Morgunblaðið - 08.02.2001, Blaðsíða 20

TIL VINSTRI
Á GRÆNU
í Reykjavík
Ráðstefna um borgarmál á vegum
Vinstrihreyfingarinnar – græns framboðs í Reykjavík
haldin laugardaginn 10. febrúar 2001 kl. 10.30 - 18.00
Fundarstaður:
Rúgbrauðsgerðin, Borgartúni 6, Reykjavík
Dagskrá:
10.30 – Setning
Sigríður Stefánsdóttir
réttarfélagsfræðingur, formaður VGR
10.45 – Umhverfi
Óskar Dýrmundur Ólafsson
forstöðumaður
11.45 – Lýðræði
Birna Þórðardóttir
blaðamaður
12.45 – Hádegisverður
13.30 – Jafnræði
Ögmundur Jónasson
alþingismaður
14.30 – Betri borg - framtíðarsýn
Kolbrún Halldórsdóttir
alþingismaður
14.45 – Almennar umræður
16.30 – Samantekt
Kolbeinn Óttarsson Proppé
sagnfræðingur
16.45 – Ráðstefnuslit
Tryggvi Friðjónsson
framkvæmdastjóri
17.00-18.00 – Veitingar í boði VGR
Ráðstefnan er öllum opin
NEYTENDUR
EYMUNDUR Magnússon, bóndi og
eigandi fyrirtækisins Móðir Jörð í
Vallanesi, stendur í vikunni fyrir
kynningu á íslensku lífrænt ræktuðu
byggi. Fyrirtækið er það eina hér-
lendis sem framleiðir íslenskt lífrænt
ræktað bygg að sögn Eymundar.
Ástæða kynningarinnar er að fylgja
eftir nýútkomnum bæklingi um líf-
rænt ræktað byggmjöl, bankabygg
og grænmeti og að kynna afurðirnar
betur fyrir landsmönnum.
Framleiðsla á íslensku lífrænt
ræktuðu byggi hófst fyrir nokkrum
árum. „Ég hef í gegnum árin verið að
kynna bygg sem bakstursefni en það
er fyrst núna sem við færum okkur á
hrísgrjónamarkaðinn. Hin íslensku
hrísgrjón nefnast bankabygg og er
um nýjan valkost að ræða fyrir lands-
menn.“
Bygg er töluvert hollara en hrís-
grjón, sér í lagi vegna góðra trefja, en
rannsóknir sýna að þorri Íslendinga
borðar ekki nóg af trefjum, að sögn
Eymundar. „Í byggi eru vatnsleys-
anlegar trefjar sem koma í veg fyrir
kólesterólmyndun í lifur og blóði og
einnig óleysanlegar trefjar sem eru
góðar fyrir ristilinn. Þá er meira pró-
tein í byggi en í hrísgrjónum.
Bygg hefur góð áhrif á magann og
er gott fyrir viðkvæma meltingu
vegna þeirra eiginleika byggsins að
vera bæði mýkjandi og græðandi.“
Á kynningunni sem nú stendur yf-
ir í nokkrum verslunum í Reykjavík
og nágrannasveitarfélögum gefst
kostur á að bragða á nokkrum upp-
skriftum í nýja bæklingnum sem
fæst ókeypis meðal annars í Heilsu-
húsinu á Skólavörðustíg og í Kringl-
unni, Blómavali og Yggdrasli.
Í bæklingum er einnig að finna
umfjöllun um lífrænt ræktaðar rófur
og grænkál en að mati Eymundar er
mjög lítil grænkálsneysla á Íslandi sé
miðað við hollustu. „Rófuneysla er að
minnka því fólk lifir sífellt hraðar og
kýs því skyndifæðið fram yfir holl-
ustuna. Með útgáfu bæklingsins er
ég í raun að hvetja fólk til að borða
staðgóðan mat.“
Eymundur verður í Heilsuhúsinu á
Skólavörðustíg í dag og í Heilsuhús-
inu í Kringlunni á morgun, föstudag.
Bygg Rósa
300 g (4 dl) bankabygg
2–3 blaðlaukar (púrra)
250 g sveppir
200 g sólþurrkaðir tómatar í olíu
4 msk. (1 búnt) söxuð steinselja
50 g rifinn parmesanostur
½ grænmetisteningur
Bankabyggið er skolað vel í volgu
vatni og síðan er það soðið með ten-
ingi við lágan hita í 45 til 50 mínútur í
rúmlega 1 l af vatni. Blaðlaukurinn er
skorinn í þunnar sneiðar og steiktur í
olíu við lágan hita. Sveppirnir eru
skornir í þunnan sneiðar og steiktir í
smjöri (og olíu) þar til þeir eru vel
þurrir. Þessu er blandað saman við
byggið ásamt steinseljunni, smátt
skornum tómötum og parmesanost-
inum.
Borið fram heitt eða kalt, sem að-
alréttur eða meðlæti. Uppskriftin er
fyrir 4.
Íslenskt bankabygg
í stað hrísgrjóna
Morgunblaði/Þorkell
Ein af ástæðum kynningarinnar er að fylgja eftir nýútkomnum bæklingi
um lífrænt ræktað byggmjöl, bankabygg og grænmeti.
Verslunin Svalbarði
Framnesvegi 44
Sérverslun með íslenskt góðmeti
Mikið úrval af harðfiski og hákarli. Saltfiskur, flattur og flök,
sólþurrkaður, útvatnaður, mareneraður.
Saltfiskrúllur og saltfiskbollur. Plokkfiskur.
Orðsending til þorrablótsnefnda:
Eigum harðfisk og hákarl í þorratrogin og útbúum einnig
þorrabakka.
Sendum um land allt.
Pantanasími: 562 2738, fax 562 2718
LIÐ-A-MÓT
FRÁ
APÓTEKIN
Tvöfalt sterkara
G
æ
ð
as
ti
m
p
ill
Hollustuvernd ríkisins og Heil-
brigðiseftirlit Reykjavíkur hafa
fyrirskipað innköllun úr versl-
unum á niðursoðnu spaghettí í
tómatsósu frá Heinz.
Hollustuvernd ríkisins barst
tilkynning frá Bretlandi í gegn-
um viðvörunarkerfið RASFF
(Rapid Alert System For Food)
um fyrrgreinda vöru. Sam-
kvæmt tilkynningunni greind-
ist hátt magn af tini í vörunni,
eða að meðaltali 292 mg/kg en
hámarksgildi tins í matvælum
er 150 mg/kg skv. reglugerð nr.
837/2000 um aðskotaefni í mat-
vælum. Neysla vörunnar getur
hugsanlega valdið óþægindum
eins og þreytu, höfuðverk, nið-
urgangi, ógleði eða uppköstum.
Áhrif eru þó ekki talin geta ver-
ið langvarandi né skaðleg.
Hollustuvernd ríkisins og
Heilbrigðiseftirlit Reykjavíkur
vilja beina því til almennings að
neyta ekki áðurnefndrar vöru í
dósum merktum MSLD (hluti
af lotunúmeri, á botni dósarinn-
ar) og skila þeim til verslunar-
innar þar sem varan var keypt.
Nánari upplýsingar veita
Hollustuvernd ríkisins og Heil-
brigðiseftirlit sveitarfélaganna.
Niðursoðið
Heinz spag-
hettí inn-
kallað
Útsala Útsala
Pipar & salt, Klapparstíg 44
20 FIMMTUDAGUR 8. FEBRÚAR 2001 MORGUNBLAÐIÐ