Ársrit Ræktunarfélags Norðurlands - 01.01.1986, Qupperneq 13

Af þessu sést að ekki er mjög áberandi munur á aldri
bænda eftir sveitum, nema í örfáum undantekningum.
BYGGINGAR Á JÖRÐUM
1 könnuninni var aflað allmikilla upplýsinga um byggingar
á jörðum. Ekki hefur verið farið í úrvinnslu á stærð og
ástandi íbúðarhúsnæðis. Það kann að vísu oft að hafa úrslita-
áhrif um það á hvern hátt búseta á viðkomandi býli þróast.
Þess vegna hefur þessi þáttur í sumum tilfellum ráðið skipt-
ingu jarða í fjórða eða fimmta flokk jarðanna.
Ekki var talið framkvæmanlegt að gera samræmt heildar-
mat á gæðum útihúsabygginga. Slíkt mat er líklega ekki
tæknilega framkvæmanlegt þar sem mjög mörg viðhorf hljóta
þar að koma til, viðhorf sem í raun er eðlilegt að geti verði
breytileg frá einni jörð til annarar. Horfið var að því ráði
að fá mat ábúenda á gæðum bygginga. Það hvort sá aðili
sem hefur viðkomandi byggingu sem daglegan vinnustað
sinn telur hana góða eða ekki, mun að öllum líkindum ráða
meiru en aðrir þættir um hvort viðkomandi bygging verði
nýtt til frambúðar eður ei. Þetta mat ábúenda var síðan
nokkru ráðandi um skiptingu jarða í flokka eins og þegar
hefur verið gerð grein fyrir. Aldur bygginga er aftur á móti
mælanlegur þáttur sem ótvírætt gefur ákveðnar upplýsingar
ásamt stærð bygginga.
Könnunin gefur miklar upplýsingar um aldur- og stærðar-
skiptingu bygginga. Hér er of langt mál að rekja slíkt í smáat-
riðum en vísað skal til heildarskýrslu. Aðeins skal bent á
örfá atriði.
Fjósbyggingar á jörðum í fyrsta aðalflokki, þar sem ætla
má að öll mjólkurframleiðsla á næstu árum verði eru til jafn-
aðar 22 ára gamlar, þannig að meðal byggingarár þeirra
er 1964. Þegar aldur þessara bygginga er reiknaður út með
því að vega hann með stærð þeirra, er meðalaldurinn 19
ár, sem sýnir vel þá alþekktu staðreynd að yngri byggingar
eru verulega stærri en þær eldri. Þær fjósbyggingar sem eru
15