Frjáls verslun - 01.04.1977, Blaðsíða 47
Tollstjóri: — Af hverri ein-
stakri vöru ber lögum sam-
kvæmt að greiða ákveðin gjöld.
Varan fer til vöruskoðunar til
þess að fundinn verði réttur
gjaldgrundvöllur. Það er því
ekki lausn að fækka í vöruskoð-
un og fjölga í afgreiðslu. Lausn-
in er vönduð vinnubrögð við
gerð og innlagningu tollpappír-
anna, ásamt greinargóðum
skjölum erlendis frá, en á þeim
byggist allt starf innflytjand-
ans og síðan endurskoðenda hjá
okkur.
F.V.: — Mörgum finnst ó-
þægilegt, að fyrirtæki skuli
vera skyldug til að skila toll-
skýrslum innan ákveðins tíma
frá því að sending kemur til
landsins, jafnvcl þótt um sc a'ð
ræða hluti, sem sendir hafa
vcrið óumbeðið eins og almanök
eða annað kynningarefni. Er
ástæða til að taka svo strangt
á slíkum tilfellum?
Tollstjóri: — Samkvæmt
reglugerð nr. 38 frá 1969 ber
viðtakanda innfluttrar vöru að
afhenda tollstjóra þess umdæm-
is, sem varan er geymd í, full-
gild aðflutningsskjöl um vör-
una innan þriggja mánaða frá
innflutningi hennar. Hvort
þetta er of stuttur tími, skal ég
ekki dæma um, en einhver
tímamörk verður að setja, ef
einhver von á að vera til þess
að hægt sé að halda reglu á
hinum gífurlega innflutningi,
t.d. á eftirstöðum ótollaf-
greiddra vara o.fl. Þetta er
spurning um reglusemi í vinnu-
brögðum, en alls ekki íþynging
að neinu leyti og gildir þá einu
hvort varan kemur óumbeðið
eða ekki. Innflytjandi endur-
sendir hana þá ef hann óskar
ekki eftir að taka við henni.
Innflytjandi hefur einnig hag-
ræði af því að leggja inn skjöl-
in sem fyrst, t.d. renna EFTA/
EBE-skírteini, sem gefa rétt til
lægri tollgjalda, sjálfkrafa út
eftir 4 mánuði frá útgáfu, ef
þau ihafa ekki verið lögð inn til
tollafgreiðslu fyrir þann tíma.
Aftur á móti rennur gildistími
þeirra ekki út ef þau á annað
borð hafa verið lögð inn. Það
er því enginn vafi á því, að hag-
ræði er að þessu fyrir þá inn-
flytjendur sem hafa innflutning
að atvinnu. Láta ætti hina, sem
hafa innflutning sem ,,hobby“
eina um það að hlaupa milli
manna og stofnana með undan-
bágubeiðnir, skírskotandi til
þeirrar einu tiltæku afsökunar:
„Ég vissi bara ekki betur.“
F.V.: — Á Norðurlöndum er
tollur lánaður innflytjendum í
ákveðinn tíma en hér er hann
staðgreiddur að undanskildum
tolli af bílum. Hver er reynslan
af innheimtu þess tolls? Eru
brögð að' því að hann sé ekki
greiddur eða. væri hægt að út-
víkka þetta fyrirkomulag?
Tollstjóri: — Reynslan af
gjaldfresti á tollgjöldum af bíl-
um, sem er 10—20 dagar eftir
því hvenær í mánuði tollaf-
afgreitt er, hefur verið góð,
enda málið mjög vel undirbúið
og lánið er tryggt með sjálf-
skuldarábyrgð banka. Svipað
lánafyrirkomulag gildir um
fleiri vörutegundir en bíla, t.d.
timbur og járn í stórum förm-
um og efni og vélar til skipa-
smíða. Tæknilega er ekkert því
til fyrirstöðu að láta þetta fyr-
irkomulag ná til fleiri tilvika,
en hér er að öðru leyti um efna-
hagslegt úrlausnarefni að ræða,
það er hvort aukin lán í tollum
mundu valda meiri peningum í
umferð og þar með aukinni
verðbólgu.
F.V.: — Eru það' einhverjar
vissar skekkjur, sem eru áber-
andi hjá innflytjendum við
gerð skjala fyrir tollinn og
telji'ð þið einhver veruleg brögð
að því að menn reyni vísvit-
andi að gefa rangar upplýsing-
ar?
Tollstjóri: — Flestar stafa
skekkjurnar af rangri tollflokk-
un. Hættulegustu skekkjurnar
eru þegar innflutningspappirar
eru villandi, að því leyti að
ekki sést hvort allt verðmæti
sendingarinnar er tíundað á
framlögðum vörureikningi, með
öðrum orðum þegar ekki kem-
ur glögglega fram hvort vöru-
reikningurinn er aðeins eitt
blað eða kanns’ki tíu. Þannig
gæti þá innflytjandinn náð út
allri vörusendingunni gegn
greiðslu á aðeins hluta af toll-
gjöldum. í svona göt verður
að reyna að stoppa, m.a. með
refsiviðurlögum. Ég geri því
ekki skóna, að nein veruleg
brögð séu að því að þetta
eða annað svipað sé viljandi
gert. En villan er slæm eigi að
síður og enginn getur verið á-
byrgur annar en innflytjand-
inn.
F.V.: — Þér áttuð fyrir
nokkrum mánuðum fund með
fulltrúum stórkaupmanna til að
ræða ýmis atriði varðandi þjón-
ustu tollsins. Hvað kom helzt
fram í þessum viðræðum, hvað
lögðu stórkaupmenn aðal-
áherzlu á og hvaða athuga-
semdum komuð þér á fram-
færi?
Tollstjóri: — Þess var fyrir-
fram óskað að ég ræddi á fund-
inum um ákveðin afmörkuð
efni. f fyrsta lagi um tollaf-
greiðsluhætti innfluttra vara,
einkum með tilliti til viðurlaga
og afgreiðslustöðvana ef út af
settum reglum er brugðið. í
öðru lagi um vöruskoðun,
hvernig hana bæri að og hvern-
ig hún væri framkvæmd og
í þriðja lagi um hvaða regl-
ur gilda um svokallað ATA-
Carnet, sem er ákveðið al-
þjóðlegt tolltryggingarkerfi,
sem við erum aðilar að. Auk
þess sem ég skýrði þau atriði,
sem um var beðið, lagði ég á-
herslu á nauðsyn vandaðra
vinnubragða nokkuð í sama dúr
og gert hefur verið í þessu við-
tali. Stórkaupmenn lögðu aftur
á móti áherslu á að of mikill
seinagangur ríkti í afgreiðslu-
háttum hjá okkur, of mikið fari
í skoðun og óþarfi væri að taka
'hart á ,,smá“ yfirsjónum eins
og því að tilgreina rangt toll-
skrárnúmer eða leggja ekki inn
pappíra á réttum tima. Annars
finnst mér rétt að það komi
fram hér, að mér hefur verið
mi'kill styrkur af nánu og góðu
samstarfi við Félag ísl. stór-
kaupmanna, formenn þess og
framkvæmdastjóra alveg sér-
staklega, en við höfum hittst
öðru hverju og komið þá á
framfæri ábendingum um ým-
islegt sem betur má fara. Mér
er að sjálfsögðu ljóst að ekki
hefur tekist að verða við öllum
óskum innflytjenda, en mikils-
vert er að málin séu skýrð
gagnkvæmt.
PV 4 1977
47