Morgunblaðið - 03.07.2001, Qupperneq 2

FRÉTTIR
2 ÞRIÐJUDAGUR 3. JÚLÍ 2001 MORGUNBLAÐIÐ
Fylgstu
með
nýjustu
fréttum
www.mbl.isBreytingar hjá úrvalsdeildarliði
Tindastóls/B1
Einar Karl, Óðinn Björn
og Silja á EM/B12
12 SÍÐUR48 SÍÐUR
Sérblöð í dag
Á ÞRIÐJUDÖGUM
SAMNINGANEFNDIR þroska-
þjálfa og ríkisins hittust klukkan 14
í gær hjá ríkissáttasemjara og lauk
fundinum upp úr klukkan 17. Sam-
kvæmt heimildum þokaðist nokkuð
í samkomulagsátt í gær og hefur
annar fundur verið boðaður með
deiluaðilum í dag klukkan 13.15.
Ástand er víða slæmt vegna
verkfalls þroskaþjálfa hjá ríkinu og
öðrum stofnunum sem sinna þjón-
ustu við fatlaða, að sögn Guðnýjar
Stefánsdóttur, talsmanns Þroska-
þjálfafélags Íslands. Hún segir að
félagið hafi fengið átta beiðnir um
undanþágur frá verkfalli þroska-
þjálfa sem starfa hjá ríkinu. Hefur
félagið fallist á þær beiðnir þannig
að hægt sé að sinna brýnustu neyð-
arþjónustu.
Að sögn Guðnýjar hefur í beiðn-
unum m.a. verið óskað eftir því að
þroskaþjálfar sinni neyðarþjónustu
við skammtímavistanir, heimili fyrir
börn, barna- og unglingageðdeild,
sambýli og sjálfstæða búsetu. „Við
höfum orðið við þessum beiðnum,“
segir hún og hafa því a.m.k. níu
þroskaþjálfar snúið úr verkfalli til
að sinna brýnustu neyðarþjónustu
við ofangreind þjónustuúrræði.
Að sögn Guðnýjar hefur einnig
verið óskað eftir undanþágum fyrir
þroskaþjálfa sem starfa hjá Styrkt-
arfélagi vangefinna en þar hefur
verkfall staðið yfir frá 15. júní. „Við
höfum þó ekki orðið við þeim beiðn-
um,“ segir hún.
Um 130 þroskaþjálfar hjá ríkinu
og öðrum stofnunum sem sinna
þjónustu við fatlaða eru nú í verk-
falli.
Kjaradeilur þroska-
þjálfa og ríkisins
Þokaðist
í sam-
komu-
lagsátt
HÉRAÐSDÓMUR Reykjavíkur
hafnaði í gær frávísunarkröfu ís-
lenska ríkisins í máli sem Alþýðu-
samband Íslands hefur höfðað á
hendur ríkinu vegna lagasetningar
Alþingis á verkfall sjómanna í maí sl.
Þetta þýðir með öðrum orðum að
málshöfðunin verður tekin fyrir í
Héraðsdómi Reykjavíkur. Var ríkinu
gert að greiða ASÍ 300 þúsund krón-
ur í málskostnað.
Í máli sínu hefur ASÍ gert þær
dómkröfur að viðurkennt verði að
fyrstu þrjár greinar laganna um
kjaramál sjómanna og fleira taki ekki
til Verkalýðsfélags Stykkishólms,
Verkalýðsfélagsins Stjörnunnar í
Grundarfirði og Verkalýðsfélagsins
Snæbjarnar. Þá verði viðurkennt að
fyrrgreindar þrjár fyrstu greinar
laganna feli í sér ólögmæta skerðingu
á samningsfrelsi og verkfallsrétti
fjölmargra félaga á landinu sem
höfðu aflýst verkfalli eða áttu ekki
aðild að verkfalli sjómanna.
Sjávarútvegsráðherra, Árni Math-
iesen, fyrir hönd íslenska ríkisins, fór
hins vegar fram á að máli ASÍ yrði
vísað frá á þeim forsendum m.a. að
málatilbúnaður væri ómarkviss og
byggður á misskilningi. Ekki væri í
lögum ASÍ tilgreindur sá tilgangur
að reka dómsmál fyrir launþega og
því hefði sambandið ekki málshöfð-
unarheimild.
ASÍ málsvari launafólks
ASÍ benti hins vegar á að í lögum
ASÍ segði að það væri málsvari
launafólks í hagsmunamálum gagn-
vart stjórnvöldum og því hefði sam-
bandið augljósan málshöfðunarrétt.
Taldi ASÍ að frávísunarkrafan hefði
eingöngu verið til þess gerð að tefja
framgöngu málsins.
Í niðurstöðu Héraðsdóms Reykja-
víkur er fallist á þetta sjónarmið ASÍ.
Niðurstaða dómsins er að það sam-
rýmist fyllilega tilgangi Alþýðusam-
bandsins að gæta hagsmuna þeirra
sem stefnukröfur máls þessa taka til.
Breyti þar engu þótt aðild þeirra
félaga sem greind eru í stefnukröfum
sé ekki bein að Alþýðusambandinu
heldur vegna aðildar þeirra að Sjó-
mannasambandi Íslands annars veg-
ar og Alþýðusambandi Vestfjarða
hins vegar.
Í niðurstöðu dómsins segir m.a. að
þegar lög voru sett á sjómannaverk-
fallið í vor hafi hagað þannig til að
Sjómannafélag Eyjafjarðar hafi ver-
ið eitt félaga í verkfalli af þeim félög-
um sem eiga aðild að málsókninni.
Önnur félög hafi ýmist afboðað verk-
fall eða ekki boðað til þess. Öll þessi
félög hafi átt hlut að kjarasamninga-
viðræðum og þar með þeim kjaradeil-
um sem urðu tilefni framangreindrar
lagasetningar. „Lagasetningin hefur
það í för með sér að verkföll eru
bönnuð þeim félögum sem lögin ná
til, aðild þessara félaga að samning-
um um kaup og kjör félagsmanna
sinna er ekki lengur til að dreifa,
nema því aðeins að gagnaðili sam-
þykki og þá án þess að félögunum sé
heimilt að beita verkfalli, sbr. niður-
lag 1. gr. laga nr. 34/2001,“ segir í
dómnum.
Úrskurðinn kváðu upp héraðs-
dómararnir Friðgeir Björnsson, for-
maður dómsins, Helgi I. Jónsson og
Skúli J. Pálmason.
Frávísunarkröfu hafnað
FEGURÐ hversdagsins hefur ótal
birtingarmyndir og endurspeglast
líka í byggingakrönunum sem setja
framkvæmdasvip á borgina þessi
misserin. Hér er engu líkara en
spegilmyndin veiti verkamanninum
liðsauka þar sem þeir félagar vinna
að verklokum í himinblámanum.
Morgunblaðið/Kristinn Ingvarsson
Spegill, spegill
BÓNDI slasaðist á höfði er
hann var að umfelga dekk á bíl
við bæ sinn í nágrenni við
Kirkjubæjarklaustur um
klukkan 13 í gær. Lögregla tel-
ur að slysið hafi atvikast þannig
að maðurinn hafi fengið í sig
hamar við það að dekkið
sprakk.
Sjúkrabifreið ók með mann-
inn áleiðis á sjúkrahús en þyrla
Landhelgisgæslunnar kom til
móts við bifreiðina og flutti
manninn á slysadeild Landspít-
ala – háskólasjúkrahúss í Foss-
vogi. Maðurinn hlaut töluverð-
an áverka á höfði og gekkst
undir aðgerð á sjúkrahúsinu en
mun ekki hafa verið í bráðri
lífshættu.
Slasaðist á
höfði við
umfelgun
EINFALDUR samanburður á gjald-
skrám orkusölufyrirtækja bendir til
þess að raforka sé á bilinu 2–10% dýr-
ari í Kópavogi en nágrannasveitar-
félögunum, að því er fram kemur í
skýrslu Orkunefndar Kópavogsbæjar
sem skilað hefur verið til bæjarráðs.
Ármann Kr. Ólafsson, forseti bæjar-
stjórnar Kópavogs og einn nefndar-
manna, segir að Kópavogsbúar þurfi
að búa við alltof háa álagningu og því
sé nauðsynlegt að kanna möguleika á
að hefja eigin framleiðslu til að ná
fram lækkun á gjaldskrá fyrir heitt
vatn og rafmagn í bænum.
Ármann segir ljóst að Reykvíking-
ar njóti verulegs fjárhagslegs ávinn-
ings af sölu á heitu vatni til nágranna-
sveitarfélaga í formi fjárframlaga
Orkuveitu Reykjavíkur til borgar-
sjóðs. Um þetta er einnig fjallað í
skýrslu Orkunefndarinnar og þar
segir að árin 1998 hafi þessi greiðsla
Orkuveitunnar numið ríflega 1,4
milljörðum króna og um 1,2 milljörð-
um 1999. Það sé mat nefndarinnar að
hlutur Kópavogsbúa í þessari skatt-
lagningu hafi verið um 174 milljónir
kr. árið 1998 og um 128 milljónir kr.
ári síðar.
Ríflega þrjú hundruð milljónir í
afgjöld til borgarsjóðs
„Á þessum tveimur viðmiðunarár-
um eru þetta rúmlega þrjú hundruð
milljónir króna. Þetta er óviðunandi
skattheimta. Því leggur nefndin til að
Kópavogsbær óski eftir viðræðum við
Reykjavíkurborg um það með hvaða
hætti íbúar Kópavogsbæjar fái notið
afraksturs OR til jafns við íbúa
Reykjavíkur,“ segir enn fremur í
skýrslunni.
Þar segir einnig að í ljósi þess að
iðnaðar- og viðskiptaráðuneytið hafi
bannað órökstuddar hækkanir á
gjaldskrá hitaveitu úti á landi, leggi
nefndin til að kallað verði eftir áliti
ráðuneytisins á afgjaldsgreiðslum OR
til borgarsjóðs Reykjavíkur.
Orkunefndin leggur einnig til að
Kópavogsbær leiti eftir nánara sam-
ráði við sveitarfélögin sunnan
Reykjavíkur og sérstaklega verði
kannaðir möguleikar á stofnun félags
um veiturekstur með það að mark-
miði að Kópavogsbær og íbúar þar
njóti sambærilegs orkuverðs og ná-
grannar þeirra.
Samanburður Orkunefndar Kópa-
vogs á gjaldskrám orkufyrirtækja
Orka 2–10% dýr-
ari í Kópavogi
BLÁFUGL hf. auglýsir nú eftir
flugmönnum og flugstjórum.
Verið er að fjölga áhöfnum í
kjölfar aukinna umsvifa félags-
ins. Ein fragtvél er í notkun hjá
Bláfugli en að sögn Þórarins
Kjartanssonar, framkvæmda-
stjóra Bláfugls, er hugmyndin
að fjölga ferðum vélarinnar.
Engir nýir áfangastaðir voru
teknir upp en tíðni ferða hefur
aukist auk þess sem aukning er
í sérverkefnum. „Við erum að
leggja grunn að frekari vexti og
það er alveg ljóst að flugflotinn
mun vaxa í komandi framtíð,“
sagði Þórarinn um aukinn
mannskap.
Yfir hundrað manns sóttu
um hjá Bláfugli þegar fyrirtæk-
ið auglýsti eftir flugmönnum er
það var að hefja starfsemi sína.
Þá var boðið upp á þjálfun en
annað er hins vegar uppi á ten-
ingnum núna þar sem flug-
menn verða að hafa réttindi til
að fljúga Boeing 737-vélum.
Bláfugl
eykur
umsvifin