Ársrit Ræktunarfélags Norðurlands - 01.01.1986, Side 16

á ári á næstu árum. Miðað við þær horfur sem nú eru í
framlciðslumálum þessara greina er svigrúm til slíkra fram-
kvæmda mjög takmarkað. Því virðist veruleg ástæða til að
sem fyrst séu endurskoðaðar búskaparáætlanir á ýmsum
þeim jörðum þar sem framkvæmdir eru fyrirhugaðar og hug- t,
að að því hvort ekki megi byggja þar upp fyrir aðrar greinar
búskapar.
ALMENN UMRÆÐA
í þeirri stöðu sem íslenskur landbúnaður er í nú virðist ljóst
að á allra næstu árum verða allmiklar breytingar í sveitum
landsins. Þeim búum sem byggt geta afkomu sína á búrekstri
í hefðbundnum greinum mun fækka vegna samdráttar í
markaði. Sá samdráttur sem orðið hefur á síðustu árum veld-
ur því að svigrúm til aukins samdráttar hjá hverjum og ein-
um bónda er ekki lengur fyrir hendi í þessum greinum.
Bændur hafa á síðustu árum gert verulegt átak til aukinnar
hagkvæmni í hefðbundnum búgreinum með samdrætti í
notkun aðfenginna rekstrarfanga, kjarnfóðurs og tilbúins
áburðar. Akveðin óhagkvæmni hefur aftur á móti skapast
í þessum greinum vegna vannýtingar á rekstrarbyggingum.
Möguleikar aukinnar hagkvæmni á næstu árum liggja því
tvímælalaust að einhverju leyti í því að skapa skilyrði til
nýtingar á þessum byggingum og á þann hátt má spara veru-
lega í nýbyggingum vegna þessara greina.
Margt bendir til að ekki þurfi á næstu árum að koma
til umtalsverðs samdráttar í mjólkurframleiðslu frá því sem nú
er orðið. Könnun þessi sýnir að í mjólkurframleiðslu á Norð-
urlandi er góð uppbygging fyrir þessa framleiðslu í öllum
framleiðsluhéröðum á svæðinu. Margar rekstrareininganna
eru fremur stórar á landsmælikvarða og stærð þessara ein-
inga er fremur jöfn á öllu Norðurlandi. Líklegt er því að
endurskipulagning vinnsiustöðvanna í þessari grein verði í
reynd átakameira verkefni á allra næstu árum en stórfelld
endurskipulagning framleiðslu hjá bændum.
18
i