Morgunblaðið - 20.01.2002, Page 6

FRÉTTIR
6 SUNNUDAGUR 20. JANÚAR 2002 MORGUNBLAÐIÐ
VIKAN13/1 – 19/1
ERLENT
INNLENT

HÉRAÐSDÓMUR
Reykjaness dæmdi
Austurríkismann sem
handtekinn var í Leifsstöð
sl. haust með 67 þúsund e-
töflur í tólf ára fangelsi á
mánudag. Þetta er þyngsti
dómur sem fallið hefur hér
á landi í fíkniefnamáli.

VERULEG spjöll á
grónu landi komu í ljós eft-
ir flóðin á Suðurlandi á
dögunum, einkum við
bakka Hvítár og Stóru-
Laxár.

JÖFNUÐUR á Íslandi er
með því mesta sem gerist í
heiminum, samkvæmt
skýrslu Hagfræðistofn-
unar háskólans, en ójöfn-
uður hefur þó vaxið á síð-
ustu árum.

VATNAJÖKULL hefur
þynnst um tvo metra á
tveimur árum og haldist
hlýindi og snjóleysi áfram
verður lítið eftir af jökl-
inum í aldarlok.

BANDARÍSKUR her-
maður lét lífið í bílveltu á
Grindavíkurvegi aðfara-
nótt fimmtudags. Fjórir
hafa látist í umferðinni frá
áramótum.

FÉLAGSDÓMUR hefur
úrskurðað yfirvinnubann
flugumferðarstjóra löglegt
en það hefur einu sinni
haft áhrif á innanlands-
flugið þegar loka þurfti
flugvellinum á Akureyri að
kvöldi miðvikudags.

MIÐSTJÓRN Sjálfstæð-
isflokksins hefur samþykkt
að breyta reglum flokksins
þannig að leiðtogaprófkjör
geti farið fram fyrir næstu
borgarstjórnarkosningar í
Reykjavík.
Hækkanir endur-
skoðaðar vegna
vísitöluhækkunar
Í KJÖLFAR hækkunar neysluvísitöl-
unnar um 0,9% frá desember, sem er
meiri hækkun en reiknað var með,
ákvað ríkisstjórnin á þriðjudag að
skipa vinnuhóp þriggja ráðuneytis-
stjóra til þess að fara yfir forsendur
vísitöluhækkunarinnar. Sama dag
sendi ASÍ frá sér yfirlýsingu þar sem
ríki og sveitarfélög voru hvött til að
endurskoða allar hækkanir gjalda.
Samkvæmt vísitölunni hafa innfluttar
matvörur hækkað um tugi prósenta sl.
tólf mánuði umfram verðbólguþróun
og gengisbreytingar.
Á miðvikudag funduðu stjórnvöld
með aðilum vinnumarkaðarins. Þar
kom m.a. fram að ríkið ætlar að endur-
skoða þjónustu- og gjaldskrárhækk-
anir og talsmenn sveitarfélaga sögðust
ætla að gera slíkt hið sama.
Könnun sem Morgunblaðið stóð fyr-
ir ásamt ASÍ um síðustu helgi leiddi
einnig í ljós mikinn verðmun á algeng-
um neysluvörum hér og í ESB-ríkjum
sem hafa tekið upp evruna. Dýrast var
verð hér á landi í tólf vöruflokkum af
sautján sem kannaðir voru.
Fullveldi Íslands betur
tryggt í ESB en EES
HALLDÓR Ásgrímsson utanríkisráð-
herra sagði í erindi sem hann flutti sl.
þriðjudag í Háskóla Íslands að því
mætti halda fram með góðum rökum
að aðild að Evrópusambandinu, ESB,
tryggði fullveldi Íslands með betri
hætti en samningurinn um EES gerði
nú. Hann sagði ennfremur að fyrir tíu
árum hefði hann talið vonlaust fyrir Ís-
land að gerast aðili að ESB vegna
sjávarútvegsstefnu sambandsins. Nú
væru forsendur að ýmsu leyti breytt-
ar. Í svipaðan streng tók Halldór í
erindi sem hann flutti á föstudag á
Akureyri.
Sjö manns féllu í
tilræði í Ísrael
ÍSRAELSKAR herþotur eyðilögðu
byggingar palestínsku heimastjórnar-
innar í bænum Tulkarem á Vestur-
bakkanum á föstu-
dag og skriðdrekar
umkringdu skrif-
stofur Yassers
Arafats, leiðtoga
Palestínumanna, í
Ramallah þar sem
honum hefur verið
haldið í herkví.
Kvöldið áður féllu
sjö manns þegar
palestínskur árásarmaður hleypti af
sjálfvirkum riffli inn í samkomusal í
borginni Hadera í Norður-Ísrael. Til-
ræðismaðurinn var sjálfur á meðal
þeirra sem féllu.
Palestínsk hreyfing, Al Aqsa-her-
deildirnar, lýstu tilræðinu á hendur
sér. Hreyfingin tengist Fatah-samtök-
um Yassers Arafats. Al Aqsa-her-
deildirnar sögðust hafa staðið fyrir til-
ræðinu til að hefna leiðtoga þeirra,
Raeds Karmis, sem féll í sprengjuárás
í Tulkarem fyrr í vikunni.
Hundruð bandarískra
hermanna til Filippseyja
DONALD Rumsfeld, varnarmálaráð-
herra Bandaríkjanna, skýrði frá því á
miðvikudag að yfir 200 bandarískir
hermenn tækju nú þátt í herferð fil-
ippseyskra stjórnarhermanna gegn
hryðjuverkamönnum sem talið er að
tengist al-Qaeda, samtökum Osama
bin Ladens. Sagði Rumsfeld hermenn-
ina meðal annars vera á Basilan-eyju
þar sem liðsmenn múslímasamtak-
anna Abu-Sayyaf hafa bandarísk hjón
og fillippseyskan hjúkrunarfræðing í
gíslingu. Hann kvað aðgerðirnar sýna
að baráttan gegn hryðjuverkum væri
hnattræn og ekki aðeins háð í Afgan-
istan.
Yasser Arafat

FULLTRÚAR Samein-
uðu þjóðanna sögðu á
mánudag að ástandið í
Afganistan væri graf-
alvarlegt vegna fjárskorts
bráðabirgðastjórnar
landsins. 230.000 opinber-
ir starfsmenn hefðu ekki
fengið neinar launa-
greiðslur í hálft ár.

INDVERJAR sögðu á
mánudag að ekki kæmi til
greina að kalla umsvifa-
laust her landsins frá
landamærunum að Pak-
istan. Talsvert hefur þó
dregið úr spennu milli
ríkjanna eftir að Pervez
Musharraf, forseti Pakist-
ans, lét handtaka nær
1.400 liðsmenn íslamskra
samtaka, sem hafa barist
gegn indverskum yfirráð-
um í Kasmír, og bannaði
starfsemi þeirra.

ÁFRÝJUNARNEFND
Heimsviðskiptastofnunar-
innar (WTO) úrskurðaði á
mánudag Evrópusam-
bandinu í vil í máli sem
lýtur að skattaafslætti yf-
irvalda í Bandaríkjunum
til þarlendra
útflutningsfyrirtækja.
Nefndin komst að þeirri
niðurstöðu að afslátt-
urinnn samræmdist ekki
reglum WTO.

JOHN Walker Lindh,
„bandaríski talibaninn“
sem var handtekinn í Afg-
anistan, var á þriðjudag
ákærður fyrir aðild að
„samsæri um dráp á
bandarískum borgurum“ í
Afganistan og aðstoð við
hryðjuverkasamtök. Hann
á lífstíðarfangelsisdóm yf-
ir höfði sér.
FJÁRMÁLARÁÐUNEYTIÐ hefur
stöðvað áform Ríkisskattstjóraemb-
ættisins um að hrinda í framkvæmd
breytingum á reglum um skattmat á
hlunnindum vegna tekna á árinu
2002. Embættið hafði undirbúið og
hafið kynningu á víðtækari reglum
en gilt hafa um hvað skuli teljast
vera hlunnindi starfsmanns sem
telja beri til tekna við skattlagningu
á árinu 2002. Skv. 116. grein laga
um tekju- og eignaskatt skal rík-
isskattstjóri árlega gefa út reglur
um mat á hlunnindum til tekna.
Búið var að senda skattstjórum
reglurnar og eru dæmi þess að fyr-
irtæki hafi einnig fengið þessar
reglur vegna staðgreiðslu opinberra
gjalda á árinu 2002. Niðurstaðan
varð hins vegar sú skv. ákvörðun
fjármálaráðuneytisins að reglurnar
verða áfram óbreyttar frá því sem
verið hefur. Fjármálaráðherra
greindi frá málavöxtum og niður-
stöðu fjármálaráðuneytisins vegna
þessa máls á ríkisstjórnarfundi í
vikunni.
,,Við viljum fara varlega í allt
svona og alls ekki gera breytingar
sem mætti túlka sem breytingu á
álagningunni. Það eru aðrir sem
taka slíkar ákvarðanir,“ segir Geir
H. Haarde fjármálaráðherra.
Hlunnindi ef fyrirtæki lætur
starfsmann fá tölvu heim?
,,Samkvæmt lögunum um tekju-
og eignaskatt ber ríkisskattstjóra að
setja árlega reglur um skattmat á
hlunnindum,“ sagði Geir.
Hann sagði að reyndar væri oft
erfiðleikum háð að meta hvað hlunn-
indi af þessu tagi gætu verið mikils
virði. Embætti ríkisskattstjóra hafi
undirbúið nokkuð víðtækar breyt-
ingar eins og fram hafi komið á mati
á hlunnindum. ,,Okkur hér í ráðu-
neytinu þótti þetta of stórt skref að
stíga og niðurstaðan varð sú að
þessum reglum er ekkert breytt
efnislega að sinni en við munum fara
yfir þetta með embættinu og hvort
einhver ástæða sé til að gera grund-
vallarbreytingar á þessu.
Auðvitað má segja að komnir séu
til sögunnar hlutir sem ekki eru inni
í eldra mati en það er hins vegar
iðulega mjög erfitt að henda reiður
á hvað eru raunveruleg hlunnindi og
hvað ekki. Ef fyrirtæki lætur t.d.
starfsmann sinn fá tölvu heim þá er
það kannski ekkert síður gert í þeim
tilgangi að starfsmaðurinn geti unn-
ið meira fyrir fyrirtækið,“ sagði
fjármálaráðherra.
Gæði sem metin verða til pen-
ingaverðs skal telja til tekna
Ríkisskattstjóri hefur nú birt orð-
sendingu til launagreiðenda vegna
skattmats á tekjuárinu 2002 þar
sem mati á hlunnindum er óbreytt
frá því sem verið hefur, að öðru leyti
en því að viðmiðunarupphæðir
hlunninda eru uppfærðar til verð-
lags.
Skv. þessum reglum ber að telja
til tekna hvers konar gæði sem
mönnum hlotnast og metin verða til
peningaverðs og skiptir þá ekki máli
hvaðan þau stafa eða í hvaða formi
þau eru. ,,Á það t.d. við um fatnað,
fæði, húsnæði, fríðindi og skiptir þá
ekki máli í hvaða gjaldmiðli goldið
er, hvort sem er í reiðufé, hlunn-
indum eða vinnuskiptum svo og
framlög og gjafir sé verðmætið
hærra en almennt gerist um tæki-
færisgjafir.
Þau gæði og hlunnindi, sem eru
ekki látin í té í formi reiðufjár, skal
meta til peningaverðs og telja þau
til tekna á því verði. Skulu þau met-
in til tekna á gangverði eða mark-
aðsverði á hverjum tíma...“ segir
m.a. í orðsendingu ríkisskattstjóra.
Þar segir einnig um starfstengd
hlunnindi að allur viðurgjörningur
launagreiðanda við starfsmenn í
öðru en reiðufé leggist að jöfnu við
laun til þeirra og beri að telja til
tekna. ,,Viðurgjörningur við starfs-
menn eru fríðindi og gæði tengd
starfinu, sem þeir njóta án þess að
greiða fyrir það fullt verð, hvort
sem um er að ræða að launþeginn
fái eitthvað til eignar, afnota, láns
eða neyslu. Viðurgjörningur við
starfsmenn telst til tekna miðað við
markaðsverð eða gangverð, þ.e. það
verð sem það hefði kostað launþeg-
ann að kaupa, leigja eða greiða fyrir
afnot af því sem féll til hans.
Tiltekinn viðurgjörning við starfs-
menn, sem er í mjög beinum
tengslum við störf þeirra, almennur
og aðgengilegur öllum, þarf ekki að
telja til tekna, enda sé kostnaður
hæfilegur miðað við einstök tilefni
og heildstætt á árinu. Til þessa við-
urgjörnings teljast árshátíðir starfs-
manna, jólagleði og sambærilegar
samkomur, svo og starfsmannaferð-
ir, fyrirbyggjandi heilbrigðisþjón-
usta, afnot af heilsubótaraðstöðu á
starfsstað, kaffiveitingar í vinnutíma
og námskeið sem tengjast starfinu
beint. Til hans teljast enn fremur
framlög til starfsmannafélaga vegna
þessara liða.
Skilyrði fyrir því að þessi viður-
gjörningur sé ekki talinn til tekna
hjá starfsmanni er að kostnaður,
annar en við námskeið sem tengjast
starfinu beint, á starfsmann sé sam-
tals ekki hærri en 40.000 krónur á
árinu og ekki hærri en 10.000 kr. af
einstöku tilefni (ferð með gistingu,
árshátíð o.s.frv.). Sé kostnaðurinn í
heild eða af einstöku tilefni hærri
telst hann að fullu til tekna.“
Ríkisskattstjóri kynnti breytingar á skattmati hlunninda
Fjármálaráðu-
neyti stöðvaði út-
gáfu reglnanna
FLUGLEIÐIR hafa sett í gang sölu-
herferð fyrir Íslandsferðir í París
með um 1.000 veggspjöldum á járn-
brautarstöðvum borgarinnar, í
samvinnu við ferðamálaráð. Hvert
veggspjald er tveir metrar á breidd
og einn og hálfur metri á hæð og á
veggspjöldunum eru Parísarbúar
hvattir til að láta Ísland koma sér á
óvart og bent á að Ísland sé aðeins í
þriggja klukkustunda fjarlægð.
Markmiðið er að fá Frakka til
þess að bregða undir sig betri fæt-
inum nú á næstu vikum, utan anna-
tímans. Stutt skólafrí er jafnan í
Frakklandi í febrúarmánuði og
meðal annars er horft til þess við
tímasetningu herferðarinnar, sam-
kvæmt upplýsingum Guðjóns Arn-
grímssonar blaðafulltrúa.
Veggspjaldið verður áberandi á
nánast öllum neðanjarðarlest-
arstöðvum í París dagana 16.–29.
janúar og herferðinni verður síðan
fram haldið á þriðjungi braut-
arstöðvanna fram í miðjan febrúar.
Flugleiðir hafa ekki áður reynt
þessa auglýsingaleið í París en hún
hefur gefið góða raun í Lundúnum.
Flugleiðir og
ferðamálaráð
Kynningar-
herferð
í París
ÚRVALSVÍSITALA aðallista
Verðbréfaþings Íslands hækkaði
um 1,62% æa föstudag. Er vísital-
an nú 1.255,17 stig og hefur ekki
verið hærri síðan 4. janúar 2001.
Hæst hefur vísitalan farið í
1.888,71 stig 17. febrúar árið 2000.
Vísitalan hefur hækkað um 8,29%
frá áramótum.
Allar atvinnugreinavísitölurnar
hafa hækkað frá áramótum, vísi-
tala þjónustu og verslunar um
20,54%, vísitala samgangna um
12,46% en bréf Eimskipafélags Ís-
lands hækkuðu um 8,3%, úr 5,45 í
5,90, í tæplega 11 milljón króna
viðskiptum í gær. Vísitala upplýs-
ingatækni hefur hækkað minnst
það sem af er ári eða um 0,17%.
Frá áramótum hafa viðskipti
með hlutabréf numið rúmum 13,2
milljörðum króna en viðskiptin í
gær námu 1.988 milljónum króna.
Mest viðskipti voru hlutabréf
Skeljungs hf. eða fyrir 364 millj-
ónir króna.
Lokagengi gærdagsins var 9 eft-
ir 2,3% hækkun, og miðað við það
gengi skiptu rúm 5% bréfa Skelj-
ungs um hendur í gær. Þar af seldi
Fjárfestingarsjóður BÍ um 1,1% í
félaginu, eða rúmar sjötíu milljónir
að markaðsverði og við söluna fór
hlutur sjóðsins í 4,42%, en sjóð-
urinn er einn af stærstu hluthöfum
Skeljungs.
Úrvalsvísitalan ekki hærri í rúmt ár