Frjáls verslun - 01.04.1991, Síða 97

Námið skiptist í sjö annir og deilist
upp í tvo megin hluta, fyrri hlutinn,
iðnfræði, tekur þrjár annir og seinni
hlutinn byggingarfræði, tekur fjórar
annir til viðbótar. Þannig tekur námið
þrjú og hálft ár og er skólaárið ellefu
mánuðir. Að því loknu útskrifast
nemendur sem byggingafræðingar
með B.Sc. háskólagráðu. Af þessu
má ljóst vera að nám byggingafræð-
inga er sambærilegt námi annarra
hópa, er nefndir hafa verið, en sam-
kvæmt námsmati Menntamálaráðu-
neytisins er það 171 stig eða sami
stigafjöldi og nám tæknifræðinga.
Nám þetta er sérstakt að því leyti
að óvíða í heiminum fyrirfinnst
menntun er byggir á því að eitt skil-
yrði fyrir inngöngu sé að viðkomandi
hafi fjögrra ára iðnmenntun og sveins-
próf.
Sú sérstaða að hafa að loknu námi
allt að fjögrra ára iðnnám ásamt
þriggja og hálfsárs námi í byggingar-
fræði eða alls sjö og hálfs árs reynslu í
byggingariðnaði að baki, verður að
teljast dágott veganesti.
Þetta gerir það að verkum að búast
má við að einstaklingurinn verði
vegna bakgrunns síns, betur í stakk
búinn, að leysa hin flóknustu verkefni
er tengjast mannvirkjagerð.
Byggingafræðingafélagið gerði
starfskönnun á síðasta ári meðal
þeirra sjötíu félaga sem eru í félaginu.
Á línuritinu hér að ofan má sjá niður-
stöður þeirrar könnunar. Eins og sjá
má vinna byggingafræðingar við hin
fjölbreyttustu störf og nærri ein-
göngu við störf er tengjast bygginga-
iðnaðinum á einhvern hátt.
Ég vona að grein þessi varpi ljósi á
hvað byggingafræðingur er og hvert
starfssvið hans er.
I
EÐALMÁLUN H/F
Húsamálun sími 32617
Önnumst alla innan- og utanhússmálun
Sandspartlsvinna og háþrýstiþvottur
97