Helgarpósturinn - 24.11.1994, Blaðsíða 12
12
MORGUNPÓSTURINN SKOÐUN
FIMMTUDAGUR 24. NÓVEMBER 1994
Pósturmn
Útgefandi
Ritstjórar
Fréttastjóri
Framkvæmdastjóri
Markaðsstjóri
Setning og umbrot
Filmuvinnsla og prentun
Miðill hf.
Páll Magnússon, ábm
Gunnar Smári Egiisson
Sigurður Már Jónsson
Kristinn Albertsson
Þórarinn Stefánsson
Morgunpósturinn
Prentsmiðjan Oddi hf.
Verð í lausasölu kr. 195 á mánudögum
og kr. 280 á fimmtudögum.
Áskriftarverð er kr. 1.300 á mánuði fyrir tvö blöð í viku.
Þeir sem greiða með greiðslukorti fá 100 króna afslátt.
Linda og lögreglan
Trúlega hefur ekki verið rætt um annað meira manna á
meðal síðustu tíu daga, en samskipti Lindu Pétursdóttur og
lögreglunnar í Reykjavík. Og það var landanum líkt að hafa
málið talsvert í flimtingum og hálfkæringi, enda í sjálfu sér
dálítið „kómískt" að ímynda sér fíleflda lögreglumenn í
harðvítugum átökum við „þjóðargersemina“, einsog einn
ráðherranna mun hafa kallað Lindu í þessu samhengi.
En gleymum því ekki, að málið er í hina röndina grafalvar-
legt og svo mikið er víst, að málsaðilum er ekki skemmt.
Ef Linda hefur rétt fyrir sér eru viðkomandi lögregluþjónar
sekir um gróít ofbeldi og eiga að taka sér eitthvað annað fyrir
hendur en að gæta laga og réttar.
Ef lögreglan hefur rétt fyrir sér er Linda sek um að úthrópa
saklausa menn, í krafti þeirrar frægðar og athygli sem hún
nýtur, og verður að svara til saka fyrir það.
Málið er enn í rannsókn og fólk skyldi varast að hlaupa til
ályktana um sekt og sakleysi á grundvelli tilfmninga og for-
dóma. Frægt fólk býr oft við það, til góðs og ills, að öðru fólki
finnst því þekkja það persónulega. Þannig gæti einhver álykt-
að sem svo: Ég hef fylgst með Lindu árum saman, — hún
hefur alltaf verið hvers manns hugljúfi og aldrei verið þekkt
að neinu misjöfnu. Lögreglan hlýtur að ljúga.
Aðrir hafa oftrú á óskeikulleika stofnana og starfsmanna
ríkisins og segja sem svo: Vel þjálfaðir og grandvarir lög-
regluþjónar myndu aldrei ganga fram með barsmíðar og
meiðingar til að hafa hemil á varnarlítilli konu. Linda hlýtur
að ljúga.
Báðar staðhæfmgarnar eru ótímabærar. Fólk, sem að öðru
jöfnu er dagfarsprútt, en hefur af einhverjum ástæðum lent í
pínlegri uppákomu, þar sem lögreglan hefur þurft að koma
við sögu, grípur stundum til þess í reiðikasti að skella skuld-
inni af óheppni sinni á aðvífandi lögreluþjóna.
Á hinn bóginn eru þess sannanlega ýmis dæmi, að einstak-
ir lögregluþjónar hafi beitt tilefnislausu harðræði í samskipt-
um sínum við venjulegt fólk, — og það er auvitað sýnu alvar-
legra.
Hvor útgáfan var uppi á teningnum í því tilviki, sem hér er
gert að umtalsefni, veit í raun enginn nema málsaðilar sjálfir
— og kannski ekki einu sinni þeir. í hita leiksins og geðs-
hræringu geta einstaklingar upplifað, og endurlifað, sama at-
burðinn hver með sínum hætti og talið sig skýra satt og rétt
frá - þótt himinn og haf skilji á milli í framburðinum.
Það vonda við mál af þessu tagi er að það er ekki endilega
víst, og jafnvel ólíklegt, að sannleikurinn komi nokkurn tíma
í ljós - - þrátt fyrir rannsókn þar til bærra aðila. Fullyrðing
stendur gegn fullyrðingu og enginn til vitnis aðrir en beinir
þátttakendur í atburðinum. Það er heldur ekki til bóta, að
þegar hópur manna, í þessu tilviki Reykjavíkurlögreglan, tel-
ur að sér vegið þá hafa menn tilhneigingu til þess af misskil-
inni stéttvísi að verja hver annan fram í rauðan dauðann. Hér
verður þó ekkert fullyrt um hvort það eigi við í þessu máli.
Þrátt fyrir tormerkin á rannsókninni verða menn þó að
vona, að komist verði til botns í málinu — hvorum megin
sem sannleikurinn liggur.
Páll Magnússon
’rgtmj \
Pösturinn
Miöill hf., Vesturgötu 2, 101 Reykjavik, simi 2 22 11
Beinir símar eftir lokun skiptiborös:
Ritstjórn 24666, tæknideild 24777, auglýsingadeild 24888 og dreifing 24999
Simbréf ritstjórnar 22243 - Símbréf auglýsingadeildar 22241 - Simbréf afgreiöslu 22311
Þarf ekki að auka
líkbrennslu?
„KirkjugarSarnir erufullir af ómiss-
andi þingmönnum.“
Sveinn Allan Morthens svikari.
Þess vegna er hann verk-
stjóri en ekki listamaður
„Eg skil ekki þegarfólk cetlar að
mótmœla og lœtur það bitna á
dauðutn hlutum sem það á ekkert
Theodór Halldórsson yfirverkstjóri hjá
Reykjavíkurborg.
Það fannst Lindu
„Störf lögreglutmar eru afarfjöl-
breytt. “
Ómar Smári Ármannsson blaðafull-
trúi.
Gris með
asnaeyru
,,/fl, cetli ég verði ekki
aðjáta það að ég hef
verið dreginn á asna-
eyrunum
Ólafur Ragnar Grímsson
fórnarlamb Jóhönnu.
Sýndartillaga um stjórnlagaþing
„Ekki er unnt að skilja tillögu Jóhönnu Sigurð-
ardóttur um stjórnlagaþing öðruvísi en svo að
hún hafni nú þeirri leið sem hún greiddi at-
kvœði þar sem hún sat á ráðherrastóli á Þing-
völlum.(<
Jóhanna Sigurðardóttir hefur
verið iðin við að flytja alls kyns
þingmál á Alþingi eftir að hún sagði
af sér sem ráðherra og tók sæti sem
óbreyttur þingmaður. Eitt þessara
mála er tillaga um sérstakt stjórn-
lagaþing sem taki stjórnarskrá lýð-
veldisins í heild sinni til endur-
skoðunar. Ég tel að flutningur
þesssarar tillögu sé sýndarmennska.
En það sem verra er: Samþykkt
hennar myndi verða til þess að
seinka um óákveðinn tíma eða
jafnvel koma í veg fyrir mikilvægar
stjórnarskrárumbætur sem í loffi
liggur að ná megi samkomulagi um
á yfirstandandi þingi.
Endurskoðun mann-
réttindaákvæðanna
Á hátíðarfundi Alþingis á Þing-
völlum hinn 17. júní síðastliðinn
samþykkti þingheimur með 63
samhljóða atkvæðum ályktun um
að stefnt skuli að því að íjúka end-
urskoðun 7. kafla stjórnarskrárinn-
ar sem að stofni til eru óbreytt frá
1874. Hefur lengi verið talið brýnt
að gera þessi ákvæði nútímalegri og
færa til samræmis við alþjóðlega
sáttmála sem ísland á aðild að.
Að baki samþylcktinni á Þing-
völlum lágu meðal annars tillögur
frá stjórnarskrárnefnd um ný
mannréttindaákvæði og að sam-
komulag meðal þingflokksfor-
manna um að vinna áfram að mál-
inu á yfírstandandi þingi með hlið-
sjón af þeim tillögum. Það var eink-
ar ánægjulegt að um þessa máls-
meðferð skyldi nást samkomulag
allra þingflokka. Hefur síðan verið
unnið að málinu eins og fyrirhugað
var.
Á að hlaupa frá Þing-
vallasampykktinni?
Ekki er unnt að skilja tillögu Jó-
hönnu Sigurðardóttur um stjórn-
lagaþing öðruvísi en svo að hún
hafni nú þeirri leið sem hún greiddi
atkvæði þar sem hún sat á ráð-
herrastóli á Þingvöllum. Með til-
lögu sinni er þingmaðurinn í raun
að hlaupa frá samþylcktinni 17. júní
áður en endurskoðaðar tillögur um
nýjan 7. kafla stjórnarskrárinnar
liggja fyrir. Það er meira en lítið
Þungavigtin
Iformaður
ÞINGFLOKKS
Sjálstæðisfl.
furðulegt. Jóhanna virðist annað
hvort hafa gleymt samþylcktinni frá
í sumar eða vera ráðin í að hafa
hana að engu.
Þingmenn geta auðvitað ekki fyr-
irfram lofað stuðningi við tillögur
um stjórnarskrárbreytingar sem
þeir hafa ekki séð. En það er ótrú-
legt að flytja nú tillögu á Alþingi
sem felur þeinlínis í sér að vikið
skuli frá þeirri málsmeðferð við
endurskoðun þessa hluta stjórnar-
skrárinnar sem þingið hefur sjálft
ákveðið og það áður en efnislegar
tillögur eru fram komnar.
Leiðréttingu atkvæða-
vægis frestað?
Jóhanna Sigurðardóttir er með
tillögu sinni í raun líka að leggjast
gegn því að eðlilegar lagfæringar á
vægi atkvæða milli kjördæma nái
fram að ganga sem fyrst því slíkar
breytingar útheimta stjórnarskrár-
breytingar á yfirstandandi þingi.
Hreyfing hefur verið fýrir því í öll-
um flokkum að ráðast í breytingar í
þessa veru þótt enn sé ekki ljóst
hvers efnis þær verða eða hve langt
þær muni ganga. Það hlýtur að
vekja sérstaka athygli kjósenda í
Reykjavík og á Reykjnesi að þesi
þingmaður skuli nú flytja þingmál
sem drepur þessu mannréttinda-
máli á dreif.
Tillaga Jóhönnu Sigurðardóttur
uni stjórnlagaþing er sýndartillaga
meðal annars vegna þess að stjórn-
arskráin gerir ekki ráð fyrir slíkri
samkomu. Til þess að hún megi
verða að veruleika þarf fýrst að
breyta stjórnarskránni eftir núgild-
andi reglum og heimila slíkt þing.
Með slíkri samþykkt á þesu þingi,
sem staðfesta þyrfti á næsta þingi
eftir kosningar, væri verið að slá
áðurnefndum umbótum á frest um
ótiltekinn tíma og stefna þeim í
voða. Skýtur það nolckuð skökku
við þar sem helstu rök Jóhönnu
Sigurðardóttur eru þau að dregist
hafi úr hömlu að endurskoða
ákvæði stjórarnarskrárinnar.
Lofsverður áhugi en
afleit aðferð
Reyndar vekur það nokkra at-
hygli að Jóhanna Sigurðardóttir
slculi nú sýna stjórnarskrármálum
svo mikinn áhuga. Man nolckur eff-
ir því að hún hafi látið þau mál til
sín taka þau sjö ár sem hún sat
samfleytt í ríkisstjórn íslands? Beitti
hún sér til dæmis nolckurn tíma
fyrir því að flutt yrði stjórnarfrum-
varp um stjórnlagaþing eða nýja
stjórnarskrá? Ekki minnist ég þess.
Hinn nýtilkomni áhugi hennar á að
endurbæta stjórnarskrána er lofs-
verður. Aðferðin sem upp á er
stungið er hins vegar afleit eins og
nú standa sakir og gengur þvert á
þá þróun sem hafin er.
Þungavigtarmenn eru meðal annars: Árni Sigfússon, Geir H. Haarde, HalldórÁsgrímsson, Ingibjörg Sólrún Gísladóttir, Jóhanna Sigurðardóttir,
Jón Erlendsson Jón Steinar Gunnlaugsson, Óskar Magnússon, Páll Kr. Pálsson, Svavar Gestsson, ögmundur Jónasson, Össur Skarphéðinsson.