Morgunblaðið - 07.01.2001, Page 19

MORGUNBLAÐIÐ SUNNUDAGUR 7. JANÚAR 2001 B 19
hefst 10. janúar nk.
Kvöld- og helgarnám.
Upplýsingar og innritun í síma
897 2350 og 511 1085
virka daga kl. 13—17.
Nuddskóli Guðmundar,
Hólmaslóð 4, Reykjavík.
NUDDNÁM
Lúxusferð til Kanarí fyrir 4-6
13/2-6/3 3 vikur
1. Dvalið verður á 5 stjörnu lúxus íbúðarhóteli
niður við strönd.
2. Sér strönd með hvítum sandi fyrir hótelgesti.
3. Allar sundlaugar og nuddpottar upphitaðir.
4. Öll upphugsanleg heimilistæki og borðbúnaður
í íbúðum.
5. Matvörumarkaður „súpermarkaður“ og glæsilegar
verslanir á hótelinu.
6. Skemmtanir á hverju kvöldi ef gestir vilja.
7. Barnagæsla og leikið við börn og fullorðna
á hverjum degi.
8. Stórar svalir með borðstofu og bekkjum.
9. Glæsileg líkamsrækt á hótelinu.
10. Beint flug.
11. Verð miðað við 4 í íbúð, 122.000 á mann
í 3 vikur, flug og gisting.
Verð miðað við 6 í íbúð, 91.000 á mann
í 3 vikur, flug og gisting.
Upplýsingar veitir Óskar G. Sigurðsson,
sími 898 6405.
JÓLAMÓT BR og SPRON var spil-
að 29. desember. 56 pör spiluðu 44
spil með Monrad barometer fyrir-
komulagi. Til að gera langa sögu
stutta þá unnu Ljósbrá Baldursdótt-
ir og Ásmundur Pálsson með +276,
sem jafngildir 61,6%. Þau leyddu allt
mótið og munaði minnstu í lokin, eða
6 stigum, sem Pál Valdimarsson og
Eirík Jónsson vantaði til að brúa bil-
ið í fyrsta sæti.
Efstu pör urðu:
Ljósbrá Baldursd. – Ásmundur Pálss. 276
Páll Valdimarss. – Eiríkur Jónss. 270
Helgi Jónss. – Helgi Sigurðss. 168
Aðalsteinn Jörgens. – Sverrir Árm. 158
Árni Hanness. – Halldór Tryggvas. 133
Gylfi Baldurss. – Steinberg Ríkarðss. 128
Þórður Sigurðss. – Gísli Þórarinss. 126
Guðbjörn Þórðars. – Hjálmar S. Pálss. 123
Helgi Hermannss. – Kristinn Þóriss. 102
Hjalti Elíass. – Eiríkur Hjaltas. 97
Veitt voru peningaverðlaun að
heildarverðmæti 195.000 kr. fyrir 6
efstu sætin. Auk þess voru veitt flug-
eldaverðlaun frá Kiwanisklúbbnum
Esjunni fyrir efsta par í flokki
kvenna, blandaðra og eldri spilara,
sem voru ekki í 6 efstu sætunum.
Hjördís Sigurjónsdóttir og Kristján
Blöndal voru efst í blandaða flokkn-
um, Björn Theodórsson og Páll
Bergsson í flokki eldri spilara og
Halldóra Magnúsdóttir og Soffía
Daníelsdóttir voru efsta kvennapar-
ið. Að lokinni verðlaunaafhendingu
voru 3 pör dregin út af handahófi og
gaf Kiwanisklúbburinn Esjan þeim
glæsilega flugelda. Þessi pör voru:
Hermann Lárusson – Erlendur
Jónsson, Þorsteinn Joensen – Her-
mann Friðriksson og Birna Stefnis-
dóttir – Aðalsteinn Steinþórsson.
Að lokum þakkar BR spilurum
sem hafa spilað hjá félaginu fyrir
þátttökuna og óskar öllum bridsspil-
urum nær og fjær gleðilegs árs. Um-
sjónarmaður bridgedálksins fær sér-
stakar þakkir fyrir alúðlegt og gott
samstarf á liðnum árum.
Dagskrá BR 2001
BR verður eingöngu með eins-
kvölds tvímenninga á föstudögum
fram að þriðjudeginum 23. janúar en
þá tekur við reglubundin starfsemi
hjá félaginu, það er spilamennska á
þriðjudögum, fimmtudögum og
föstudögum. Dagskrá hvers dags
verður auglýst seinna en á föstu-
dagskvöldum er spilaður tvímenn-
ingur frá 19.00 til 22.45 og þá tekur
við miðnætursveitakeppni fyrir þá
sem vilja bæta við spilamennsku.
Keppnisgjald hjá BR er 700 kr. á
spilara hvert kvöld. Aðalkeppnis-
stjóri félagsins er Sveinn R. Eiríks-
son og honum til aðstoðar er Sigur-
björn Haraldsson.
Reykjavíkurmótið í
sveitakeppni 2001
Reykjavíkurmótið í sveitakeppni
2001 fer fram dagana 9.–23. janúar.
Spilaðir verða 16 spila leikir nema að
þátttaka verði of mikil til að leyfa
þann fjölda spila. Spilað verður með
forgefnum spilum og verður árangur
hvers pars metinn í fjölsveitaút-
reikningi.
Keppnisdagar miðað við 24 sveitir
(23 umferðir).
9. janúar umf. 1–2
10. janúar umf. 3–4
13. janúar umf. 5–8
14. janúar umf. 9–12
16. janúar umf. 13–14
17. janúar umf. 15–16
20. janúar umf. 17–20
21. janúar umf. 21–23
Niðurröðun leikdaga gæti riðlast
ef þátttaka verður minni eða meiri
en gert er ráð fyrir.
Skráningarfrestur er til 17:00
mánudaginn 8. janúar.
Dregið verður í töfluröð kl. 18:00
sama dag.
13 efstu sveitirnar úr Reykjavík
öðlast rétt til að spila í undankeppni
Íslandsmótsins í sveitakeppni 2001.
Keppnisgjald er 24.000 kr. á sveit.
Tekið er við skráningu á skrifstofu
BSÍ, s. 587 9360, eða í tölvupósti,
bridge@bridge.is. Skráningu verða
að fylgja nöfn fjögurra spilara í
sveitinni.
Heimasíða mótsins er www.is
landia.is/svenni.
Ásmundur Pálsson og Ljósbrá Baldursdóttir sigruðu á minningarmótinu um Hörð Þórðarson. Með þeim eru
Jens Þórðarson, sonarsonur Harðar, og Björn Eysteinsson en þeir afhentu verðlaunin í mótslok. Í bakgrunni er
mynd af Herði Þórðarsyni.
Ásmundur og Ljósbrá
unnu minningarmótið
um Hörð Þórðarson
BRIDS
U m s j ó n A r n ó r G .
R a g n a r s s o n
NOKKUR fjarskiptafyrirtæki hafa
náð samkomulagi um svokallaða
heimtaugaleigu, eða leigu á símalín-
um af Landssíma Íslands hf, en sam-
komulagið ætti að auka samkeppni á
fjarskiptamarkaðnum. Gústav Arnar,
forstöðumaður Póst- og fjarskipta-
stofnunar, sagði að samningurinn
hefði það í för með sér að fjarskipta-
fyrirtæki, sem væru með talsíma-
þjónustu eða gagnaflutningsþjón-
ustu, gætu leigt heimtaugar af
Landssímanum í stað þess að leggja
þær sjálf. Heimtaugar kallast kopar-
símalínurnar sem tengja notendur
við næstu símstöð.
„Nýju fyrirtækin á markaðnum
geta núna frekar boðið símnotendum
þjónustu en áður,“ sagði Gústav og
bætti því við að litið væri á heim-
taugaleigu sem mikilvægan áfanga í
að koma á samkeppni á fjarskipta-
markaðnum og jafna aðstöðumun
fyrirtækja.
Gústav sagði að Póst- og fjar-
skiptastofnun hefði í ágúst komið á
vinnuhóp sem með þátttöku fjar-
skiptafyrirtækja hefði unnið að gerð
verklagsreglna fyrir heimtaugaleigu.
Þau fyrirtæki sem hafa skrifað undir
samkomulagið eru Landssími Ís-
lands hf., Íslandssími hf., Hringiðan
ehf. ásamt Póst- og fjarskiptastofn-
un.
Þjóðhagslega óhagkvæmt að
allir leggi símalínur
Hingað til hafa nýju fyrirtækin á
markaðnum þurft að leggja sjálf nýj-
ar símalínur til þeirra notenda sem
hafa viljað skipta við þau en það hefur
bæði verið kostnaðarsamt og tíma-
frekt. Gústav sagði að það væri einn-
ig mjög þjóðhagslega óhagkvæmt því
Landssíminn hefði í gegnum árin lagt
slíkar línur um borg og bæi. Nú gætu
fyrirtækin einfaldlega samið um af-
not af þeim línum sem fyrir væru.
Verklagsreglurnar gera jafnframt
ráð fyrir að Landssíminn leigi fjar-
skiptafyrirtækjunum aðstöðu fyrir
símabúnað þeirra í símstöðvum þar
sem því verður við komið en að öðr-
um kosti koma fjarskiptafyrirtækin
sér fyrir í nágrenni símstöðvar.
Viðskiptin ganga því þannig fyrir
sig að símnotendur gera samning við
fjarskiptafyrirtæki um þá þjónustu
sem þeir vilja þiggja hjá fyrirtækinu
og það sendir umsókn um leigu á
heimtaug símnotandans til Lands-
síma Íslands. Afhending heimtaugar
skal eiga sér stað eigi síðar en 20 dög-
um eftir móttöku umsóknar fjar-
skiptafyrirtækisins. Þess ber að geta
að öðrum fjarskiptafyrirtækjum er
heimill aðgangur að samkomulaginu.
Fjarskiptafyrirtæki semja um leigu
á símalínum af Landssíma Íslands
Samkeppni á
fjarskiptamark-
aðnum aukin