Frjáls verslun - 01.11.1960, Blaðsíða 33

Verðlagsmól
Aðalfundur V. í. 1960 skorar á ríkisstjórnina að
hlutast til um, að verðlagsákvæði verði afnumin,
enda liefur reynslan sýnt, að frjáls samkeppni og
nægilegt vöruframboð tryggir almenningi hagstæð-
ust verzlunarkjör.
Utanríkisviðskipti
Aðalfundur V. í. 1960 fagnar auknu frjálsræði
í innflutningsverzluninni og beinir því til ríkis-
stjórnarinnar, að hún lialdi þeirri stefnu áfram, þar
til allur inn- og útflutningur er orðinn frjáls, m. a.
með því að beita sér fyrir samræmingu á vöruverði
í viðskiptum við jafnkeypislöndin við það, sem
ríkir á frjálsum heimsmarkaði.
Seðlabanki
Aðalfundur V. í. 1960 beinir þeim tilmælum til
ríkisstjórnarinnar, að hún beiti sér fyrir setningu
nýrra laga á þessu þingi um seðlabanka, sem marki
skýrt verkefni hans og verksvið og tryggi, að hann
verði sem sjálfstæðastur.
Markmið seðlabankans verði að vernda verð-
gildi íslenzku krónunnar, stuðla að jafnvægi á láns-
fjármarkaðinum, frjálsum gjaldeyrisviðskiptum við
útlönd og nægilegri atvinnu í landinu.
í verkahring seðlabankans falli eingöngu við-
skipti við peningastofnanir og ríkissjóð. Hann ann-
ist seðlaútgáfu, yfirstjórn og eftirlit gjaldeyrismála,
skráningu á gengi erlends gjaldeyris og ákveði for-
vexti á endurkeyptum víxlum og reglur um hand-
bært fé viðskiptabankanna.
Kaupþing
Aðalfundur V. í. 1960 ítrekar áskorun sína til
ríkisstjórnarinnar um, að hún hlutist til urn að
stofnað verði með lögum verðbréfakaup])ing, þar
sem frjáls viðskipti með vaxtabréf og hlutabréf fari
fram á uppboði.
Fundurinn álítur, að á þann hátt muni skapast
möguleikar á aukinni lánsfjármyndun til langs tíma
og meiri eignaraðild almennings í atvinnufyrirtækj-
um þjóðarinnar.
Opinber fyrirtæki
Aðalfundur V. í. 1960 skorar á ríkisstjórnina og
bæjar- og sveitarstjórnir landsins að leggja niður
eða breyta í almenningshlutafélög þeim fyrirtækj-
um, scm nú eru rekin í beinni samkeppni við einka-
reksturinn í landinu, enda aðeins á þann hátt liægt
að skapa slíkum atvinnurekstri samkeppnisaðstöðu
á jafnréttisgrundvelli. í þessu sambandi má benda
á, að nú þrífast slík fyrirtæki í skjóli forréttinda
um skatt- og útsvarsgreiðslur, lántökur o. fl. —■ Það
sem hér er lagt til, er í samræmi við þá þróun, sem
nú á sér stað í nágrannalöndunum.
Einkasölur ríkisins
Aðalfundur V. í. 1960 skorar á ríkisstjórnina að
nema úr gildi lög um ríkiseinkasölur, sem ekki
starfa lengur, og að leggja niður starfandi ríkis-
einkasölur, sem verzla með vörur svo sem viðtæki,
tóbaksvörur, eldspýtur, bökunardropa, hárvötn,
ilmvötn o. fl., enda er ríkinu auðvelt að tryggja sér
jafnháar tekjur af þessum vörum, þótt ekki sé um
einkasölur að ræða.
Slíkt frelsi í viðskiptum mvndi leiða til meira
vöruvals og lægra vöruverðs, því reynslan hefur
sýnt á ótvíræðan hátt, að rekstur einkafyrirtækja
í frjálsri samkeppni er almenningi hagstæðari en
opinber rekstur.
Einokun
Aðalfundur Verzlunarráðs íslands 1960 felur
stjórn ráðsins að láta rannsaka fyrir næsta aðal-
fund einokunarlöggjöf annarra vestrænna landa með
það fyrir augum, að slík löggjöf, sem samrýmist
íslenzkum aðstæðum, verði lögfest af Alþingi ís-
lendinga til að tryggja frjálst framtak og sporna
gegn hringamyndun og einokun.
V erzlunarbanki
Aðalfundur Verzlunarráðs íslands 1960 fagnar
setningu laga um Verzlunarbanka íslands h. f. og
þakkar Alþingi og ríkisstjórn skilning þann, sem
fram kom á hagsmunamálum verzlunarstéttarinnar
með samþykkt laganna.
Jafnframt skorar fundurinn á kaupsýslumenn og
stuðningsmenn frjálsrar verzlunar að vinna ötul-
lega að eflingu bankans, þegar hann tekur til starfa,
svo hann megi sem bezt þjóna hlutverki sínu.
T ollvörugeymslur
Aðalfundur V. í. fagnar því, að sett liafa verið
lög um tollvörugeymslur, og skorar á stjórn ráðsins
að vinna að þvi, að tollvörugeymslum verði komið
upp eins fljótt og unnt er.
Skattamól
Aðalfundur V. í. 1960, telur brýna nauðsyn bera
til, að eftirtaldar brcytingar verði gerðar á lögum
og reglum urn skatt- og útsvaisgreiðslur fyrirtækja,
svo að fjármagnsmyndun geti átt sér stað til efl-
ingar atvinnulífsins í landinu:
1. Að öllum atvinnufyrirtækjum, sem hliðstæðan
rekstur hafa með höndum, einkafyrirtækjum, sam-
vinnufyrirtækjum og fyrirtækjum ríkis og bæjar-
félaga, sé gert að greiða skatta og útsvör eftir
sömu reglum, þannig að þau starfi við jöfn skilyrði.
2. Að útsvör á veltu verði afnumin, svo og að
tekjuskattur og tekjuútsvar, samanlagt, fari aldrei
fram úr helmingi skattskyldra tekna.
3. Að heimild félaga til frádráttar á arði af inn-
borguðu hlutafé eða stofnfé verði hækkuð.
FUJÁLS VBRZLUN
33