Frjáls verslun - 01.06.1958, Qupperneq 15
n I ' ' /*
iskiojuna s.t.
eignaðist flökunarvél, sem afkastaði allmiklu
meiru í flökuninni en hráefni og afköstin við
frystinguna leyfðu.
Þessar aðstæður urðu grundvöllurinn að því,
að frystihúsin fimm sameinuðust um kaup á
tveimur Baader-flökunarvélum af stærstu gerð.
Þar sem þessi frystihús höfðu þegar samvinnu
um rekstur fiskimjölsverksmiðju, var ákveðið
að reka flökunarstöðina i sambandi við fiski-
mjölsverksmiðjuna. Var stöðvarhúsið reist á
næstu grösum við fiskimjölsverksmiðjuna og lýt-
ur sömu stjórn. Rekstur stöðvarinnar hófst
snemma á vertíðinni 1957.
Sparnaðurinn við þessa tilhögun er augljós.
U. þ. b. 60% af fiskinum er úrgangur, sem flutt-
ur er á færiböndum og „sniglum" í þró fiski-
mjölsverksmiðjunnar, sem sparar mikinn flutn-
ingskostnað. Auk þess sparast fastakostnaður
við það, að sameiginleg skrifstofa er fyrir bæði
fyrirtækin.
Eins og áður hefur tíðkazt, leggja hinir ýmsu
bátar fisk sinn upp til þeirra frystihúsa. sem þeir
Flak kemur úl úr vélinni.
skipta við. Fiskinum er landað á kvöldin og er
hann veginn inn frá bátunum og lagður inn í
flökunarstöðina til verkunar og flökunar fyrir
frystihúsin. Om klukkan 6 á morgnana hefst
vinna í flökunarstöðinni, og er vinnan hafin svo
snemma til þess að nóg sé af flökum kl. 8 fyrir
frystihúsin, þegar vinnan byrjar hjá þeim.
Hér væri rétt að doka við og skýra nánar frá
vinnunni í flökunarstöðinni. Stöðin sjálf skiptist
í tvo rúmgóða sali, annars vegar aðgerðarsalinn
FRJÁLS VERZLUN
15