Frjáls verslun - 01.04.1991, Side 93

Var greinin orðuð á svipaðan hátt og
hliðstætt ákvæði norsku laganna um
„Kontroll med markedsföring" nr. 47
frá árinu 1972.
Ekki hefur mikið reynt á þessa
grein til þessa þó vissulega megi finna
þess dæmi. Á síðustu misserum hef-
ur þeim málum hins vegar fjölgað þar
sem málatilbúnaður er að hluta til
a.m.k. studdur með vísan í áður-
nefnda grein. Er þetta í samræmi við
þróunina í nágrannalöndum okkar.
Hafa menn í því sambandi velt nokkuð
vöngum yfir siðferði í viðskiptum eða
öllu heldur skorti á siðferði.
LÖGBANNSMÁL
Fyrir bæjarþingi Reykjavíkur er nú
rekið staðfestingarmál af hálfu Bíró -
Steinars hf. gegn GJ, fyrrum fram-
kvæmdastjóra Steinars hf., þar sem
m.a. er tekist á um viðskiptasiðferði.
Eru kröfur stefnanda þær að staðfest
verði með dómi lögbann það sem
fógetaréttur Reykjavíkur lagði við því
að GJ falist eftir og hagnýti eða haldi
áfram að hagnýta sér persónulega
eða í þágu annarra ýmis erlend við-
skiptasambönd. Ennfremur lögbann
við því að stefndi taki þátt í rekstri
og/eða veiti forstöðu fyrirtækinu
Sess hf., Faxafeni 9, Reykjavík á
meðan fyrirtækið er í beinni sam-
keppni við þann rekstur er stefnandi
keypti.
Málavextir í þessu athyglisverða
máli eru þeir að þann 1. desember
1989 keypti Bíró hf. af Steinari hf.
„firmanafnið Steinar hf. Stálhús-
gagnagerð, áhöld fyrirtækisins, vél-
ar, tæki, vörubirgðir og innlend og
erlend viðskiptasambönd að því gefnu
að viðskiptaaðilar sæju hagsmuni sína
tryggða með áframhaldandi viðskipt-
um við kaupanda".
í kaupsamningum var ákvæði þar
sem hluthafar Steinars hf. skuld-
bundu sig til að stofna ekki né kaupa
hlut í fyrirtækjum, sem yrðu í beinni
samkeppni við þann rekstur er seldur
var, næstu 3 árin. Einnig sagði í 7.
grein samningsins að seljendur ætl-
uðu að veita kaupanda aðstoð við að
tryggja fyrirliggjandi viðskiptatengsl
og skuldbundu þeir sig jafnframt til
þess að falast ekki eftir núverandi er-
lendum viðskiptasamþöndum fyrir-
tækisins næstu 3 árin.
Ekki var unnt að banna ákveðnar
athafnir eða aðferðir í lögum þar
sem óhæfilegir eða ólögmætir
viðskiptahættir geta birst í ótal
myndum. Er enda hætt við því að slík
löggjöf yrði fljótt bæði ómarkviss og
úrelt.
í júní 1990 komst stefnandi að því
að tveir til þrír af stærri erlendum
viðskiptaaðilum hefðu ákveðið að fela
öðrum aðila hér á landi sölu fram-
leiðsluvara sinna, nefnilega hlutafé-
laginu SESS. Handhafi meirihluta íþví
fyrirtæki er systir GJ.
Aðrir hluthafar eru að sögn stefn-
anda, unnusta GJ ásamt kunningja
hans og fyrrum samstarfsfólki. GJ er
framkvæmdastjóri fyrirtækisins með
prókúruumboð.
Stefnandi fór því, eins og áður
sagði, fram á lögbann við því að GJ
falist eftir eða hagnýti sér eða í þágu
annarra þau erlendu viðskiptasam-
bönd sem um ræðir. Einnig var óskað
eftir lögbanni við því að GJ taki þátt í
rekstri og/eða veiti forstöðu fyrir-
tækinu SESS hf. til 1. des. 1992 með-
an fyrirtækið er í beinni samkeppni
við rekstur gerðarbeiðanda. Lög-
bannið var lagt á í júlí 1990 gegn
3.000.000 króna tryggingu.
FARIÐ í KRINGUM SAMNING?
Nú er tekist á um staðfestingu lög-
bannsins fyrir bæjarþingi Reykjavík-
ur. Af hálfu lögmanns stefnanda,
Tryggva Gunnarssonar hrl., er m.a.
á því byggt að GJ hafi staðið að stofn-
un hlutafélagsins SESS og gagngert
fengið vensla- og vinafólk sitt til að
gerast stofnendur félagsins til að fara
í kringum ákvæði kaupsamningsins
frá 1. des. 1989.
Fyrirtækinu SESS sé ætlað að
starfa í beinni samkeppni við þann
rekstur, er seldur var, og hafi stofn-
unin verið liður í því að ætla sér að
hagnýta þau viðskiptasambönd sem
stuttu áður höfðu verið seld.
Af hálfu stefnanda er því einnig
haldið fram að á GJ hafi hvílt trúnaðar-
skylda. Hann hafi selt viðskiptasam-
bönd og þar með ekki einasta tekið á
sig skyldu til að láta vera að falast eftir
þeim heldur einnig skuldbundið sig til
að taka ekki við þessum samböndum
þó í boði væru.
THOR - ofnana vinsælu
Ofnarnir eru afgreiddir fulllakkaðir.
Tökum einnig aö okkur
steinsteypusögun og
kjarnaborun hvar sem er á
landinu
OFNASMIÐJA BJÖRNS ODDSSONAR
Lagarbraut 7, 700 Egilsstööum
Símar:97-11665 og 97-11491