er í lömb-
um, vöðvaslit í kúm, ófrjósemi og e. t. v. tannlos í fé og vafa-
laust ýmislegt fleira. Sökum þess hve sáralítið er af selen í
náttúrunni yfirleitt og þá ekki sízt í jarðvegi, heyi og dýr-
um, þá gekk anzi brösulega með ákvörðunina með þeim