Ársrit Ræktunarfélags Norðurlands - 01.01.1986, Side 115

II. SKÝRSLA JÓHANNESAR SIGVALDASONAR
UM STARFSEMI TILRAUNASTÖÐVARINNAR
Á MÖÐRUVÖLLUM
Búrekstur.
Með tilliti til þess tíma sem aðalfundur Rf. Nl. er haldinn er
eðlilegt að þessi skýrsla um búrekstur og aðra starfsemi á
Möðruvöllum spanni verðlagsárið fremur en almanaksárið. 1
stórum dráttum er því skýrsla mín um árið frá 1. sept. í fyrra
til okkar daga.
A haustdögum 1985 var fé fargað á Möðruvöllum. Unginn
af því var að vísu seldur um vorið en þær kindur sem enn voru
í eigu stöðvarinnar voru seldar eða þeim lógað. Örfáar kindur
(17) arfhreinar gráar — eru þó að nafni til okkar eign, en í
fóstri hjá Jósavin Gunnarssyni. Eru þær enn lífs vegna litar
síns.
Um áramót var bústofn stöðvarinnar að öðru leyti eftir-
farandi:
40 kýr,
12 kvígur sem bera eiga haustið 1986,
9 kvígur á aldrinum 0-10 mánaða,
5 nautgripir frá 1984,
10 naut frá vorinu 1985,
3 nautkálfar ungir.
Flest allir kálfar sem fæðst hafa á þessu ári hafa verið settir
á og ætlunin er að velja úr þeim kvígur til lífs þannig að henti
til tilrauna. Aðrir kálfar aldir til frálags. Engin teljandi áföll
urðu með kýr og meðalnyt farið vaxandi og er nú eftir uppgjör
á miðju ári um 4500 lítrar á kú. Fóðurbætisgjöf um 700 kg.
Fyrningar voru allmiklar nú á vordögum eitthvað meiri að
umfangi en árið fyrr en ekki hækkaðar í verði í bókhaldi bæði
vegna þess að gæði þessa heys eru ekki eins og best verður á
kosið og svo hitt að á liðnu vori þegar þessi háttur í bókfærslu
var ákveðinn var mjög ótryggt með sölu og verð á heyi. Hey-