Morgunblaðið - 11.02.2001, Page 8

FRÉTTIR
8 SUNNUDAGUR 11. FEBRÚAR 2001 MORGUNBLAÐIÐ
Morgunverðarfundir FKA
Vettvangur
tengsla og fræðslu
Morgunverðarfund-ir hjá Félagikvenna í atvinnu-
rekstri, FKA, verða haldn-
ir á næstunni í Gullteigi á
Grand hóteli í Reykjavík
og hefjast þeir klukkan 8
með morgunverðarhlað-
borði. Inga Sólnes er for-
maður fræðsluráðs FKA
og hún var spurð hvað
fjalla ætti um á fyrirhug-
uðum morgunverðarfund-
um á næstunni.
„Tilgangurinn með
þessum morgunverðar-
fundum, sem hafa fengið
gæluheitið Púltið, er að fá
fyrirlesara til að fjalla um
ákveðin málefni er varða
rekstur og stjórnun fyrir-
tækja og þá með áherslu á
málefni sem brenna helst á
konum og fyrirtækjum kvenna.
Næsti fundur verður haldinn nú á
miðvikudaginn, hinn 14. febrúar, á
fyrrnefndum stað. Þar munu tvær
konur kynna sín fyrirtæki og síð-
an vorum við svo heppnar að fá til
liðs við okkur konu úr atvinnulíf-
inu, Margréti Guðmundsdóttur,
framkvæmdastjóra markaðssviðs
hjá Skeljungi. Erindi Margrétar
ber heitið: „Gleðin við að vera
stjórnandi“, og mun hún fjalla vítt
og breitt um stjórnun, samspil yf-
irmanna og undirmanna og um
hvatningu og umbun.“
– Hve oft er FKA með morg-
unverðarfundi?
„Einu sinni í mánuði yfir vetr-
artímann, þannig að miðvikudag-
inn 14. mars mun Charlotte Sig-
urðardóttir, MBA-ráðgjafi hjá
IMPRU, fjalla um möguleika
kvenna til þess að sækja sér fag-
lega ráðgjöf og þá hvað þær þurfa
helst að leita ráða um. Charlotte
mun einnig ræða um tengslanet
kvenna og segja frá ráðstefnu um
nettengslaviðskipti sem hún sótti í
París sl. haust. Hinn 4. apríl nk.
höfum við svo fengið til að halda
erindi Árelíu Eydísi Guðmunds-
dóttur, vinnumarkaðsfræðing og
lektor við Háskólann í Reykjavík,
og mun hún fjalla um starfs-
mannamálin; mannauðinn og
starfsmannatryggð. Eins og fyrr
hefur komið fram eru „Púltin“
haldin á Grand hóteli í Reykjavík
og vonumst við til að sjá sem flest-
ar konur, utan félags sem innan.“
– Hvenær var Félag kvenna í
atvinnurekstri stofnað?
„FKA var stofnað af tæplega
300 konum hinn 9. apríl 1999, með
stuðningi iðnaðar- og viðskipta-
ráðuneyta. Félagskonur eru í dag
um 500. Þær eiga allar og reka
eigið fyrirtæki, einar eða með öðr-
um, á öllum sviðum atvinnulífsins.
Meðal verkefna félagsins er að
standa að fræðslustarfsemi, nám-
skeiðahaldi og miðlun upplýsinga.
Fyrirhugað er að gefa út frétta-
bréf tvisvar á ári, m.a. með efni frá
félagskonum. Einnig að stuðla að
kynnum félagskvenna innbyrðis
eins og við munum gera m.a. á
þessum morgunverðarfundum og
gefa konum kost á að kynna fyr-
irtæki sín á þessum vettvangi og
koma sér á framfæri,
að minnsta kosti á með-
al félagskvenna.“
– Var mikil nauðsyn
á stofnun svona félags?
„Ein af forsendunum
fyrir starfsemi FKA er
að starfskraftar kvenna, sem
sjálfstæðra atvinnurekenda, eru
vannýtt auðlind fyrir efnahagslífið
og er markmið félagsins að efla
samstöðu og samstarf kvenna sem
stunda atvinnurekstur með það
fyrir augum að efla og fjölga fyr-
irtækjum kvenna.“
– Fer konum í atvinnurekstri
mjög fjölgandi nú?
„Já, og það virðist vera tilhneig-
ing hér á Vesturlöndum og í
Bandaríkjunum að mest fjölgun í
stofnun og rekstri smáfyrirtækja
sé meðal kvenna. Þeim er því
greinilega að vaxa ásmegin í at-
vinnulífinu.“
– Eru fyrirtæki kvenna öðruvísi
rekin en fyrirtæki sem karlar
stjórna?
„Sagt er að konur séu að mörgu
leyti varkárari og fari sér hægar,
t.d. varðandi lántökur, og þær
taka síður mikla áhættu. Þetta
þýðir jafnframt að fyrirtæki
kvenna fara síður „á hausinn“, en
að sama skapi skortir oft kjark og
áræði hjá konum við að færa út
kvíarnar. Þetta er bæði gott og
vont, en fyrirtæki kvenna eru oft
vel og samviskusamlega rekin.“
– Fara of fáar konur í viðskipta-
tengt nám?
„Það virðist ekki vera, það
merkilega er að konur eru fjöl-
mennari, bæði í viðskiptadeild HÍ
og Háskólanum í Reykjavík, en
það virðist sem þær fái síður
„toppstöður“ innan fyrirtækja og
fari þar af leiðandi frekar út í eigin
rekstur.“
– Hvers konar rekstur?
„Konur stofna gjarnan og reka
þjónustufyrirtæki af ýmsu tagi,
svo og ráðgjafarfyrirtæki. Þær
eru síður í mjög áhættusömum
rekstri, samanber um-
ræðuna um varkárni
þeirra hér áður.“
– Hvernig fá konur
meiri kjark?
„Kannski er þetta
styrkur kvenna en ekki
veikleiki.“
– Hvernig geta konur náð meiri
völdum í viðskiptalífi landsins?
„Ein leiðin virðist vera sú
stofna eigin fyrirtæki og jafnvel
að efla meira tengslin kvenna á
milli eins og karlar hafa gert frá
ómunatíð. Þeir halda vel saman og
það viljum við gera líka, m.a. með
stofnun okkar ágæta félags.
Inga Sólnes

Inga Sólnes fæddist á Ak-
ureyri 1951 og ólst þar upp. Hún
varð stúdent frá Menntaskól-
anum á Akureyri 1971, tók BA-
próf í dönsku og frönsku frá Há-
skóla Íslands 1975 og BA-próf í
félagsvísindum frá Kingston
University í London 1978. Hún
tók uppeldis- og kennslufræði til
kennsluréttinda frá HÍ. Kenndi
m.a. í Fjölbrautaskólanum í
Breiðholti og á starfsfræðslu-
námskeiðum hjá Iðntæknistofn-
un. Hún hefur einnig starfað við
ferðamál og verið leiðsögumað-
ur. Nú rekur hún eigið ferða-
þjónustufyrirtæki, Gesta-
móttökuna hf. Inga er gift Jóni
Sigurjónssyni, viðskiptafræðingi
hjá Landsbanka Íslands, og eiga
þau þrjá syni.
Æ fleiri konur
stofna og
reka eigin
fyrirtæki
Það hefur eitthvað ruglast flokkunin í þennan poka ef þetta á að heita lamb, Guðni minn.
STÚDENTARÁÐ Háskóla Íslands
hefur veitt fyrstu netverðlaun
kennara og hlaut Ágúst Kvaran,
prófessor í eðlisefnafræði, verð-
launin fyrir að halda úti vefsíðu
sem nýtist nemendum hans vel í
námi. Á vefsíðunni má m.a. finna
ítarlegar námskeiðalýsingar, efnis-
yfirferðir, verkefni, gagnabanka og
upplýsingar um rannsóknir og
framhaldsnám, auk áhugaverðra
slóða er tengjast fræðasviðinu.
Í fréttatilkynningu frá SHÍ segir
að stúdentaráð hafi lagt mikla
áherslu á að kennarar tileinki sér
Netið í auknum mæli við kennslu,
enda geti kennsla orðið skilvirkari
með skipulegri notkun Netsins og
þá um leið unnist svigrúm til að
auka fræðilegar umræður í tímum.
Í gær var einnig opnaður stúd-
entavefurinn www.student.is. Á
vefnum verður að finna allar helstu
upplýsingar af vettvangi stúdenta-
ráðs, fréttir úr Stúdentablaðinu og
frá deildarfélögunum.
Morgunblaðið/Golli
Ágúst Kvaran, prófessor í eðlisefnafræði við HÍ, tekur við netverðlaun-
um kennara úr hendi Dagnýjar Jónsdóttur, formanns menntamála-
nefndar SHÍ. Á milli þeirra stendur Björn G. Birgisson frá Nýherja.
Stúdentaráð veitir netverðlaun
Kannaðir
verði kostir
stjórnlaga-
dómstóls
ÞINGFLOKKUR Vinstri hreyfing-
arinnar – græns framboðs hefur lagt
fram tillögu til þingsályktunar um að
kanna kosti þess að koma á fót stjórn-
lagadómstól eða stjórnlagaráði hér á
landi. Er gerð tillaga um skipun
nefndar sem í verði fulltrúar allra
þingflokka, auk formanns sem dóms-
málaráðherra skipar án tilnefningar.
Í greinargerð sem fylgir tillögunni,
segir að af og til hafi komið upp um-
ræða um það hér á landi hvort þörf sé
á úrskurðarvaldi um það hvort lög
eða lagafrumvörp standist stjórnar-
skrá og hvernig því verði best fyrir
komið. Slíkt úrskurðarvald þekkist í
nokkrum myndum og megi þar nefna
til sögunnar sérstakan stjórnlaga-
dómstól, sjálfstætt stjórnlagaráð og
lagaráð sem starfar á vegum löggjaf-
ans. Hins vegar hafi stjórnskipan Ís-
lands ekki verið nægilega sterk að því
leyti að engu slíku sé til að dreifa og
því hafi þessi mál verið á verksviði
Hæstaréttar.
Breytingatillögur við lög um
Hæstarétt lagðar fram
Þá hafa tvö lagafrumvörp verið
lögð fram á Alþingi af þingmönnum
stjórnarandstöðunnar sem báðum er
ætlað að breyta lögum um dómstóla
og varða bæði Hæstarétt. Hið fyrra
er lagt fram af sjö þingmönnum Sam-
fylkingarinnar og samkvæmt því eru
dómarar við Hæstarétt skipaðir
ótímabundið samkvæmt tilnefningu
forsætisráðherra að fengnu sam-
þykki 2/3 hluta atkvæða á Alþingi. Í
dag gerir dómsmálaráðherra tillögu
um hæstaréttardómara.
Hitt frumvarpið er lagt fram af
þingflokki Vinstri grænna og fjallar
einnig um skipun dómara við Hæsta-
rétt. Samkvæmt því er tillaga dóms-
málaráðherra um nýjan dómara lögð
fram á Alþingi og þurfa tveir þriðju
hlutar þingmanna sem taka þátt í
leynilegri atkvæðagreiðslu um tillög-
una að samþykkja hana til að hún nái
fram að ganga. Sé samþykkis synjað,
skal dómsmálaráðherra leggja fyrir
nýja tillögu og sé samþykkis enn
synjað, hafa um málið samráð við
þingflokka.