Morgunblaðið - 23.08.2001, Blaðsíða 21
ERLENT
MORGUNBLAÐIÐ FIMMTUDAGUR 23. ÁGÚST 2001 21
RÚMUM áratug eftir að hafa misst
völdin í landinu eru líkur á að Dan-
iel Ortega verði kjörinn forseti í
Nicaragua næstkomandi laugardag.
Ortega segist hafa lært af mistök-
um þeim sem hann gerði meðan
hann var forseti landsins á níunda
áratugnum og að hann muni ekki
endurtaka þau. Sem dæmi um
breyttar áherslur hét Ortega því að
viðurkenna sjálfstjórn héraðanna
við Karíbahafið, en í stjórnartíð
hans barðist stjórnarherinn við
skæruliða Miskító-índjána í hér-
aðinu. „Við biðjum bræður okkar,
Miskító-indjánana, fyrirgefninga-
r...alla sem urðu fórnarlömb þeirrar
misheppnuðu stefnu sem við höfð-
um í þá daga,“ sagði Ortega á úti-
fundi í héraðinu.
Kýr og svín handa
hverri fjölskyldu
Skoðanakannanir sýna að Ortega
hefur naumt forskot á þann fram-
bjóðanda sem næstur kemur,
Enrique Bolanos, sem er frambjóð-
andi Frjálslynda stjórnarskrár-
flokksins, sem heldur um stjórn-
artaumana. Mikil spilling og
atvinnuleysi auk matvælaskorts
hrjá Nigaraguamenn og skýrir það
að miklu leyti gott gengi sandínista
í skoðanakönnunum. Jafnvel meðal
Miskító-indjána eykst stuðningur
við þá, en indjánarnir voru meðal
hörðustu stuðningsmanna kontra-
skæruliðanna sem börðust gegn
sandínistum á níunda áratugnum.
„Meðan Daniel var við völd höfðu
allir atvinnu og mat. Núna þarf
maður að vera meðlimur í [stjórn-
ar]flokknum til að fá vinnu,“ segir
Siomara Salvador, 23 ára gamall
Miskító-indjáni.
Auk þess að hafa heitið sjálf-
stjórn strandhéraðanna hefur Or-
tega lofað því að nota hálfan fjórða
milljarð íslenskra króna til að að-
stoða kaffibændur sem eru illa
staddir, og hefur einnig lofað íbúum
afskektari héraða því að hver fjöl-
skylda muni fá eina kú, eitt svín,
sáðkorn og fleira þess háttar til að
koma í veg fyrir að fólkið svelti.
Bandaríkjastjórn hefur miklar
áhyggjur af góðu gengi Ortega og
hefur hvatt aðra flokka í landinu til
að sameinast um einn forsetafram-
bjóðanda til að halda Ortega frá for-
setaembættinu.
Ekki einkarétt á sannleikanum
Ortega var háttsettur í hreyfingu
sandínista, sem bolaði einræðisherr-
anum Somoza frá völdum árið 1979
og gegndi hann embætti forseta frá
árinu 1984. Undir stjórn Ortega var
þjóð- og efnahagslíf Nicaragua end-
urskipulagt í anda sósíalismans.
Einkafyrirtæki voru þjóðnýtt og
mikil áhersla var lögð á velferð-
arkerfi. Þessi stefna var Banda-
ríkjastjórn lítt að skapi og setti hún
viðskiptabann á Nicaragua og veitti
hinum svokölluðu kontra-skærulið-
um margvíslega aðstoð, en þeir
börðust gegn stjórn Ortega.
Daniel Ortega samdi við Banda-
ríkjastjórn um lausn á deilu
ríkjanna og árið 1990 voru haldnar
lýðræðislegar kosningar í landinu
þar sem Sandínistaflokkur hans
tapaði völdum. Hann tapaði svo
kosningunum 1996 fyrir sitjandi
forseta, Arnoldo Aleman.
Varaforsetaefni Ortega, Agustin
Jarquin, sem sat sex sinnum í fang-
elsi vegna andstöðu sinnar við sand-
ínistastjórnina, segir Ortega breytt-
an mann sem hafi skilning á eðli
hins frjálsa markaðar og nauðsyn
þess að hann fái að njóta sín. Segir
Jarquin að á sínum tíma hafi Ortega
trúað því að hann hefði einkarétt á
sannleikanum. „Ég held að tíminn
hafi kennt honum að enginn á
einkarétt á sannleikanum. Hinn nýi
Ortega hefur viðurkennt að hafa
gert mistök og að hann þurfi að
læra af þeim,“ sagði varaforsetaefn-
ið.
Forsetakosningar í Nicaragua
Ortega segist nýr
og betri maður
Puerto Cabezas, Nicaragua. AP.
AP
Daniel Ortega ræðir við frétta-
menn á kosningaferðalagi á
Kyrrahafsströndinni.
BRESKIR áhugamenn um fót-
bolta höfðu úr nógu að moða um
síðustu helgi, en talið er að á tæp-
um tveimur sólarhringum hafi 70
klukkustundum af knattspyrnu
verið sjónvarpað á hinum ýmsu
rásum landsins. Aðstandendur
knattspyrnufélaga og stjórnendur
sjónvarpsstöðva ræða nú hvort
framboð á knattspyrnu í sjónvarpi
sé of mikið.
Sjónvarpsstöðvarnar hafa sam-
tals greitt um 150 milljarða króna
fyrir útsendingarrétt til ársins
2004, en velta því nú fyrir sér
hvort sú fjárfesting muni borga
sig. Flestir stóru leikirnir eru
sendir út á svokölluðu „Pay-Per-
View“-sniði, en þá greiðir áhorf-
andi fyrir hvern dagskrárlið.
„Ég er ekki viss um að það sé
markaður fyrir svo margar út-
sendingar frá leikjum utan úrvals-
deildarinnar,“ segir Nigel Hawk-
ins verðbréfamiðlari. „Ég efast
um að nokkur maður muni greiða
fyrir það að sjá knattspyrnuleiki í
sjónvarpi þegar framboðið er
svona mikið.“ John Motson,
íþróttafréttamaður hjá sjónvarps-
stöðinni BBC, segir framboðið
óhóflegt. „Ég efast um að fólk geti
horft á alla þá leiki sem í boði eru.“
Vaxtarmöguleikar erlendis
Fréttir af litlu áhorfi á knatt-
spyrnupakka ITV-sjónvarps-
stöðvarinnar blésu nýju lífi í þessa
umræðu. Aðeins 4,3 milljónir
horfðu á sunnudagsþáttinn, sem
er mun minna áhorf en vinsæll
spurningaþáttur fékk á sama tíma
á BBC. Talsmaður ITV kveðst þó
bjartsýnn og heldur því fram að
um góða byrjun sé að ræða. „Við
erum að færa úrvalsdeildina inn á
fleiri heimili.“
Nigel Hawkins segir heima-
markaðinn á þessu sviði mettaðan
og að einu vaxtarmöguleikana sé
að finna erlendis. „Áhugi á enskri
knattspyrnu er mikill í mörgum
löndum og þar er möguleiki til að
græða á sýningu leikja, en hér í
Bretlandi er feikinóg af fótbolta í
sjónvarpinu.“
Sjötíu klukkutímar af enska bolt-
anum á tveimur sólarhringum
Offramboð
á fótbolta?
Lundúnum. AFP.