Morgunblaðið - 08.02.2001, Page 28

ERLENT
28 FIMMTUDAGUR 8. FEBRÚAR 2001 MORGUNBLAÐIÐ
AL GORE, fyrrverandi varaforseti
Bandaríkjanna, sem varð að lúta í
lægra haldi fyrir George W. Bush í
forsetakosningunum, hefur snúið
sér aftur að blaðamennskunni en
hana lagði hann á hilluna þegar
hann hóf afskipti af stjórnmálum.
Hann situr þó ekki við fréttaskrif,
heldur er hann gestaprófessor við
Columbia-háskólann í New York.
Þar mun hann flytja allt að átta fyr-
irlestra á námskeiði, sem hann kall-
ar „að flytja fréttir af landsmálum á
upplýsingaöld“. Var fyrsti fyrirlest-
urinn í fyrradag og var lokaður
fréttamönnum. Gore var á árum áð-
ur blaðamaður á dagblaðinu The
Tennessean í Nashville í Tennessee.
Hér er hann að ræða við frétta-
menn áður en hann gengur í salinn
en fyrir aftan hann er dóttir hans,
Karenna Gore Schiff.
AP
Prófessor Gore
BILL Clinton og Al Gore höfðu
varla talast við í heilt ár þegar þeir
komu loks saman í Hvíta húsinu
nokkrum dögum eftir að varaforset-
inn fyrrverandi beið ósigur í for-
setakosningunum í nóvember. Að
sögn samstarfsmanna þeirra voru
þeir mjög hreinskilnir á fundinum
og kenndu hvor öðrum um ósigur
Gore í kosningunum.
Gore er sagður hafa sagt Clinton
að hneykslismál forsetans fyrrver-
andi og vanþóknun kjósenda á
hegðun hans í einkalífinu hefðu orð-
ið honum til mikilla trafala í kosn-
ingabaráttunni. Samstarfsmenn
Clintons segja að hann hafi í fyrstu
orðið hissa á hvassri gagnrýni Gore
en síðan svarað fullum hálsi og sagt
að Gore gæti sjálfum sér um kennt
því hann hefði ekki lagt næga
áherslu á árangur Clinton-stjórnar-
innar í efnahagsmálum og fleiri
málum.
Clinton og Gore voru mjög nánir
fyrstu ár þeirra í Hvíta húsinu en
samband þeirra hafði versnað mjög
þegar kosningabaráttan hófst.
Nokkrir af ráðgjöfum Demókrata-
flokksins segja að vilji Gore gefa
kost á sér í næstu forsetakosning-
um þurfi hann að leita sátta við
Clinton sem sé enn mjög áhrifamik-
ill í flokknum þrátt fyrir ýmis
glappaskot hans og vafasamar
ákvarðanir áður en hann lét af emb-
ætti.
Heimildarmenn The Washington
Post eru sammála um að samtal
Clintons og Gore í Hvíta húsinu hafi
einkennst af mikilli spennu. Einn af
ráðgjöfum Gore lýsti samtalinu sem
„geðhreinsun“ og demókrati, sem
hefur haft náið samstarf við þá
báða, sagði að það hefði verið
„mjög, mjög hispurslaust“.
Gore vildi „fá útrás fyrir
tilfinningar sínar“
Heimildarmennirnir eru hins
vegar ekki á einu máli um niður-
stöðu fundarins. Nokkrir þeirra
segja að fundurinn hafi í raun stað-
fest að samband þeirra hafi beðið
óbætanlegan skaða í hneykslismál-
inu, sem kennt er við Monicu Lew-
insky, þegar Clinton var staðinn að
því að segja Gore og allri banda-
rísku þjóðinni ósatt. Einn demó-
kratanna sagði að Gore, sem óskaði
eftir fundinum, hefði virst „ákafur í
að fá útrás fyrir tilfinningar sínar“.
Aðrir sögðu að samtalið hefði ver-
ið mjög gagnlegt, þar sem það hefði
„hreinsað andrúmsloftið“.
Gore og Clinton hafa ræðst við
nokkrum sinnum eftir þennan fund
og samstarfsmenn þeirra segja að
þær samræður hafi verið kurteis-
legar.
Samstarfsmenn Clintons segja að
of mikið hafi verið gert úr því að
honum hafi gramist það að Gore
skyldi ekki hafa óskað eftir aðstoð
hans í kosningabaráttunni. Clinton
hefði ekki búist við því að gegna
mikilvægu hlutverki í kosningabar-
áttunni en hann hefði þó viljað fara
til nokkurra mikilvægra ríkja síð-
ustu dagana fyrir kosningarnar til
að styrkja stöðu varaforsetans fyrr-
verandi. Clinton hefði hins vegar
gramist að Gore skyldi ekki hafa
viljað leggja meiri áherslu á árang-
ur þeirra í ýmsum málum, meðal
annars öflugan efnahag Bandaríkj-
anna á valdatíma þeirra.
Clinton og Gore sagðir hafa deilt eftir kosningarnar
Kenndu hvor öðrum
um ósigur Gore
The Washington Post.
ALFRED Sirven, lykilmaðurinn í
spillingarmáli því sem kennt er við
franska olíufyrirtækið Elf, hyggst
kæra þjófnað á persónulegum mun-
um – persónulegri símaskrá sinni þar
á meðal – úr bústað sínum á Filipps-
eyjum þar sem hann hafði dulizt síð-
ustu misserin. Greindi verjandi hans
frá þessu í gær.
Tvö frönsk blöð – dagblaðið Le
Parisien og vikuritið Paris Match –
höfðu í gær komizt yfir nafnalistann
úr einkasímaskrá Sirvens en á honum
eru sögð vera um 200 nöfn þekktra
Frakka – stjórnmálamanna, kaup-
sýslumanna, embættismanna og
fleira fólks, bæði sem hefur þegar
verið bendlað við hið umfangsmikla
hneykslismál og sem ekki hefur
heyrzt nefnt í þessu samhengi fram
að þessu. Þótt listinn sem slíkur sanni
ekkert misjafnt um þá sem á honum
standa, gefur hann rannsakendum
málsins fjölda nýrra vísbendinga.
Meðal þekktustu nafnanna á listan-
um eru Charles Pasqua, fv. innanrík-
isráðherra, Hervé de Charette, fv. ut-
anríkisráðherra, og Dominique
Strauss-Kahn, fv. fjármálaráðherra,
sem neyddist til að segja af sér í
tengslum við annað spillingar-
hneyksli í nóvember 1999, að
ógleymdum meðsakborningum Sir-
vens í réttarhaldinu sem frestað var í
gær, þeim Roland Dumas, fv. utanrík-
isráðherra, og fv. ástkonu hans,
Christine Deviers-Joncour. Sjö síma-
númer eru sögð skráð við nafn hennar
í bók Sirvens.
Nöfnin í bókinni spanna að sögn Le
Parisien allt litróf stjórnmálanna í
Frakklandi, frá kommúnistum til
Gaullista. Þar eru bein símanúmer í
forsetahöllina, til borgarstjórnar Par-
ísar, verkalýðsleiðtoga, lögreglu-
manna og leyniþjónustumanna, bæði
franskra og þýzkra.
Sirven var næstæðsti yfirmaður
Elf á tímabilinu 1989–1993 en á þeim
tíma var fyrirtækið í ríkiseigu.
Frönsk stjórnvöld notuðu fyrirtækið
gjarnan sem verkfæri til að verja
franska viðskiptahagsmuni erlendis,
ekki sízt í Afríkulöndum, og Sirven
var sá maður sem stýrði flæði hárra
fjárhæða úr leynilegum sjóðum Elf til
samningamilliliða, stjórnmálamanna
og annarra sem talið var þjóna hags-
munum fyrirtækisins (og Frakk-
lands) að múta.
Einkasímaskrá Alfreds Sirvens
fundin og nafnalistinn birtur
Hyggst kæra
stuld á persónu-
legum munum
París. Reuters, AFP.