Helgarpósturinn - 24.10.1994, Blaðsíða 21
MÁNUDAGUR 24. OKTÓBER 1994
MORGUNPÓSTURINN TÍSKA
21
6 Helstu efnin eru þykk ullarefni og
tweed. Hjá stelpunum bætast við fín-
leg efni eins og satín.
7 Peysur fyrir herrana verða þykkar,
miklar og úr ull, bæði með rúllu- og
sléttum kraga. Þær verða svartar, gráar,
eða í dökktónuðum jarðarlitum. Hjá
dömunum verður mikið um þröngar
og stuttar peysur í skærum litum.
8 Þegar á að punta sig upp fara stelp-
urnar í skósíða kjóla eða pils. Strák-
arnir fara í jakkaföt sem hneppt eru
hátt upp, og í vesti undir.
9 Hjá strákunum verður mikið um
buxur sem þrengjast niður og jakka
sem eru síðari en áður. Þessi stíll er
sóttur í Bítlatímabilið.
ÍO Skór verða grófir og uppreimaðir.
Stelpurnar fara gjarnan í há leðurstíg-
vél eða ökklaskó með miklum hælum.
Strigaskór verða vinsælir.
11 Bindi verða mild og oft úr ofnu
silki. Þau eiga að vera látlaus.
12 Fiauelisbuxur verða vinsælar.
Bæði þessar klassísku, og þær sem
víkka út að neðan.
13 Svokallaður „secondhand“-fatnað-
ur verður áfram, enda munu leika mild-
ir hippastraumar um tískuna í vetur.
HANZ
„Jakkar eru orðnir aðeins síðari, hátt hnepptir, og
orðnir þrengri. Það verður mikið um vesti og þau
eru hærra hneppt en jakkarnir, þannig að það
kemur upp undir skyrtukragann. Buxur hafa
þrengst, eru nú oft með einni fellingu í stað-
inn fyrir tveimur. Þær þrengjast líka meira
niður en áður og það þykir flott að
stækka uppábrotið, hafa það jafnvel
4-5 cm í staðinn fyrir 3 cm uppábrot.
Litirnir í vetur eru mikið út í brúnt, og
svo grátt, grænt og dempaða jarð-
arliti. Allt mjög rólegir litir og skyrt-
an á nú að vera í sama lit og jakk-
inn. Bindin eru öll orðin úr ofnu
silki og í möttum litum.
Fyrirmyndin er gamla innflytj-
endatískan frá 1920-30 og
gömlu góðu „threepiece“-fötin
þykja flott.
Þessu blandast svo sú tíska að
vera dálítið „loose“. Vera ekk-
ert að girða skyrtuna of mikið,
eða jafnvel sleppa því alveg.
Við þetta nota menn svo axla-
bönd og grófa skó.
Tískan í vetur er þessi kreppu-
tíska, þú átt ekkert að vera að
sýna of mikið í hverju þú ert,
heldur vera frekar hlutlaus.
Það skemmtilegasta við
herratískuna núna er að
þetta er í fyrsta skipti í
mörg ár sem það á sér
stað virkileg breyting.
Nýir litir, efni og
snið,“ segir Gunn-
ar Elfarsson,
verslunarstjóri í
Hanz. ■
SAUTJAN
„[ fínni tískunni fyrir strákana verður
mikið um jakka sem eru hnepptir
hátt upp, bæði síðir og í venjulegri
sídd. Þessir jakkar eru eins konar
afturhvarf til Bítlatískunnar og eru
bæði seldir stakir og hægt að fá
sem jakkaföt. Vesti verða áber-
andi í vetur og í skyrtunum
verður mikið um Mao-kraga
og svo síða kraga, þær verða
röndóttar eða einlitar hvítar.
Bæði skyrturnar og vestin
verða síðari en áður hefur
verið.
Jakkafötin verða ein-
hneppt og hátt hneppt,
með vestum, og annað
hvort teinótt eða rönd-
ótt. Helstu litir í þeim
eru grár, svartur og
dökkbrúnn. Það
Baby-doll bolimir munu hlýja
bæði stelpum og strákum í vetur
Þrátt fyrir kuldann verður mikil bolatíska í vetur. Hip-
hopararnir klæðast síðum bolum með stórum og miklum
merkjum. Og svo verða bolir mikið notaðir við kjóla og pils,
og undir gallajakkann.
Það allra nýjasta í þessari tísku eru svokallaðir „baby-doll“
bolir, ætlaðir fyrir stelpurnar. Þeir eru þröngir og með stuttum
ermum, pastellitaðir, og oftar en ekki í bleikum tónum. Á þess-
um bolum eru svo ýmist krúttlegar eða væmnar myndir, svona
rétt til að undirstrika sakleysi stúlknanna sem í þeim ganga. Mynd-
irnar á bolunum eru oftast sóttar í smiðju Walt Disney, dýr eins og
Bambi, íkornar og öll sæt lítil dýr verða hvað vinsælust. ■
verður mikið um
tweed-efni í vetur og er það í anda tískunnar sem var á árunum fyrir stríð.
I hversdags-tískunni verður mikið um peysur. Þær verða síðar og þykkar, oft strofflausar, og
með opnu hálsmáli þannig að ef menn eru í skyrtu undir fær kraginn að njóta sín.
Það verður einnig mikið um svokallaða „secondhand“-jakka úr rúskinni og flaueli, og grófri
ull. Helstu merkin sem við seljum eru: Diesel, Komodo, Method, Works, Charly’s, Obvious
og Pierce.
Hugmyndafræði tískunnar í vetur er líklega upprunnin að miklu leyti í gamla Bítlatímanum,
og svo tískunni sem var fyrir stríð. Um þessa línu liggja þó dálítið hippaðir straumar, þann-
ig að ýmis „secondhand“-fatnaður verður vinsæll í vetur. Það mætti kalla tískuna sem er
ríkjandi í dag „Ekkert bannað-tískuna”, segir Sölvi Snær Magnússon.
„Tískan hjá stelpunum einkennist af því í vetur að grófu og fínu er blandað saman. Það
verður mikið um stuttar og þröngar peysur úr móhári eða gróft prjónaðar ullarpeysur.
Einnig verður mikið um stutt og síð pils, og svo skósíða kjóla, með mjög þunnum hlýr-
um.Undir þessa kjóla er gjarnan farið í bómullarboli í pastellitum, bleiku og hvítu. Það
er mikið um að stelpurnar klæði sig í síð pils, þykka peysu og grófa skó. Þó að það
verði mikið um kjóla og pils í vetur er tískan frekar gróf og oft farið í stuttermabol
með væminni eða ísaumaðri mynd, og gallajakka við pilsin og kjólana. Strigaskór
verða áfram í vetur og við seljum mikið af strigaskóm úr lakki, en lakk er að koma
mjög mikið í skóm. Einnig verður mikið um há og rennd leðurstígvél, einnig upp-
há reimuð. Og ökklaskó, bæði reimaða og með teygju á hliðinni, í svörtu og
brúnu. Skórnir verða aliir með dálítið góðum hælum.
Skærir litir verða áberandi.eins og skær -blátt, -bleikt og - appelsínugult. Svo
verða grátónar og svart líka í vetur.
Helstu merkin sem við seljum eru; Diesel, Morgan, Komodo, Acqua Verde,
Big Star, Chippy, Saint Tropez og Kiliwatch. Og í fínni fatnaðinum erum við
aðallega með Vertigo, Le Garage, Graffity’s, Helena Hart, Sticky Fingers og
Kookai. Helstu merkin í skóm eru Shelly’s, No Box og Destroy.
Tískan í vetur hjá stelpunum er dálitið mikið afturhvarf til diskótímabilsins,
satín og skærir litir. Þetta blandast svo gróf-
ari fatnaði, eins og grófum ullarpeysum, og
þá í skærum litum,” segir Sigurlaug
Sverrisdóttir. ■
EVA
„Litirnir í vetur skiptast í jarðarliti og svo sterkari liti.
En fyrir hina almennu manneskju eru það frekar jarð-
arlitirnir sem ráða. Það er bæði stutt og sítt í tísku.
Buxnadragtir verða vinsælar í vetur, þröngar buxur
og flottir jakkar. Hugmyndaflugið fær að njóta sín
og það er bæði hægt að vera frikaður og svo líka
mjög klassískur, allt eftir því hver á í hlut og við
hvaða aðstæður. Efnin eru betri en oft áður enda
er fólk farið að gera miklu meiri kröfur til efna en
áður. Þeir sem hafa efni á því fá sér gjarnan
dýrari föt úr vandaðri efnum, ull og tweed. Og
hinir sem vilja eyða lægri upphæðum í föt
halda sér við ódýrari efni. Skór verða grófir og
oft uppreimaðir. Annars er skótískan að verða
dálítið fínlegri úti, en þær breytingar taka smá
tíma að berast hingað.
Helstu merkin okkar eru Virmani, Nicole Far-
hi og svo vorum við að byrja með Donnu
Karan DKNY, sem við bindum miklar vonir
við. Sú lína er fyrir frekan breiðan aldurs-
hóp því hún er með allt frá dálítið ögr-
andi fatnaði í skærum litum upp í klass-
ískan.'fínan fatnað.
Annars reynum við að vera á klass-
ískari nótunum enda er okkar kúnna-
hópur konur sem komnar eru yfir
tvítugt og aðeins formfastari og
praktískari en yngri krakkarn-
ir,“ segir Marta Bjarna-
dóttir i Evu. ■
Grófir diskó-
samfestingar það
sem koma skal
Tískan í vetur virðist mikið til samsett úr tveimur línum. Annars vegar
grófum uliarfötum, hins vegar fínlegum og skærlitum fötum sem hægt
er að rekja til diskótímabiisins. Þessum tveimur línum er nú blandað
saman, og fólk klæðir sig í fínlegar, skærlitar diskóskyrtur úr satíni, mó-
hársvesti, ullarbuxur og klossaða skó.
Ef spáð er í framtíðina og litið til næsta árs má vel ímynda sér að þessar
tvær línur renni saman og fram komi eins konar gróf diskótíska.
Þessi lína yrði þá líklega fáanleg í samfestingum og því minnsta mál í
heimi að klæða sig upp. í staðinn fyrir að þurfa að velja saman óteljandi
flíkur úr diskólínunni og þeirri grófu, verður líklega hægt að skella sér inn í
næstu tískuvöruverslun, fara í samfestinginn og bara renna upp. Meðfylgj-
andi mynd sýnir þessa línu, sem líkleg er til vinsælda á næsta ári. ■
Ur smækka og
verða fínlegri
Tiska millistriðsaranna er nú fyrirmynd
úrahönnuða rétt eins og fatahönnuða.
Stóru kafaraúrin fara halloka fyrir minni og
fínlegri úrum. íburður úranna er minni og
þau verða einfaldari að allri gerð, og með
leðurólum í stað veglegra keðja áður. Klassi
og látleysi eru höfð að leiðarljósi. ■