Morgunblaðið - 27.06.2001, Qupperneq 19

ÚR VERINU
MORGUNBLAÐIÐ MIÐVIKUDAGUR 27. JÚNÍ 2001 19
ÞAÐ var sannarlega happadrátt-
ur hjá skipverjum á netabátnum
Margréti AK frá Grindavík á
dögunum en þá fengu þeir þessa
myndarlegu lúðu í netin undan
Staðarbergi. Lúðan vó hvorki
meira né minna en 100 kíló og
fengust fyrir hana um 65 þúsund
krónur á fiskmarkaði. Ágætis bú-
bót það! Þeir félagar fá þó nokk-
uð af lúðu í netin þótt flestar séu
þær mun smærri. Þó fékkst ein
60 kílóa þung ekki alls fyrir
löngu.
Á myndinni eru þeir Sigurður
Hafsteinn Guðfinnsson, Daníel
Þorgeirsson og Ingi Sturlaugsson
kampakátir með flykkið.
Ljósmynd/Stefán Jónsson
Ágætis búbót!
HUGINN VE, nýtt nóta- og tog-
veiðiskip Hugins ehf. í Vestmanna-
eyjum, tók olíu í St. John’s í Kanada
um helgina og hélt þaðan á sunnu-
dagsmorgun. Skipið er nú á leiðinni
til Íslands frá Chile þar sem það var
smíðað. Skipið er væntanlegt til
heimahafnar í Vestmannaeyjum á
föstudagsmorgun. Skipið hefur nú
lagt að baki rúmlega 6.000 sjómílna
siglingu frá því að það lagði af stað
frá Chile þann 3. júní sl. Ómar
Steinsson, stýrimaður, segir sigl-
inguna sækjast vel og samkvæmt
áætlun. „Lífið um borð er mun
bærilegra eftir að við komum svona
norðarlega því þá kólnaði snögg-
lega. Það var ansi erfið vistin um
borð þegar við sigldum í gegnum
Panamaskurðinn og í Karabíska
hafinu en þá fór hitinn vel yfir 40
gráður og rakinn var nánast óbæri-
legur.“
Ómar segir að í Vestmannaeyjum
verði þegar hafist handa við að
koma skipinu til veiða og því verði
það komið á loðnu- eða kolmunna-
veiðar áður en langt um líður.
Ljósmynd/Grímur Gíslason
Áhöfnin á Hugin fagnar því að vera komin yfir miðbaug. Fv. Grímur
Magnússon, Gylfi Viðar Guðmundsson, Ómar Steinsson, Grímur Gísla-
son, Guðmundur Ingi Guðmundsson, Guðmundur Huginn Guðmunds-
son, Guðjón Sveinsson, Willum Andersen og Páll Grétarsson.
Sækist vel
AFLAHEIMILDIR í nokkrum fiski-
stofnum við Nýja Sjáland verða
skornar niður um allt að 20% til að
vernda stofnana eftir mikla ofveiði á
9. áratugnum. Sjávarútvegurinn í
landinu hefur nú varið nærri fjórum
milljörðum króna í rannsóknir og
uppbyggingu stofnanna.
Nýsjálendingar stjórna nýtingu
auðlinda hafsins með kvótakerfi, líkt
og gert er á Íslandi. Áform um nið-
urskurð aflaheimilda verða rædd inn-
an fiskiðnaðarins áður en endanlegar
ákvarðanir um heildarafla verða
teknar. Hokinhali (hoki) er mikilvæg-
asta tegundin, bæði hvað snertir
magn og verðmæti, og hefur sjávarút-
vegsráðherra landsins, Pete Hodg-
son, sagt að hann sætti sig við um allt
að 50 þúsund tonna niðurskurð af um
200 þúsund tonna heildarkvóta í hok-
inhala. Það myndi hinsvegar hafa
veruleg áhrif á fiskiðnaðinn í landinu.
Niðurskurðurinn hefði einnig í för
með sér að færri erlend skip stund-
uðu hokinhalaveiðar við Nýja Sjáland
en innan greinarinnar búast menn við
að skipin verði í staðinn notuð til veiða
á öðrum tegundum, svo sem smokk-
fiski og makríl.
Kvótinn skertur