Frjáls verslun - 01.02.1976, Blaðsíða 65

Verzlunin Brattahlíð:
„Það má segja að
þetta $krimti“
segir annar eigandinn, Gísli Blöndal, sem
er framkvæmdastjóri verzlunarinnar
A Seyðisfirði eru reknar tvær stórar verslanir með matvörur og
nýlend'uvörur. Önnur er í eigu kaupfélagsins en hin er rekin af
tveimur ungum mönnum af staðnum. Verslunin heitir Brattahlíð
hf. Framkvæmdastjórinn lieitir Gísli Blöndal, en verslunarstjór-
inn heitir Ólafur Már Sigurðsson. Þeir stofnuðu hlutafélagið fyrir
tveimur árum og keyptu þá verslunina, sem áður var í einkaeign.
einstaka tilfellum er um eigin
innflutning að ræða, t. d. flytj-
um við inn norsk línuspil. Ef
við kaupum meira en 50 tonn
af stáli í einu getum við feng-
ið skipafélögin til að koma með
pöntunina beint hingað, ann-
ars fer þetta allt gegnum
Reykjavík. Og það þarf varla
að taka það fram að flutnings-
kostnaður sem við þurfum að
leggja í er mikill.
Símakostnaður
geigvænlegur.
Annar útgjaldaliður sem Pét-
ur kvartaði undan var síma-
kostnaðurinn. — Símakostnað-
urinn hjá fyrirtækinu er geig-
vænlegur sagði Pétur. — Á því
sviði er dreifbýlinu stórlega
mismunað í samanburði við
höfuðborgarsvæðið. Sérstak-
lega á þetta við þegar verið
er að ná sambandi við opinber-
ar stofnanir. Maður skyldi ætla
að allir ættu að hafa sama
rétt til að hafa samband við
þær. En þegar hringt er utan
af landi til að ná sambandi
við ákveðinn mann hjá ákveð-
inni stofnun, þá tekur oftast
nær um 10 mínútur að leita
hann uppi og ræða við hann.
Þetta kostar fyrirtækið 800
krónur. Ég vil leggja til að
opinberar stofnanir séu tengd-
ar þannig við símakerfið að
ekki hljótist aukakostnaður af
símtölum við þær utan af
landi. Slík tenging er ekki svo
flókin.
í vandræðum með
mannskap.
Hjá Stál sf., starfa um 20
manns og eru tveir í verzlun-
inni. — Við erum í vandræð-
um með mannskap, sagði Pét-
ur. Við þyrftum að vera með
30-40 iðnaðarmenn og iðn-
verkamenn miðað við þann
rekstur sem við höfum núna,
því verkefnin eru nóg eins og
er, sagði Pétur Blöndal að lok-
um. i
— Það má segja að þetta
skrimti, sagði Gísli. — Afkom-
en er fremur léleg og tilkostn-
aður við reksturinn er allt of
hár. Aðdrættir eru kostnaðar-
samir hér. Við flytjum að vísu
mest með skipi, en það verður
til þess að við verðum að eiga
mánaðar lager af öllum vörum.
Þannig erum við með mikið fé
bundið í vörubirgðum og mikið
húsnæði er bundið undir þær.
Það má segja að helmingurinn
af húsnæði okkar sé lager.
VERÐA AÐ VEITA
GREIÐSLUFREST
— Þetta hefur líka versnað
síðan heildsalar fóru að taka
vexti af vöruskuldum, sagði
Ólafur Már. Við höfum yfirleitt
eins og hálfs mánaðar greiðslu-
frest frá heildsölunum, en sum-
ir selja bara gegn staðgreiðslu.
Hins vegar er um 40% af okkar
sölu til skipa og þá er enginn
annar kostur fyrir okkui' en að
veita greiðslufrest og hann
lengri en við fáum sjálfir og
það vaxtalaust.
— Svona viðskipti eru næst-
um útilokuð nema maður hafi
einhvern aðgang að lánsfé,
sagði Gísli. Við höfum getað
fengið svolítið fé gegn veðum
í okkar eigin íbúðum, en sú
fyrirgreiðsla hefur ekkert auk-
ist frá því við byrjuðum, þrátt
fyrir verðbólguna. Og yfir-
dráttarheimildin á hlaupareikn-
ingi okkar nemur nokkurra
daga veltu.
MJÓLKURVÖRUR STÆRSTI
V ÖRUFLOKKUR
Einn af stærstu vöruflokk-
unum sem Brattahlíð hf. selur
eru mjólkurvörur. Eigendur
telja sig selja allt að 60% af
neyslumjólk á staðnum.
— Þetta er þjónusta sem
kostar okkur mikið án þess að
við fáum nokkuð í staðinn,
sagði Gísli. — Kaupfélagið hér
hefur einokun á dreifingu
mjólkur og við verðum að
kaupa hana af þeim á smásölu-
verði. Við megum heldur ekki
versla við annað samlagssvæði
þótt við vildum. Þegar við
kaupum mjólkina verðum við
að staðgreiða fyrir hana, en lán-
um hana svo til bátanna m.a.
Annað atriði sem þeir félag-
ar töldu há smásöluversluninni
á staðnum voru bein viðskipti
fólks við heildsala. — Það er
eins og hver sem er geti pantað
ýmsar vörur frá heildsölu, sagði
Ólafur Már. Við höfum dregið
viðskipti okkar alveg til baka
við suma heildsala sem stunda
þetta mest. Við erum líka hissa
á því að fólki finnist þetta
borga sig. Þegar fólk pantar
vöru að sunnan, sem e.t.v. er
með 17—18% álagningu og
eyðir í þetta einu til tveimur
símtölum, flutningskostnaði og
ýmislegri fyrirhöfn, þá fer
hagnaðurinn að verða lítill.
Þótt þeir Gísli og Ólafur Már
sæju mikið af erfiðleikum við
atvinnurekstur sinn, þá sögðu
þeir að ekki væri allt neikvætt
við þetta. — Við erum hressir
og bjartsýnir, sögðu þeir. —
FV 2 1976
65