Alþýðublaðið - 18.10.1986, Blaðsíða 17

Laugardagur 18. október 1986
17
Skýrsla Geirs Gunnlaugssonar, gjaldkera Alþýðuflokksins, á flokksþingi:
Aukin umsvif í
útgáfustarfsemi
Góður árangur í sölu happdrættismiða og
og prýðileg afkoma hlutafélaga flokksins
Þingforseti, formaður, góðir fé-
lagar.
Ég mun hér í skýrslu minni leggja
fram reikninga flokkssjóðs og gera
nokkra grein fyrir rekstri fyrir-
tækja, sem tengjast Alþýðuflokkn-
um.
Reikningar þeir, sem hér eru
framlagðir, náyfirtímabilið 1. sept-
ember 1984 til 31. ágúst 1986 og eru
þeir áritaðir af Eyjólfi K. Sigur-
jónssyni, löggiltum endurskoð-
anda, öðrum kjörnum endurskoð-
anda flokksins. Ásgeir Jóhannes-
son, hinn kjömi endurskoðandi
flokksins, er erlendis og náðist því
ekki í hann, en í stað hans hefur
Sveinbjörn Egilsson, endurskoð-
andi, áritað reikningana.
Veltuaukning
Eins og fram kemur á reikning-
unum þá hefur orðið veruleg aukn-
ing á veltu flokksins frá síðasta
flokksþingi og liggja til þess tvær
meginástæður. Annars vegar veru-
leg aukning á starfsemi flokksins
og hins vegar að nú sýna reikningar
flokkssjóðs alla starfsemi á vegum
flokksins. Áður hafði verið til-
hneiging til að túlka flokkssjóð í
þröngum skilningi þannig að reikn-
ingar hans sýndu aðeins hluta af
starfsemi flokksins.
Aukin umsvif flokksins koma
fyrst og fremst fram í öflugri út-
breiðslustarfsemi og auknu starfs-
mannahaldi. Formaður flokksins,
Jón Baldvin Hannibalsson, hefur
verið mjög ötull við að kynna
landsmönnum boðskap flokksins
og ferðast um landið vítt og breitt
og haldið fundi. Árangurinn af
þessu útbreiðslustarfi hefur síðan
verið veruleg fylgisaukning flokks-
ins. Það fé, sem varið hefur verið til
útbreiðslustarfseminnar, hefur því
ávaxtað sig ríkulega.
Tvö happdrætti
Mjög jákvætt viðhorf ríkir nú
gagnvart flokknum og kemur það
meðal annars fram í að góður ár-
angur hefur náðst í sölu happdrætt-
is á vegum flokksins. Á tímabilinu
hafa verið rekin tvö happdrætti og
það þriðja er í gangi núna. Hreinar
tekjur af happdrættunum hafa á
tímabilinu orðið kr. 1.886.313.
Ámundi Ámundason hefur borið
hitann og þungann af sölu happ-
drættisins og þakka ég honum vel
unnin störf. Þá vil ég nota þetta
tækifæri til að þakka formanni
flokksins, Jóni Baldvin Hannibals-
syni, fyrir mikilvægt framlag hans
til fjáröflunar á vegum flokksins.
Á skrifstofu flokksins vinna nú
þrír starfsmenn, Jón Baldur Lor-
ange, framkvæmdastjóri, Birgir
Dýrfjörð, erindreki og Ánna Braga-
dóttir, ritari í hálfu starfi. Auk þess
hefur Jón Maríasson unnið þar
undanfarna mánuði í sjálfboða-
starfi. Þakka ég þeim og Valgerði
Guðmundsdóttur og Kristínu
Viggósdóttur, fyrrverandi starfs-
mönnum, samstarfið og vel unnin
störf í þágu flokksins.
Hagstæð afkoma
Heildartekjur flokkssjóðs á
tímabilinu voru kr. 8.719.021, gjöld
kr. 7.872.170 og tekjur umfram
gjöld því kr. 846.851.
Eignir alls samkvæmt efnahags-
reikningi eru kr. 4.055.712, skuldir
kr. 101.631 og eigið fé því kr.
3.954.081.
Lán það að upphæð kr.
6.000.000, er tekið var á árinu 1984
vegna skulda Alþýðublaðsins, með
sjálfskuldarábyrgð 120 flokks-
manna, er ekki fært sérstaklega upp
í efnahagsreikningi flokksins. Lán
þetta var í ágústmánuði s.l. kr.
9.411.496. Afborganir og vextir af
láninu voru á árunum 1985 og 1986
kr. 2.147.318 og eru færðar til gjalda
sem greiðslur v/skuldaskila Al-
þýðublaðsins frá eldri tíma á rekstr-
arreikningi flokksins.
Tvö hlutafélög
Nu mun ég nokkuð víkja að öðr-
um málum, er varða rekstur ýmissa
fyrirtækja, er tengjast flokknum og
starfsemi hans.
Eins og skýrt var frá á síðasta
flokksþingi voru snemma á árinu
1984 stofnuð tvö hlutafélög, Blað
h.f. og Alprent h.f. til þess að yfir-
taka útgáfu Alþýðublaðsins og
rekstur setningartækja, sem voru í
eigu flokksins. Var það gert til þess
að útgáfa Alþýðublaðsins yrði
sjálfstæð rekstrareining, algjörlega
óháð annarri starfsemi flokksins.
Reynslan frá 1983 hafði einnig
kennt okkur að nauðsynlegt var að
tryggja að ekki þyrfti aftur að koma
til þess að flokkurinn yrði að taka á
sig þungar byrðar vegna tapreksturs
á útgáfu Alþýðublaðsins.
Hlutafélög þessi eru 99.9% í eigu
Alþýðuflokksins og er hlutafé
þeirra kr. 1.001.000 annars vegar og
kr. 1.000.000 hins vegar, eins og
fram kemur á reikningum flokks-
sjóðs. Rekstur fyrirtækja þessara
hefur nú staðið yfir í rúm tvö ár og
nokkur reynsla komin á rekstur
þeirra. Þótt vissulega hafi verið við
ýmsa byrjunarerfiðleika og fjár-
framlög flokksins að ræða þá
leggja þau nú drjúgan skerf til
flokksstarfsins. Ekki ber þó að
skilja orð mín svo að ég telji að
fundin hafi verið upp einhver eilífð-
arvél, er mali flokknum gull. For-
senda þess að rekstur fyrirtækj-
anna haldi áfram að skila flokkn-
um arði í einu eða öðru formi er að
rekstri þeirra verði ekki íþyngt um-
fram getu, rekstrarlegt sjálfstæði
þeirra verði tryggt, og flokksmenn
beini viðskiptum sínum í auknum
mæli til þeirra.
Stór aukablöð
Ég ætla nú að víkja nokkuð frek-
ar að rekstri hvors félags fyrir sig,
en hafa ber í huga að þótt hér sé um
aðskildar rekstrareiningar að ræða,
þá er rekstur þeirra nátengdur og
óaðskiljanlegur að ýmsu leyti.
Meginhlutverk Blaðsh.f. er að
gefa út Alþýðublaðið og hefur
rekstur þess gengið vel þegar frá
upphafi. Auk útgáfu hins daglega
fjórblöðungs þá hefur áhersla verið
lögð á útgáfu aukablaða, sem dreift
er í stóru upplagi, 25—35.000 ein-
tökum aðallega á höfuðborgar-
svæðinu. Engin áform eru uppi um
stækkun hinnar daglegu útgáfu og
slík ákvörðun verður ekki tekin,
nema að breyttum forsendum hvað
varðar dreifingu og áskrift blaðs-
ins.
Rekstrarafkoma Blaðs hefur all-
an tímann verið góð. Að vísu var
um lítils háttar tap að ræða árið
1984, fyrsta rekstrarárið, eða kr.
37.380. Árið 1985 var hagnaður kr.
507.284, af rekstri Blaðs og bráða-
birgðauppgjör fyrir fyrstu sex mán-
uði þessa árs sýnir mjög góða af-
komu. Á þessu tímabili hefur Blað
einnig kostað prentun fyrir flokk-
inn fyrir tæpar 500.000 kr. og yfir-
tekið og greitt verulegar skuldir
vegna fyrri rekstrar Alþýðublaðs-
ins, er ekki hafði tekist að greiða við
skuldaskil 1984. Þá er ótalin prent-
un flokksþingstíðinda, fræðslu-
bæklinga og annarra gagna vegna
þessa flokksþings.
Tölvubúnaður
í júlí s.l. ákvað stjórn Blaðs, jafn-
framt því að kaupa tölvubúnað fyr-
ir eigin skrifstofu, að gefa flokks-
skrifstofunni fullkominn tölvubún-
að, fyrir ritvinnslu, félagaskrár og
fleira. Er þess að vænta að flokksfé-
lög um allt land njóti góðs af þeirri
gjöf. Rósin í hnappagatið er svo að
sjálfsögðu að Blað er eitt fárra
hlutafélaga, er greiðir hluthöfum
sínum arð, en 1985 var greiddur
10% arður af hlutafé, eða kr.
100.000, eins og fram kemur á
reikningum flokkssjóðs.
Stjórn Blaðs h.f. skipa Geir A.
Gunnlaugsson, formaður, Árni
Gunnarsson, Ásgeir Jóhannsson,
Sighvatur Björgvinsson, Þráinn
Hallgrímsson og varamenn Krist-
inn Breiðfjörð og Sverrir Jónsson.
Framkvæmdastjóri er Valdimar H.
Jóhannesson, en aðrir starfsmenn
7. Þakka ég þeim öllum fyrir vel
unnin störf. Arni Gunnarsson, rit-
ari flokksins, hefur verið viðriðinn
rekstur Blaðs allt frá upphafi, fyrst
sem framkvæmdastjóri í raun og nú
í rúmt ár sem ritstjóri. Vil ég nota
þetta tækifæri til þess að þakka
honum sérstaklega fyrir hönd okk-
ar allra fyrir einstakt framlag, án
krafta hans og dugnaðar hefði ekki
náðst sá árangur, sem við sjáum í
dag.
Rekstur Alprents hefur verið
mun erfiðari en Blaðs h.f. Tap að
upphæð kr. 329.991 varð á fyrsta
rekstrarári 1984. Ákveðið var að
reyna til þrautar hvort rekstrar-
grundvöllur væri fyrir hendi og
keyptar prentvélar úr búi Alþýðu-
prentsmiðjunnar h.f. Rekstur árs-
ins 1985 sýndi hagnað að upphæð
kr. 182.790 eftir mikla erfiðleika
fyrri hluta ársins. Rekstur fyrri
hluta þessa árs er samkvæmt bráða-
birgðauppgjöri einnig jákvæður.
Rekstur Alprents stendur því í járn-
um. í því sambandi ber þó að hafa
í huga að við stofnun Alprents yfir-
tók það þungar skuldabyrðar og því
var ekki lagt til neitt rekstrarfé.
Flokkurinn varð því 1985 að leggja
Alprent til nokkurt fé í formi láns,
eins og fram kemur á reikningum
flokkssjóðs.
Mikil samkeppni ríkir í prentiðn-
aði á íslandi og því ekki við því að
búast að Alprent verði mikið gróða-
fyrirtæki. En það er mat flestra að
meðan Alþýðuflokkurinn gefur út
Alþýðublaðið sé nauðsynlegt að
hafa tryggan aðgang að setningar-
tækjum.
Alprent á mjög góð setningar-
tæki, og hefur verið ákveðið að
auka við tækjabúnaðinn til þess að
treysta enn frekar rekstrargrundvöll
þess. Hinn nýi búnaður gerir það
meðal annars kleift að taka til setn-
ingar og umbrots handrit, sem unn-
ið hefur verið í ritvinnslu á einka-
tölvu. Áframhaldandi rekstur Al-
prents verður þó að byggjast á þvi
að rekstur þess sýni hagnað og verði
ekki baggi á baki flokksins.
Ég vil nota þetta tækifæri til að
þakka þeim flokksmönnum, er
beint hafa viðskiptum sínum og
fyrirtækja sinna til Alprents. En því
er ekki að neita að það hafa orðið
okkur vonbrigði, sem stöndum að
Alprent, hversu fáir þeir eru. Ég
vona að á því verði nú breyting.
Stjórn Alprents skipa Geir A.
Gunnlaugsson, formaður, Árni
Gunnarsson, Georg Tryggvason,
Óttar Ingvarsson, Sighvatur Björg-
vinsson og til vara, Kristinn Breið-
fjörð og Sverrir Jónsson. Fram-
kvæmdastjóri er Valdimar H. Jó-
hannesson og aðrir starfsmenn 8.
Þakka ég þeim öllum fyrir vel unnin
störf.
Endurskoðandi beggja félag-
anna er Eyjólfur K. Sigurjónsson,
og þakka ég honum holl ráð og vel
unnin störf.
Alþýðuprentsmiðjan
Áður en ég lýk þessari umfjöllun
um fyrirtæki tengd Alþýðuflokkn-
um, tel ég rétt að víkja að málefnum
Alþýðuprentsmiðjunnar h.f. Eins
og fram kom á síðasta flokksþingi
þá hafði Alþýðuprentsmiðjan verið
rekin með tapi og við þröngan kost
um langt árabil. í árslok 1984 var
því ákveðið að hætta rekstri félags-
ins og selja eignir þess. Kjörin var
sérstök skilanefnd undir forystu
Árna Gunnarssonar til þess að
hætta starfsemi félagsins. Öllu
starfsfólki Alþýðuprentsmiðjunnar
var því sagt upp störfum um áramót
1984 og 1985, en því jafnframt boð-
ið starf hjá Alprenti, sem keypti
helstu prenttæki Alþýðuprent-
smiðjunnar. Húseign Alþýðuprent-
smiðjunnar við Vitastíg var einnig
seld. Störfum skilanefndarinnar er
nú að ljúka og eru horfur á að allir
fái sitt þannig að Alþýðuflokkurinn
geti verið fullsæmdur af því, hvern-
ig haldið var á málinu. Þakka ég
þeim félögum í skilanefndinni fyrir
heilladrjúg störf.
Góðir félagar, Alþýðuflokkurinn
stendur nú á nokkrum tímamótum,
í stað þess að vera smáflokkur er
hann nú næst stærsti flokkur þjóð-
arinnar. Þetta nýja hlutverk gerir
kröfur til öflugs starfs og aukinna
umsvifa, sem hvoru tveggja krefst
aukinna og tryggra tekna. Það verð-
ur því eitt af hlutverkum þeirrar
forystu og framkvæmdastjórnar,
sem kosin verður á þessu þingi, að
treysta enn frekar þann grunn, er
lagður hefur verið, en jafnframt að
leita nýrra leiða í tekjuöflun.
Geir A. Gunnlaugsson,
gjaldkeri.
Nyir prestar og prófastar
Halldór Reynisson cand. theol.,
forsetaritari, var kjörinn til prests-
þjónustu í Hruna prestakalli í Ár-
nesprófastsdæmi, en kosningar
fóru fram síðastliðinn sunnudag.
Umsækjendur voru fjórir. Halldór
Reynisson hlaut 125 atkv. sr. Har-
aldur M. Kristjánsson hlaut 119, sr.
Önundur Björnsson hlaut 63 atkv
og Jón ísleifsson cand. theol. 2 at-
kvæði. Einn seðill var auður. Á
kjörskrá voru 383 en atkvæði
greiddu 310.
Prestar Árnesprófastsdæmi hafa
kjörið sr. Tómas Guðmundsson í
Hveragerði sem prófast sinn, en sr.
Sveinbjörn Sveinbjörnsson í Hruna
lætur af því embætti innan tíðar.
Þá hefur sr. Örn Friðriksson á
Skútustöðum verið kjörinn pró-
fastur Þingeyinga í stað sr. Sigurðar
Guðmundssonar vígslubiskups sem
flutt hefur heim að Hólum og skip-
aður til prestsþjónustu þar. Áður
höfðu Eyfirðingar kjörið sr. Birgi
Snæbjörnsson á Akureyri til pró-
fastsembættis. Því hefur gegnt sr.
Bjartmar Kristjánsson á Lauga-
landi sem hefur látið af störfum
vegna aldurs.
Biskup auglýsir nú tvö prestaköll
laus til umsóknar með fresti til 16.
nóvember.
Heydalir í Austfjarðarprófasts-
dæmi. Þar hefur sr. Kristinn
Hóseasson prófastur þjónað í nær
40 ár en lætur nú af störfum vegna
aldurs.
Víkurprestakall i Skaftafellspró-
fastsdæmi. Sr. Gísli Jónasson sem
þar hefur þjónað hefur nú verið
skipaður sóknarprestur í Breið-
holtsprestakalli í Reykjavík.