Morgunblaðið - 03.07.2001, Blaðsíða 1

148. TBL. 89. ÁRG. ÞRIÐJUDAGUR 3. JÚLÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 3. JÚLÍ 2001
SLOBODAN Milosevic, fyrrverandi
forseti Júgóslavíu, ráðfærði sig í gær
við tvo lögfræðinga sína og á að
koma fyrir stríðsglæpadómstól Sam-
einuðu þjóðanna í Haag í dag. Hann
verður þá ákærður formlega fyrir
stríðsglæpi í Kosovo og er þetta í
fyrsta sinn sem alþjóðlegur dómstóll
lögsækir fyrrverandi þjóðhöfðingja.
Óljóst var í gær hvort Milosevic
hygðist svara ákæruatriðunum eða
hvort hann myndi jafnvel neita að
mæta fyrir réttinn. Neiti hann að
lýsa sig sekan eða saklausan af
ákærunum innan mánaðar verður
litið svo á að hann haldi fram sak-
leysi sínu. Einn lögmanna hans,
Zdenko Tomanovic, staðfesti í gær-
kvöldi að Milosevic myndi ekki hafa
lögmann sér við hlið er hann kæmi
fyrir dómstólinn í dag.
Um 15.000 stuðningsmenn Milose-
vic söfnuðust saman við júgóslav-
neska þinghúsið í miðborg Belgrad í
gær til að mótmæla framsali hans til
dómstólsins í Haag. Eru þetta fjöl-
mennustu mótmælin í borginni frá
því að Milosevic var framseldur í vik-
unni sem leið.
Pútín gagnrýnir framsalið
Vladimír Pútín Rússlandsforseti
gagnrýndi framsalið í gær og sagði
það hafa orðið til þess að júgóslav-
neska sambandsríkið væri nú „að
hruni komið“. Jacques Chirac
Frakklandsforseti, sem var í heim-
sókn í Moskvu, fagnaði hins vegar
framsalinu og lýsti því sem „sigri
laga á ofbeldi, lýðræðis á alræði“.
Rússnesk stjórnvöld hafa sakað
stríðsglæpadómstólinn um hlut-
drægni og studdu Milosevic þar til
hann beið ósigur fyrir Vojislav Kost-
unica í forsetakosningunum í fyrra.
Nokkrir atkvæðamiklir þingmenn í
Rússlandi hafa sagt að Bandaríkja-
menn og fleiri NATO-ríki standi á
bak við ákæruna til að réttlæta
sprengjuárásirnar á Júgóslavíu fyrir
tveimur árum.
Bandaríski lögfræðingurinn
Ramsey Clark, sem var dómsmála-
ráðherra Bandaríkjanna í forsetatíð
Lyndons B. Johnsons, bauðst í gær
til að aðstoða verjendur Milosevic.
Clark hefur gagnrýnt sprengjuárás-
ir Atlantshafsbandalagsins á Júgó-
slavíu og segir að Bandaríkin hafi
knúið Sameinuðu þjóðirnar til að
lögsækja Milosevic.
Reuters
Stuðningsmenn Milosevic mótmæla framsali hans til stríðsglæpadómstólsins við þinghús Júgóslavíu í Belgrad.
Haag. AP, AFP.

Talinn ætla/21
Milosevic ákærður form-
lega fyrir stríðsglæpi
SAMTÖK olíuframleiðsluríkja,
OPEC, hafa áhyggjur af því að
„hrun“ verði á olíuverði vegna
minnkandi eftirspurnar á
heimsmarkaði og mikilla
birgða, að því er forseti sam-
takanna, Chakib Khelil, sagði í
gær.
Ellefu ríki eru í samtökunum
og hefst fundur þeirra í dag.
Khelil sagði í gær að nú þegar
væri of mikið framboð af olíu á
markaðinum. „Birgðir safnast
upp, mikill lager, eftirspurn fer
minnkandi, þannig að allir hafa
áhyggjur. Við óttumst að verðið
hrynji,“ sagði hann við frétta-
menn í Vín í gær.
OPEC-ríkin framleiða um
40% af allri hráolíu í heiminum
og talið er að á fundi þeirra
verði ákveðið að framleiðslan
haldist óbreytt.
Reuters
Olíumálaráðherra Sádi-Ar-
abíu, Ali Naimi, ræðir við
fréttamenn í Vín í gær.
Óttast
hrun
olíuverðs
Vín. AFP.
ARIEL Sharon, forsætisráðherra
Ísraels, er hættur við að koma til
Belgíu í væntanlegri heimsókn sinni
til Evrópu og er ástæðan opinber-
lega sögð vera þéttskipuð dagskrá.
En nokkrir embættismenn gáfu í
skyn í gær að Sharon hefði ákveðið
að fara ekki til Belgíu vegna þess að
þar hafa verið uppi áætlanir um að
ákæra hann fyrir stríðsglæpi.
Í síðasta mánuði lögðu eftirlifend-
ur fjöldamorðs, sem bandamenn
Ísraela frömdu á hundruðum palest-
ínskra flóttamanna 1982, fram
ákæru á hendur Sharon við belgísk-
an dómstól. Þegar morðin voru
framin var Sharon varnarmálaráð-
herra Ísraels og stjórnaði innrás
Ísraela í Líbanon.
Sharon heldur í Evrópuför sína á
fimmtudag og átti að fara til Brussel,
en Belgar tóku sl. sunnudag við for-
sæti í Evrópusambandinu. Nú
hyggst Sharon einungis hitta evr-
ópska leiðtoga í Berlín og París. Til-
gangur fararinn-
ar er að afla
Ísraelum stuðn-
ings í deilum
þeirra við Palest-
ínumenn.
Eftirlifendur
fjöldamorðsins
vilja að Sharon
verði ákærður á
forsendum belg-
ískra laga sem heimila málssókn á
hendur leiðtogum – jafnvel þeim sem
nú eru þjóðarleiðtogar – sem sakaðir
hafa verið um stríðsglæpi sem ekki
voru framdir á belgísku yfirráða-
svæði.
Glæpir gegn mannkyninu
Að skipun Sharons 1982 um-
kringdu ísraelskar hersveitir Beirút,
höfuðborg Líbanons, og létu óátalið
að hersveitir kristinna Líbana, sem
voru hliðhollir Ísraelum, færu inn í
flóttamannabúðir þar sem hundruð
óvopnaðra, óbreyttra borgara voru
myrt. Ísraelsk rannsóknarnefnd sem
kannaði málin síðar komst að þeirri
niðurstöðu að Sharon hefði að
nokkru borið ábyrgð á morðunum og
sagði hann af sér ári síðar.
Í heimildakvikmynd sem breska
sjónvarpið, BBC, sýndi í síðasta
mánuði var þáttur Sharons í fjölda-
morðunum kannaður. Var rætt við
sérfræðinga í alþjóðalögum og kváð-
ust þeir telja að grundvöllur væri
fyrir því að ákæra Sharon fyrir
glæpi gegn mannkyninu vegna hlut-
deildar hans að morðunum.
Sharon hættir við
að fara til Belgíu
Jerúsalem. AP.
Ariel Sharon

Ísraelar segja/22
ÆÐSTI talsmaður ríkisstjórnar
Japans sagði í gær að stjórnin kynni
að reyna að fá breytingar samþykkt-
ar á Kyoto-bókuninni til þess að fá
Bandaríkjamenn til að lýsa stuðningi
við hana.
Fylgismenn bókunarinnar, sem
kveður á um umtalsverðan samdrátt
í losun koltvísýrings í andrúmsloftið,
telja að Japansstjórn gegni lykilhlut-
verki í að skera úr um örlög bók-
unarinnar sem Bandaríkjastjórn
hefur hafnað en Evrópuríki eru
fylgjandi.
Japanir hafa boðist til að gerast
sáttasemjarar milli Bandaríkjanna
og Evrópu. Á fyrsta fundi sínum með
George W. Bush Bandaríkjaforseta
stillti forsætisráðherra Japans, Jun-
ichiro Koizumi, sig um að gagnrýna
andstöðu Bush við bókunina. Fór
fundurinn fram í sumarbústað
Bandaríkjaforseta í Camp David um
sl. helgi.
Æðsti talsmaður Japansstjórnar,
Yasuo Fukuda, virtist í gær taka
undir afstöðu forsætisráðherrans og
sagði að það „kæmi til greina“ að
endurskoða bókunina. „Við verðum
að vera raunsæ,“ sagði Fukuda á
fréttamannafundi.
En embættismaður í japanska
umhverfisráðuneytinu hafnaði því
aftur á móti að friðsamleg afstaða
forsætisráðherrans væri til marks
um breytta afstöðu Japans til Kyoto-
bókunarinnar.
Umhverfisráðherra Japans, Yor-
iko Kawaguchi, er eindreginn stuðn-
ingsmaður bókunarinnar og hefur
hún látið í ljósi reiði sína í garð Bush
Bandaríkjaforseta fyrir að reyna að
gera hana að engu. Hefur Bush sagt
bókunina, sem Bandaríkin og mörg
önnur ríki samþykktu á fundi í borg-
inni Kyoto í Japan, „alvarlega gall-
aða“ og ósanngjarna fyrir bandarísk
fyrirtæki.
Japanir leita sátta í loftslagsmálum
Útiloka ekki að
breyta Kyoto
Tókýó. AP.