Frjáls verslun - 01.02.1976, Blaðsíða 71

Málmiðjan Gígja:
Hafa áhuga á smíði álbáta,
þegar smábátaflotinn verður
endurnýjaður
Eiga teikningu af 10 tonna stálbát með ályfirbyggingu
— Fyrirtækið sinnir alls kon-
ar járnsmíðavinnu, mest við'-
gerðum fyrir togarana og báta-
flotann, en við reynum að
vinna ■ svolítið að nýsmíðum
með. Mestan áhuga höfum við
fyrir smíðum úr áli og höfum
reynt svolítið fyrir okkur með
það, sagði Gylfi Gígja, fram-
kvæmdasljóri og aðaleigandi
Málmiðjunnar Gígj’u hf. í Nes-
kaupstað, þegar Frjáls verzlun
hitti liann að máli fyrir
skömmu.
— Það er ótrúlega margt
sem hægt er að nota álið í, hélt
Gylfi áfram, — hingað til höf-
um við smíðað stýrishús á
smærri báta og skjólborð á
vörubílspalla. Þessi skjólborð
eru létt og auðþrifin og hafa
líkað vel. Við kaupum ál í
plötum og stöngum eftir eigin
ósk frá Innkaup hf. í Reykja-
vík. Þetta er innflutt ál, því
við erum víst ekki komin svo
langt að við fullvinnum álið
frá Straumsvík, sagði Gylfi.
Ungt fyrirtæki.
Málmiðjan Gígja er ungt fyr-
irtæki, stofnað 1974. Það var
til húsa í leiguhúsnæði hjá
Steypustöðinni, en það hús
fylltist af snjó í snjóflóðunum.
Málmiðjan hafði fengið úthlut-
að lóð fyrir nýtt húsnæði, en
sú lóð var einmitt á svæði,
sem bannað var að byggja á
eftir snjóflóðin. — Við erum
núna í húsnæði við Nausta-
hvamm í lítilli skemmu, sagði
Gylfi. — En við erum byrjað-
ir að byggja nýtt hús. Sökklar
eru tilbúnir og við bíðum bara
eftir að tíð verði svo góð að
hægt sé að byrja að byggja
sjálft húsið. Það verður notuð
ný aðferð við bygginguna. Við
steypum einingar sjáifir á
staðnum og verða þær steyptar
láréttar á plötunni. Þetta
verða stórar einingar 4x4 m á
stærð og verður einangrun
steypt inn í þær. Síðan verða
þær reistar og súlurnar steypt-
ar utan um samskeytin. Þar
Gylfi Gígja,
framkvæmdastjóri.
með verður tryggt að allt verð-
ur þétt. Mér vitanlega hefur
þessi aðferð ekki verið notuð
hér áður, en það er Róbert Pét-
ursson arkitekt sem hefur
hannað þetta fyrir okkur. Við
erum svolítið spenntir að sjá
hvernig þetta kemur út fjár-
hagslega, því ætla má að móta-
kostnaður verði í lágmarki og
okkur sýnist þetta hagkvæmt
á allan hátt, sagði Gylfi.
Ahugi á bátasmíði.
Eins og er hefur Gylfi einn
starfsmann hjá sér við Málm-
iðjuna, en hann gerir ráð fyr-
ir fjölgun þegar flutt verður í
nýja húsið. — Það má segja
að þetta verði sama starfsem-
in eftir sem áður, sagði Gylfi,
— en í auknu umfangi þó. Eg
vonast til að við getum aukið
nýsmíðar í nýja húsinu og þá
einkum álsmíðarnar. Við eig-
um t. d. teikningar af 10 tonna
stálbát með ályfirbyggingu
sem við vitum að við getum
selt. Þennan bát höfum við á-
huga á að smíða þegar við
komum í nýja húsnæðið. Hins
vegar er aðal draumurinn að
smíða smærri báta úr áli, sagði
Gylfi. — Við þykjumst vita
að bráðum þurfi að fara að
endurnýja smábátaflotann
hérna á staðnum og þá telj-
um við að upplagt sé að smíða
bátana úr áli. En þar sem slík-
ir bátar tíðkast ekki nú, þá
þarf sjálfsagt að gera talsvert
miklar tilraunir með smíði
þeirra áður en skipaskoðunin
samþykkir notkun þeirra. Við
höfum ekki fjármagn til slíkra
tilrauna, svo við verðum kann-
ske að bíða með það að upp-
fylla þessa drauma okkar þar
til einhverjir aðrir hafa gert
tilraunirnar, sagði Gylfi.
Gylfi Gígja er Reykvíking-
ur, en hann flutti til Norð-
fjarðar til þess að setja upp
sitt eigið fyrirtæki. — Ég er
ánægður með þá ákvörðun,
sagði Gylfi. — Það voru marg-
ir hissa á þessu og töldu að
þetta ætti eftir að ganga illa.
En ég hef ekki ástæðu til ann-
ars en að vera bjartsýnn. Þar
að auki kann ég vel við mig
á Norðfirði. Mér finnst ég vera
i nánari tengslum við lífið en
ég var í Reykjavík. Það er
gott að koma í heimsókn til
höfuðborgarinnar öðru hverju,
en hér vil ég eiga heima, sagði
Gylfi Gígja að lokum.
FV 2 1976
71