Morgunblaðið - 23.08.2001, Side 6

FRÉTTIR
6 FIMMTUDAGUR 23. ÁGÚST 2001 MORGUNBLAÐIÐ
BRÚIN yfir Norðfjarðará er stór-
skemmd og jafnvel talin ónýt og
þá fór símastrengur og ljósleiðari
sem liggur yfir ána, í sundur svo
sambandslaust varð til Neskaup-
staðar í hálfa aðra klukkustund í
gærmorgun, en þóvar varasam-
band á. Tjónið á brúnni hefur ekki
verið metið til fjár en hins vegar
er talið að tjón á vegum af völdum
aurskriðna og flóða sé allt að sex
milljónir króna. Sólarhringsúr-
koma mældist 132 millimetrar
klukkan níu í gærmorgun, mið-
vikudagsmorgun, á Desjamýri í
Borgarfirði eystri, en meiri úr-
koma þar hefur ekki mælst í þrjú
ár. Þess má geta að úrkomumet á
landsvísu síðan mælingar hófust,
var sett 1. október 1979 á Kví-
skerjum þegar sólarhringsúrkoma
mældist 243 millimetrar.
Ýmsar skemmdir, mismiklar,
urðu á vegum á Austfjörðum í
fyrrinótt. Fimm aurskriður féllu á
Hólmháls undir Hólmatindi og var
unnið að viðgerðum á veginum í
gærmorgun. Ljóst er af ummerkj-
um að dæma, að hamfarirnar voru
gríðarmiklar, enda féllu stór björg
niður snarbrattar hlíðar fjallsins
og mynduðu djúpar rásir neðar-
lega í hlíðunum. Veginum var lok-
að um klukkan 17 á þriðjudag og
hann opnaður aftur um áttaleytið í
gærmorgun. Skriðurnar ollu smá-
skemmdum í vegkantinum og var
unnið að því fram eftir morgni að
ryðja framburðinum af veginum.
Guðmundur Þorsteinsson, flokks-
stjóri Vegagerðarinnar, sagði aur-
skriður hafa fallið á Hólmháls fyr-
ir tveimur árum þótt skriðurnar
að þessu sinni hefðu ekki náð eins
langt niður að veginum og þá.
Vegskemmdir urðu á Helgu-
staðavegi, Eskifjarðarströnd og
Reyðarfjarðarströnd að Eyri auk
Suðurfjarðarvegar í Fáskrúðsfirði
og þá urðu talsverðar skemmdir á
Dalatangavegi og veginum í
Skriðdal. Vegurinn við brúna við
Selá í Breiðdal fór í sundur og
sömuleiðis í Eyvindarárdal, en
þessir vegir voru lokaðir í gær.
Norðfjarðará óx gríðarlega í úr-
hellinu og stórskemmdi brúna yfir
ána.
Stöpull seig um
80 sentimetra
Að sögn Rögnvaldar Gunnars-
sonar, deildarstjóra framkvæmda-
deildar Vegagerðarinnar, gróf áin
undan tveimur millistöplum brú-
arinnar með þeim afleiðingum að
millistöpullinn nær Norðfirði seig
um allt að 80 cm og hinn stöpullinn
aðeins minna. Brúin, sem byggð
var um 1950, er steypt bitabrú en
ofan á henni eru stálbitar með
timburgólfi. Þótt brúin hefði
skemmst mikið var unnt að leyfa
létta umferð yfir hana og tak-
marka heildarþunga bifreiða við
þrjú tonn. Lokað var fyrir umferð
yfir brúna frá klukkan 20 á þriðju-
dagskvöld til klukkan 8.30 í gær-
morgun. „Næsta skref hjá okkur
er að skoða hvað við getum gert til
að koma á þyngri umferð yfir
brúna,“ sagði Rögnvaldur. „Þetta
er mál sem fer í skoðun nú þegar.“
Rögnvaldur sagði að til stæði að
bjóða út byggingu nýrrar brúar
yfir Norðfjarðará, en afhenda á
útboðsgögn næstkomandi mánu-
dag. Nýja brúin á að vera um 30
metrum ofan við núverandi brú.
Nýja brúin verður um 36 metra
löng en núverandi brú er 48 metra
löng. „Áætlað var að nýja brúin
yrði tilbúin næsta vor, þótt ekki
hafi verið teknar neinar ákvarð-
anir þar að lútandi. Það verður
skoðað hvort ástæða sé til að flýta
þeirri framkvæmd, því það mun
kosta okkur eitthvað að halda þun-
gaumferðinni yfir gömlu brúna í
vetur.“
Að sögn Rögnvaldar á nýja brú-
in að vera í einu brúarhafi, þ.e. að
engir millistöplar verða í brúnni
og mun betur gengið frá end-
astöplum hennar í samanburði við
gömlu brúna.
Morgunblaðið/Þorkell
Guðmundur Þorsteinsson flokksstjóri í ökkladjúpri leðjunni eftir hamfarirnar í Hólmatindi í fyrrinótt.
Brúin yfir
Norðfjarðará
stórskemmd
Mesta tjónið í úrhellinu sem gekk yfir
Austfirði á þriðjudag felst í skemmdum á
brúnni yfir Norðfjarðará og veginum milli
Eskifjarðar og Neskaupstaðar. Örlygur
Steinn Sigurjónsson og Þorkell Þorkels-
son kynntu sér skemmdirnar í gær.
Ljóst er að brúin yfir Norðfjarðará þarf mikilla lagfæringa við eftir
skemmdir af völdum flóðanna. Sérfræðingar frá Vegagerðinni voru
á vettvangi í gærmorgun til að meta aðstæður.
Símastrengurinn fór í sundur og var hann lagfærður í gærmorgun.
SIGURÐUR Guðmundsson land-
læknir segir samræmda slysaskrán-
ingu hér á landi að fara í gang og gerir
ráð fyrir að hún verði kynnt almenn-
ingi í næsta mánuði. Landlæknisemb-
ættið og slysavarnaráð hafa smíðað
gagnabanka sem nefndur hefur verið
Slysaskrá Íslands og í hann eiga að
skrá upplýsingar allir sem höndla
með upplýsingar um slys, t.d. sjúkra-
hús, heilsugæslustöðvar, trygginga-
félög, lögregla og fleiri. Slysaskráin
verður nokkuð umfangsmikil því
áætlað er að um 50 til 60 þúsund slys
verði hér ár hvert og má því gera ráð
fyrir að skráningar verði um 100 þús-
und árlega, eða um 300 á dag.
Fyrstu skráningar í næstu viku
Hildur Björk Sigbjörnsdóttir stýrir
verkefninu hjá Landlæknisembætt-
inu og staðfesti að nú færi í hönd
þriggja mánaða tilraunatímabil
Slysaskrár Íslands. „Við erum í start-
holunum og fyrstu skráningar hefjast
í næstu viku þegar við förum að prufa
kerfið. Það verður kynning á þessu
upp úr miðjum september en við för-
um aðeins af stað áður en blásið verð-
ur í lúðrana,“ sagði hún.
„Fyrst í stað koma að verkefninu
slysadeild Landspítala – háskóla-
sjúkrahúss í Fossvogi, lögreglan í
Reykjavík, Vinnueftirlitið og Trygg-
ingamiðstöðin. Svo er markmiðið að
koma á skráningu hjá smærri sjúkra-
stofnunum út um land og eins hjá lög-
reglu og fleiri tryggingafélögum,“
sagði Hildur og bætti við að skráin
yrði vistuð hjá Landlæknisembættinu
en skráning færi fram um Netið með
vefskoðara og lykilorð þyrfti til að
tengjast kerfinu. Hún segir jafnframt
gert ráð fyrir að þeir sem skrái upp-
lýsingar haldi áfram sín eigin gagna-
söfn eins og gert hefur verið til þessa.
Öll slys fái sérstakt númer
Hildur Björk segir að Slysaskrá Ís-
lands sé ætlað að innihalda upplýs-
ingar um öll slys með meiðslum sem
og upplýsingar um eignatjón í um-
ferðaróhöppum. „En í raun fara ein-
ungis lágmarksupplýsingar í slysa-
skrána. Allir atburðir verða
auðkenndir með sérstöku atburðar-
númeri og tilvik sem tengjast um-
ræddum atburði fá sama auðkennið.
Þetta númer verður síðan það sama í
Slysaskrá Íslands og öðrum gagna-
grunnum en það auðveldar alla eft-
irvinnslu og úrvinnslu,“ sagði Hildur
og bætt við að þá væru einnig frekari
möguleikar á ítarlegum rannsóknum
og tölfræðilegri úrvinnslu.
Í máli Hildar kom fram að fyllsta
öryggis verði gætt við meðferð upp-
lýsinganna sem í skrána fara og náið
samráð hafi verið haft við tölvunefnd
og síðar Persónuvernd við þróun
skrárinnar.
Slysaskrá Íslands
að fara í gang
Allt að 100
þúsund
skráning-
ar á ári
♦ ♦ ♦
ÁSKRIFENDUM Morgunblaðsins
er boðið upp á nýtt áskrifendatilboð
þar sem hægt er að velja um viku-
ferðir til Portúgals, annaðhvort með
Úrvali-Útsýn eða Plús-ferðum.
Ferðirnar sem áskrifendur geta
valið um eru farnar 4., 11. og 18.
september. Verð er frá 46.133 kr. til
53.127 kr. á mann, eftir gististað og
fjölda í ferðinni. Innifalið í tilboðun-
um er flug, flugvallarskattar, gisting
í viku, akstur til og frá flugvelli er-
lendis og íslensk fararstjórn. Tilboð-
in gilda eingöngu fyrir áskrifendur
Morgunblaðsins og er sætafjöldi
takmarkaður. Þeir áskrifendur sem
hafa hug á að nýta sér tilboðin geta
haft samband við söluskrifstofu Úr-
vals-Útsýnar.
Ferðatilboð
til áskrifenda
Morgunblaðsins