Ársrit Ræktunarfélags Norðurlands - 01.01.1986, Page 122

Gunnar Oddsson ræddi nokkuð hvernig til hefði tekist með fram-
leiðslustjórnun. Taldi Gunnar að skifjting framleiðslunnar hefði ekki
tekist sem skvldi. Þakkaði hann þessa búrekstrarkönnun en til þess að
hún kæmi að fullu gagni þyrfti að framkvæma slíka könnun um land
allt.
Þórarinn Lárusson fór nokkrum orðum um þýðingu heygæða fyrir
búskap almennt. Taldi hann að með þeirri tækni sem menn hefðu yfir
að ráða ættu menn að geta náð mun betri heyjum. Með stærri túnum
og minni bústofni gæfist mönnum svigrúm til að slá fyrr.
Jóhannes Sigvaldason fagnaði könnun þessari þó vissir þættir henn-
ar væru þekktir fvrir. Könnun þessi rennir frekari stoðum undir fyrri
hugmvndir. Þá fjallaði Jóhannes nokkuð um ástæður þess að halda
sveitum í byggð. Með tilkomu svæðabúmarks mætti e.t.v. nýta þessa
könnun til að skipuleggja landbúnaðarframleiðsluna á Norðurlandi
betur. Undir þetta tók Stefán Skaftason en taldi jafnframt að kanna
þvrfti búskaparskilyrði á jörðum og tengja þessari könnun.
Jóhannes Torfason sagði að A-Húnvetningar myndu reyna að nýta
þessa könnun, en jafnframt þyrfti að vinna mun meira úr henni. Jó-
hannes sagði að framleiðslumálin væru víðar vandamál en hér á landi.
Þá kom Jóhannes aðeins inn á nýtingu fjármuna úr opinberum sjóðum
og að þá þyrfti að nýta vel og rétt. En jafnframt þyrftu úthlutunar-
reglur að hafa vissan sveigjanleika.
Haukur Halldórsson taldi að upplýsingar úr þessari könnun vrðu
best nýttar hjá búnaðarsamböndunum og þar gæfust möguleikar á að
vinna þær betur. Leiðbeiningaþjónustu í loðdýrarækt þyrfti að bæta og
þar ætti Ræktunarfélagið e.t.v. að beita sér meira.
Bjarni Guðleifsson ræddi um hvernig niðurstöður þessarar könnunar
yrðu best nýttar. Nefndi hann í því sambandi opinbera aðila svo sem
Byggðastofnun svo og heimamenn í hverju héraði. Taldi Bjarni að
athuga þyrfti betur upplýsingar um aðrar búgreinar.
Að lokum fjallaði Jón Viðar nokkuð um það hvernig þessar upplýs-
ingar yrðu nýttar m.a. í sambandi við framleiðslustjórnun heima í
héraði. Jón sagði að margar jarðir færu í eyði fengju þær ekki aukinn
framleiðslurétt, eða ný atvinnutækifæri, því væri ekki eftir neinu að
bíða með að athuga hvaða möguleikar væru fyrir hendi. Jafnframt
þyrfti að auka hagkvæmni þeirrar farmleiðslu sem nú er fyrir hendi.
6. Bjarni Guðleifsson gerði grein fyrir fjárhagsáætlun 1987. Egill Bjarna-
son leitaði eftir samþykki fundarins fyrir þvi að fjárhagsáætlun yrði
afgreidd án þess að fara fyrir nefnd áður. Veittu fundarmenn það leyfi.
Nokkrar umræður urðu um fjárhagsáætlun Ræktunarfélagsins og
svöruðu framkvæmdastjóri og formaður þess framkomnum fyrir-
spurnum sem best þeir gátu.
124