Morgunblaðið - 22.01.2002, Page 1
17. TBL. 90. ÁRG. ÞRIÐJUDAGUR 22. JANÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 22. JANÚAR 2002
TUGIR manna létu lífið í spreng-
ingu í bensínstöð í miðborg Goma í
Lýðveldinu Kongó í gær þegar þeir
reyndu að notfæra sér glundroðann
vegna eldgoss nálægt borginni í
vikunni sem leið til að stela bensíni.
Leiðtogi uppreisnarhreyfing-
arinnar RCD, sem hefur náð Goma
á sitt vald, sagði að 60–100 manns
hefðu beðið bana í sprengingunni.
Bensínstöðin var nálægt einum af
hraunstraumunum, sem runnu yfir
borgina þegar eldfjallið Nyira-
gongo gaus á fimmtudaginn var og
eyðilögðu um 40% borgarinnar.
Fólkið var að ausa bensíni í plastílát
þegar sprengingin varð, að því er
virðist vegna hraunsins sem brann
enn á nokkrum stöðum í borginni.
Meira en 300.000 íbúar Goma
flúðu til grannríkisins Rúanda eftir
eldgosið en tugir þúsunda þeirra
hafa snúið aftur til borgarinnar í
leit að matvælum og vatni þótt
hjálparstofnanir hafi sagt að ekki
sé enn óhætt að fara þangað.
Eldfjallafræðingar á vegum Sam-
einuðu þjóðanna fóru í gær með
flugvél yfir eldfjallið, sem er um 20
km norðan við Goma, til að kanna
hvort hætta væri á fleiri eldgosum.
Dieudonne Wafula, eldfjallafræð-
ingur sem hefur rannsakað Nyira-
gongo í 15 ár, kvaðst telja að eld-
fjallið myndi ekki gjósa í nokkur ár.
Óstaðfestar fregnir herma að allt
að 40 manns hafi látið lífið af völd-
um eldgossins, en embættismenn í
Kongó og fulltrúar Sameinuðu
þjóðanna viðurkenndu að enginn
hefði traustar upplýsingar um
manntjónið.
Íbúar Goma hlaupa hér með olíu-
tunnur frá bensínstöðinni eftir
sprenginguna en á minni myndinni
sést eldhnöttur og þykkur reyk-
mökkur frá stöðinni þegar hún
sprakk.
Reuters
Tugir manna
farast í spreng-
ingu í Goma
AP
ÍSRAELSKAR hersveitir réðust í
gær inn í palestínska bæinn Tulk-
arem á Vesturbakkanum og er þetta í
fyrsta sinn sem Ísraelar hernema
heilan bæ á sjálfstjórnarsvæðum Pal-
estínumanna frá því að palestínska
heimastjórnin var stofnuð árið 1994.
Hermenn réðust inn í byggingar í
Tulkarem til að leita að liðsmönnum
íslamskra hreyfinga, sem hafa barist
gegn Ísraelum, og handtóku að
minnsta kosti tuttugu menn. Nítján
ára Palestínumaður var skotinn til
bana og 42 ára maður var úrskurð-
aður látinn á sjúkrahúsi eftir að hafa
orðið fyrir byssuskotum í flótta-
mannabúðum í Tulkarem. Fimmtán
aðrir Palestínumenn særðust í átök-
um við hermenn í bænum.
Tveir liðsmenn palestínskrar ör-
yggissveitar biðu einnig bana í átök-
um við Ísraela í bænum Ramallah á
Vesturbakkanum.
Talsmaður Ísraelshers sagði að
liðsmenn íslamskra hreyfinga í Tulk-
arem hefðu gert mannskæðar árásir í
Ísrael og markmiðið væri að hand-
taka þá og koma í veg fyrir frekari
árásir. Ephraim Sneh, samgöngu-
málaráðherra Ísraels, sagði að fleiri
bæir kynnu að verða herteknir.
Hermennirnir réðust meðal annars
inn í bústað bæjarstjóra Tulkarem og
skrifstofur heimastjórnarinnar og
palestínska þingsins. Herinn setti út-
göngubann í Tulkarem en bæjarstjór-
inn hvatti íbúana til að virða það að
vettugi og veita hernum mótspyrnu.
Sendimaður Sameinuðu þjóðanna í
Miðausturlöndum, Terje Rød-Lar-
sen, lýsti hernaðaraðgerðum Ísraela í
Tulkarem og Ramallah sem „hættu-
legri stigmögnun“ sem gæti leitt til
enn meira mannfalls meðal Ísraela og
Palestínumanna.
Arafat kveðst tilbúinn að deyja
Yasser Arafat, sem hefur verið í
herkví í Ramallah frá 3. desember,
kvaðst í gær vera tilbúinn að deyja
„píslarvættisdauða“ og halda áfram
baráttunni fyrir stofnun palestínsks
ríkis. „Ég bið til guðs að ég verði písl-
arvottur í þessu landi, í þessu helga
landi,“ sagði hann.
Ísraelar hernema bæ
á Vesturbakkanum
Tulkarem. AFP, AP.
BRESKIR embættismenn hafa rætt
við þrjá breska ríkisborgara sem eru
meðal fanga úr röðum talibana og liðs-
manna al-Qaeda er Bandaríkjamenn
hafa flutt til Guantanamo-herstöðvar-
innar á Kúbu. Talsmaður Tonys
Blairs, forsætisráðherra Bretlands,
segir að fangarnir séu sáttir við aðbún-
aðinn og þeir kvarti ekki yfir honum.
Ljósmyndir sem Bandaríkjamenn
tóku af föngunum skömmu eftir að
þeir komu á staðinn og sýna þá í
hlekkjum og á hnjánum vöktu mikla
athygli og gagnrýni um helgina.
Talsmaður Blairs sagði að enginn
héldi því fram að húsakynnin í fang-
elsinu bæru keim af munaði en þau
dygðu til að fullnægja brýnustu þörf-
um. Mennirnir fengju þrjár máltíðir á
dag, maturinn væri útbúinn í sam-
ræmi við hefðir íslams og Rauði
krossinn ynni að því að útvega þeim
eintök af kóraninum. Hann kvað
Bretana þrjá úr röðum fanganna vera
við góða heilsu, þeir hefðu ekki kvart-
að yfir neinu varðandi aðbúnaðinn.
„Þeir eru eingöngu með hlekki þeg-
ar þeir eru utandyra,“ sagði talsmað-
urinn og vísaði því á bug að mennirnir
væru keflaðir, með bundið fyrir eyru
og sólgleraugu límd yfir augun, eins
og fullyrt hafði verið.
Meðferð fanganna verði í sam-
ræmi við Genfarsáttmálann
Javier Solana, æðsti embættismað-
ur Evrópusambandsins í utanríkis-
málum, sagði að meðferðin á föngun-
um þyrfti að vera í samræmi við
Genfarsáttmálann um meðferð stríðs-
fanga. Bandaríkjastjórn skilgreinir
al-Qaeda-liðana ekki sem stríðsfanga,
heldur sem „ólöglega stríðsmenn“, og
segir þá ekki njóta þeirra réttinda
sem sáttmálinn tryggir.
Guantanamo-
herstöðin
Fangar
sagðir
sáttir við
aðbúnað
London. AP.
RÚSLAN Ponomaríov vann í
gær fimmtu skákina gegn landa
sínum, Úkraínumanninum
Vassílíj Ivantsjúk, í heimsmeist-
araeinvíginu í Moskvu.
Ponomaríov, sem er átján ára,
þarf nú ekki nema einn vinning
að auki til að verða yngsti
heimsmeistari Alþjóðaskáksam-
bandsins, FIDE, frá upphafi.
Er Ponomaríov nú með 3,5
vinninga á móti 1,5 en alls verða
tefldar átta skákir í einvíginu.
Sjötta skákin verður tefld á
morgun.
Ponom-
aríov á sig-
urbraut
Moskvu. AFP.
Nýju tímamörkin/43