Ársrit Ræktunarfélags Norðurlands - 01.01.1986, Page 75

er það var flest. Þarflaust virðist vera að hefja beit á afréttum
mjög snemma. Lömbin nærast aðallega á mjólk fyrstu vik-
urnar og þá er góður gróður á láglendi og Spretta jafnframt
mikil. Óskir um ótímabæran upprekstur koma helst frá
bændum sem eru landlitlir miðað við bústærð eða skortir
aðstöðu til að stjórna beit heima fyrir.
Margfeldisáhrif magns og gæða gróðurs á vöxt geta orðið
mikil, einkum þegar kemur fram á sumarið. Síðla sumars
er mikilvægt að fylgjast vel með ástandi afrétta og annarra
beitilanda og taka a.m.k hluta fjárins og setja á betra beiti-
land fyrir göngur þegar þurfa þykir. Aukasmalanir á neðsta
hluta afrétta hafa gert mikið gagn, bæði gagnvart afurðum
og gróðri, og meiri sveigjanleiki er orðinn á gangnatíma en
áður var.
Hinar háspenntu rafgirðingar, sem nú eru á markaði, opna
nýja möguleika til beitarstjórnar bæði með tilliti til afurða
og gróðurverndar (19). Þessar nýju girðingar geta valdið
miklum breytingum á beitarháttum og viðhorfum til land-
nýtingar almennt. Með þeim er fengið handhægt tæki til
að stýra beit í samræmi við fóðurþarfir og hafa áhrif á
þroskaferil góðurs með skipulagi beitarinnar þannig að vax-
targeta lambanna nýtist sem best.
Rannsóknir á belgjurtum eru að hefjast aftur hér á landi
eftir margra áratuga hlé (11). Vonir eru einkum bundnar
við smára og Alaskalúpínu. Belgjurtir eru ein meginundir-
staða sauðfjárræktar í löndum eins og Astralíu og Nýja Sjá-
landi. Svo gæti e.t.v. orðið hér ef rannsóknunum er sinnt
afnægjanlegum krafti.
Ef unnt á að vera að auka arð í sauðfjárræktinni þarf að
finna veiku hlekkina í framleiðslukeðjunni. Það er mat þess
er þetta ritar að sumarbeitin hafi lent á eftir öðrum fram-
leiðsluþáttum, svo sem vetrarfóðrun og kynbótum. Betri
beitarhættir gætu því skilað miklum og skjótum arði.
77