Ársrit Ræktunarfélags Norðurlands - 01.01.1972, Qupperneq 80

álitlegur stafli kjörviðar, en á þeirri stundu, sem þessar
línur eru skrifaðar, er ekki búið að reikna út verðmæti hans.
Vorið 1971 var hafin grisjun fyrstu lerkiskógarteiganna,
sem gróðursettir voru eftir stríð, árganganna 1951 — 1955.
Þetta voru rúmlega 9i/^ hekari lands. Úr þessari grisjun,
sem er aðeins hin fyrsta í þessum teigum, fengum við rúma
5 þúsund girðingarstaura og styttur. Söluverðmæti þeirra *
var um 295 þús. kr., þegar búið var að fúaverja þá. Næstu
árin verða þessir teigar grisjaðir ekki sjaldnar en fjórða
hvert ár og nýjir teigar bætast við.
í okkar landareign eigum við um 80 ha lerkis, sem gróð-
ursett hefir verið á undanförnum 20 árum. Og jafnt og þétt
bætist við.
Nú hefi ég bara nefnt afurðir af lerkiskógunum, af því
að lerkið vex hraðast allra tegunda fyrstu áratugina. En við
höfum líka gróðursett í tugi hektara af mörgum greniteg-
undum og nokkrum tegundum furu. Þegar lerkið fer að
linast á sprettinum kringum 30 ára aldur, fara þessar teg-
undir að herða á sér. En við förum ekki að grisja þær að
marki fyrr en eftir 30 ára aldur, miðað við plöntufjölda
kringum 4.500 á ha. ,
Undantekning frá þessu er þó greni, sem selt er sem jóla-
tré. Um þá sölu gegnir sérstöku máli. Þar er ekki verið að
selja viðinn fyrst og fremst, heldur barrnálarnar. Á engu
stigi skógræktar fæst neitt sambærilegt verð fyrir afurðirnar
eins og fyrir jólatré og greinar til skreytinga. Mest af jóla-
trjánum, sem við fellum, er á aldrinum 12—20 ára, en þau,
sem við seljum til notkunar utanhúss eru yfirleitt á aldrin-
um 20—30 ára.
Til fróðleiks og skemmtunar set ég hér tvær tölur um þá
sölu frá skógarbúi því, sem ég sé um:
Á 5 ára tímabili, árin 1968—1972, seldum við héðan um
6.300 jólatré fyrir rúmlega 1,4 millj. kr. að brúttóverðmæti
(söluskattur innifalinn). Mest varð þetta árið 1971, eða
2.450 tré fyrir 512 þús. kr. Þó verður að geta þess, að lang-
mestur hluti þessara trjáa er seldur héðan í heildsölu.
Þegar þess er gætt, að nú eru seld á öllu landinu kringum
82