Frjáls verslun - 01.04.1963, Side 16

Fiskideild Aatvinnudeildar háskólans fékk ágæt starfsskilyrði,
er hún fluttist í þetta glæsilega hús að Skúlagötu 4. Þessi mynd
er af líkani af húsinu.
ur í starfi Iðnaðardeildar. Stefnt er að því að gera
byggíngarefnarannsóknir að sérstakri deild, þar eð
sú starfsemi er orðin svo umfangsmikil, en áfram
yrðu þó tengsl við Iðnaðardeild, sem annaðist
bergfrœði- og steinefnarannsóknir fyrir hina nýju
deild.
Skipuleg rannsóknastarfsemi fyrir iðnaðinn er
ekki komin til framkvæmda nema að litlu leyti.
Iðnfyrirtæki hafa lítið gert að því að koma með
stærri verkefni til Iðnaðardeildar og einnig lít.il að-
staða til að annast slíkt, einkum tæknilegar tilraun-
ir. Þó eiga mörg iðnfyrirtæki við þau vandamál
að glíma, er Iðnaðardeild gæti leyst, ef hún fengi
þau í hendur og aðstaða batnaði.
Landbúnaðarrannsóknir
Með stofnun Landbúnaðardeildar Atvinnudeild-
ar háskólans og lögunum um rannsóknir og til-
raunir í þágu landbúnaðarins verða mikil tímamót
á því sviði. Fyrsti sérfræðingur deildarinnar og for-
stöðumaður var Þórir Guðmundsson, áður kenn-
ari á Hvanneyri, en honum entist ekki það lengi
líf, að deildin gæti orðið fullstarfandi til að njóta
að ráði krafta hans. Er hann lézt, tók Steingrímur
Steinþórsson við stjórn deildarinnar, fram til ársins
1942, er dr. Halldór Pálsson tók við og gegndi til
ársins 1962, en síðan hefur Pétur Gunnarsson ver-
ið deildarstjóri.
Fyrst var aðeins einn sérfræðingur starfandi við
deildina, en í árslok 1945 voru sérfræðingarnir orðn-
ir sex, var það óbreytt í tíu ár, en fyrir sjö árum
bættust fjórir við, enginn síðan, en einn horfið frá
starfi.
í Landbúnaðardeild hafa farið fram efnagrein-
ingar jarðvegs í því skyni að finna áburðarþörf hans,
svo að hægt væri að leiðbeina bændum í þeim efn-
um, einnig til að flokka jarðveg og gera kort af
honum. Þá hefur gras verið efnagreint og gerðar
áburðartilraunir með það, hagnýting og meðferð
beitilanda verið rannsökuð, t. d. beitarþol afréttar-
landa og gerð af þeim gróðurkort. Gerður saman-
burður á tegundum og afbrigðum nytjajurta og
margar nýjar og afbrigði jurta verið flutt inn til
reynslu. Þetta hefur færzt í aukana upp á síð-
kastið, gerður samanburður á tegundum grass,
korns, kartaflna, jarðarberja, káls og fleira. íslenzk-
um fóðurgrösum verið safnað og úrval úr þeim
aftur gróðursett síðar. Þá hafa verið reyndar kyn-
bætur á korntegundum.
Rannsóknir hafa verið gerðar á útbreiðslu og or-
sökum gróðursjúkdóma, og gerðar tilraunir með
ýms varnarlyf. Gerðar athuganir á lifnaðarháttum
mcindýra á jurtagróðri og hamlað gegn því að
hættuleg meindýr eða sjúkdómar flyttust inn í land-
ið með innfluttum jurtum eða öðrum varningi, og
veittar leiðbeiningar að þessu lútandi. Yfirgrips-
miklar rannsóknir hafa farið fram á vaxtarlífeðlis-
fræði, frjósemi, ullar gæðum og litarerfðum sauð-
fjár. Tilraunir með fóðrun, haustbeit lamba á rækt-
uðu landi og vorbeit á túnum. Gerður samanburður
á sauðfjárstofnum, m. a. kynblendingum á skozk-
um kynjum og íslenzku fé og rannsökuð afkvæmi
af hrútum. Þá gerðar meltanleikarannsóknir og
steinefna á innlendum fóðurtegundum.
Gefnar hafa verið út um 30 tilraunaskýrslur, og
að auki leiðbeiningarit og uppdrættir yfir gróður
og jarðveg. Einnig hafa sérfræðingar deildarinnar
ritað vísindalegar ritgerðir í erlend og innlend tíma-
rit, skrifað fjölda leiðbeiningagreina í dagblöð og
búnaðarblöð og flutt ótal erindi í útvarp.
Rannsóknaráð ríkisins
hét fyrst Rannsóknanefnd ríkisins, er það var
stofnað 1939, en mcð lögum um náttúrurannsóknir
1940 var nafninu breytt. Er ráðið skipað þrem
mönnum eftir tilnefningu þriggja stærstu stjórn-
málaflokkanna. Hlutverk þess er að vinna að efl-
ingu rannsókna á náttúru landsins, samræma slíkar
rannsóknir og safna niðurstöðum þeirra. Að vera
ríkisstjórninni til aðstoðar um yfirstjórn þeirrar
rannsoknastarfsemi, sem ríkið heldur uppi og á
annan hátt eftir því sem æskilegt þykir. Að ann-
Framhald ó bls. 18
16
FRJÁLS VERZLUN