Ársrit Ræktunarfélags Norðurlands - 01.01.1986, Qupperneq 90

endur landbúnaðarins, foringjar bænda og ráðunautar, voru
allt of seinir að koma auga á þá möguleika sem vel rekinn
hrossabúskapur gefur. Kennslan efldist þó heldur með árun-
um en lengst af litu forkólfar bændaskólanna á hrossarækt og
hestamennsku sem algjört frístundafag. Þessari námsgrein var
lítill tími ætlaður á stundatöflu bændaskólanna og nánast
enginn i framhaldsdeildinni á Hvanneyri, þar sem verðandi
héraðsráðunautar lærðu til verka. Þó má telja fullvíst að
áhugi Gunnars Bjarnasonar á hrossaræktinni hafi ýmsu góðu
komið til leiðar þau ár er hann var við kennslu á Hvanneyri.
Nú á síðustu árum hefur orðið allveruleg breyting hér á.
Frá þvi er nýtt líf færðist í starf Hólaskóla á árinu 1981 hefur
kennsla í hrossarækt og hrossahaldi verið gefinn þar verulegur
gaumur. Nú er nemendum þar gefinn kostur á 5 eininga
valgrein í hrossarækt (hrossabúskap) og er það mesta nám á
þessu sviði á Islandi hingð til.
Kennsla í búvísindum á framhaldsstigi hefur verið við
Bændaskólann á Hvanneyri allt frá 1947. Námið þar hefur
þróast og eflst og getur nú kallast á „háskólastigi“. Hrossa-
ræktinni var þar lengst lítill gaumur gefinn, jafnvel litin
hornauga. Hefur það mjög markað álit og þekkingu margra
leiðbeinanda á möguleikum búgreinarinnar. Þarna hefur
orðið nokkur breyting á nú allra síðustu árin. Þar geta stúd-
entar nú valið sér hrossarækt sem valgrein og sem viðfangsefni
lokaprófsverkefnis. Hæfir nemendur geta aflað sér töluverðr-
ar þekkingar í hrossarækt í búvísindanámi sínu.
Smáleg kennsla í reiðmennsku hefur verið í bændaskólun-
um allt frá því um miðbik aldarinnar. Innan reglulegs bún-
aðarnáms hefur sú kennsla eflst verulega á Hólum nú allra
síðustu árin. Hitt er aftur fullljóst að megin kennsla í reið-
mennsku á landinu hefur verið í höndum einstaka nám-
skeiðahaldara sem yfirleitt eru reyndir reið- og sýningarmenn
sem halda stutt námskeið á vegum hestamannafélaganna.
Mikið starf bíður óunnið við að tengja nám í reiðmennsku
og tamningum hrossa opinberu fræðslukerfi landbúnaðarins,
öllum til hagsbóta. Að byggja eitt hús sem heitir Reiðhöll og
er í Reykjavík leysir engan vanda, hitt þarf að gerast að rísi
92