Frjáls verslun - 01.02.1976, Blaðsíða 73

Þctta er samkomuhús
kæjarbúa í Neskaupstað,
Egilsbúð.
Húsið er notað til
samkomuhalds en er einnig
gisti- og veitingahús
staðarins.
Egilsbúð:
Samkomuhús, hótel, bókasafn
og bæjarskrifstofur
Leikhúslíf endurvakið af miklum krafti í húsinu
Margir landsmenn hafa heyrt nafnið Egilsbúð í sambandi við auglýsingar á dansleikjahaldi og flest-
ir þeir sem leið eiga um Neskaupstað reka augun í þetta reisulega hús. Þegar inn er komið má fljótt
sjá að þarna fer ýmislegt fleira fram en dansleikjahald, enda eru margar vistarverur í þessu stóra
húsi. Þegar Frjáls verslun var 1 Neskaupstað fyrir skömmu var framkvæmdastjóri Egilsbúðar, Hall-
dór Haraldsson beðinn að segja frá starfseminni í húsinu.
— Sú starfsemi sem ég sé
aðallega um eru kvikmynda-
sýningar, leiksýningar, funda-
höld og dansleikir, sagði Hall-
dór. — Einnig bjóðum við hér
upp á aðstöðu í sölum okkar
fyrir alla mögulega starfsemi
sem þarf stóra sali. Annar
rekstur hér í húsinu er hótel-
reksturinn, en á hótelinu eru 5
herber gi. Bæj arskrif stofurnar
og skrifstofur hafnarsjóðs eru í
húsinu og Bókasafn Neskaup-
staðar. Eins og sjá má er þetta
mikil miðstöð enda byggt með
það fyrir augum, sagði Halldór.
ÁTTA EIGENDAFÉLÖG
Það voru 8 eigendafélög sem
stóðu að byggingu Egilsbúðar
en stærsti eignaraðilinn er bæj-
arsjóður Neskaupstaðar. Húsið
var vígt 19. maí 1962. Þegar
húsið var byggt var ekki gert
ráð fyrir hótelrekstri í því. —
Herbergin sem nú eru notuð
sem hótelherbergi voru upphaf-
lega ætluð fyrir ýmsa starfsemi
eigendafélaganna og sem bún-
ingsklefar fyrir leikfélagið,
sagði Halldór. Þótt hér sé nú
rekið hótel má segja að aðstað-
an til þess sé ekki mjög þægi-
leg. Matsalurinn er t.d. bara að-
skilinn frá bíósalnum með
þunnum rennihurðum og þess
vegna verður að banna alla
notkun matsalarins eftir kl. 8 á
kvöldin. En í bænum var mikill
skortur á gistirými og knúði
það á um að þetta húsnæði væri
tekið í það. Hótelið sér um
matseld fyrir fjölmenna vinnu-
flokka, sem starfa að uppbygg-
ingu á staðnum, en þeir búa á
öðrum stað í bænum. Nýting á
gistirými hefur aftur á móti
verið fremur lítil nema síðasta
árið, sagði Halldór.
ENDURVAKIÐ LEIKLISTAR-
LÍF
Um nýtingu á kvikmynda- og
danssalnum sagði Halldór, að
hún væri eins mikil og best
væri á kosið.
— Á síðasta ári voru hér
283 kvikmyndasýningar og
þar af voru 165 sýningar
á nýjum myndum. Tvö eða
þrjú leikrit voru æfð og
sýnd hér á sl. ári, því leiklist-
arlíf var endurvakið hér af
miklum krafti á árinu. Gestir
hússins voru 36 þúsund á árinu
og var það aukning úr 32 þús-
undum árið áður. Svo höldum
við dansleiki öðru hverju og
margar aðkomuhljómsveitir
koma hér reglulega. Það er víst
ekki hægt að segja annað en að
húsið hafi verið nýtt eins og
hægt er á síðasta ári, sagði
Halldór Haraldsson að lokum.
FV 2 1976
73