Morgunblaðið - 22.01.2002, Blaðsíða 60

VEÐURSPÁ gerir ráð fyrir
kuldakasti um allt land á næstu
dögum, eftir óvenjuleg hlýindi
að undanförnu. Frostið gæti far-
ið í allt að 10 stig, en snjórinn
lætur enn bíða eftir sér. Miðað
við spána verður þó einhver
éljagangur á Norður- og Aust-
urlandi.
Haraldur Eiríksson, veður-
fræðingur á Veðurstofu Íslands,
sagði í samtali við Morgunblaðið
í gær, að í gærmorgun hefði
verið nær frostlaust á landinu,
fyrir utan smávægilegt frost
sums staðar í innsveitum Norð-
austurlands. „Við eigum hins
vegar von á norðaustanátt með
köldu lofti. Á morgun [í dag]
ætti að vera komið frost um allt
land, á bilinu 7–8 gráður all-
víða.“
Ekki er búist við miklu hvass-
viðri næstu daga. „Það verður
einhver strekkingur,“ segir
Haraldur. „Veðrið helst annars
að mestu óbreytt miðvikudag og
fimmtudag, en frostið gæti farið
niður í um 10 gráður. Spáin ger-
ir ráð fyrir að dragi úr frostinu
sunnanlands á föstudag, þegar
vindur verður austlægari.“
Lítill snjór
í augsýn
Íbúar Suðurlands og Vestur-
lands geta ekki reiknað með
neinni snjókomu á næstunni, en
skíðamenn eru orðnir mjög
óþolinmóðir eftir því að snjói á
skíðasvæðunum. „Norðaust-
anáttin gæti haft éljagang í för
með sér á Norður- og Austur-
landi, en það verður bjart í öðr-
um landshlutum. Langtímaspá
fyrir sunnudag gerir að vísu ráð
fyrir einhverri snjókomu syðst á
landinu, en við getum ekki sagt
til um það enn hve langt inn á
land hún nær.“
Kuldakast um allt
land næstu daga
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 22. JANÚAR 2002 VERÐ Í LAUSASÖLU 190 KR. MEÐ VSK.
JEPPAMENN sem vilja reyna bíla
sína þurfa að leggja á sig töluvert
ferðalag til þess að komast í snjó
þótt á miðjum vetri sé. Fimm
jeppabifreiðar á vegum Fjalla-
sports héldu á Langjökul til þess
að reyna nýja tegund dekkja, svo-
kölluð kevlar-dekk. „Við vorum á
fimm bílum, alls sextán manns,“
segir Reynir Jónsson, fram-
kvæmdastjóri Fjallasports. „Við
fórum alveg upp á hábunguna á
Langjökli. Það var smáskafrenn-
ingur þegar við komum en síðan
létti til og veðrið var mjög gott en
þó fremur kalt. En útsýnið var al-
veg frábært. Það er hins vegar
svolítið sérstakt á þessum árstíma
að þurfa að fara svona langt til
þess að komast í snjó enda voru
margir bílar og vélsleðar þarna á
ferð.“
Reynir segist hafa stundað
jeppaferðir í ein 17 til 18 ár en
hann minnist þess ekki að hafa
þurft að fara svona langt til þess
að komast í snjó á þessum árstíma.
Morgunblaðið/Árni Sæberg
Jepparnir á leið upp Langjökul. Þjónustumiðstöð Langjökuls í baksýn, Húsafell fjærst til vinstri.
Langt
í snjóinn
fyrir
jeppamenn
VERSLUNIN Fjarðarkaup í Hafn-
arfirði tilkynnti í gær verðstöðvun til
1. maí næstkomandi og að ákveðið
hefði verið að lækka vöruverð um
3%. Ákvörðun um þetta var tekin um
hádegisbil í gær en um helgina til-
kynnti Byko 2% verðlækkun og
Húsasmiðjan fylgdi í kjölfarið og
lækkaði verð um 3%.
Gísli Sigurbergsson, einn af eig-
endum Fjarðarkaupa (FK), segir að
með þessu vilji verslunin leggja sitt
af mörkum til að stuðla að verðlags-
lækkunum og verðhjöðnun í landinu
svo verðbólgumarkmið, sem Samtök
atvinnulífsins og Alþýðusambandið
sömdu um fyrir nokkrum vikum, ná-
ist. Haft var samband við birgja, sem
tóku að sögn Gísla vel í hugmyndina,
en ekki hefur verið gengið frá samn-
ingum um verðlækkanirnar.
Davíð Oddsson forsætisráðherra
sagði í samtali við Morgunblaðið í
gær að greinilegt væri að matvöru-
verslunin hefði verið að krækja sér í
aukabónus. Mikilvægt væri að mat-
vöruverslanir gættu meira hófs í
verðhækkunum og færu að dæmi
byggingarvöruverslana, þar sem
verð var lækkað um helgina. Allir
yrðu að taka á ef takast ætti að halda
aftur af verðhækkunum.
Hagkaup og Bónus beita
ekki flatri verðlækkun
Morgunblaðið ræddi í gær við
framkvæmdastjóra Hagkaups og
Bónuss og sögðu þeir að í verslunum
sínum yrði ekki beitt flatri verðlækk-
un á allar vörur líkt og í Fjarðar-
kaupum en þær myndu eigi að síður
taka fullan þátt í samkeppni á mat-
vörumarkaði.
Finnur Árnason, framkvæmda-
stjóri Hagkaups, segir að fyrirtækið
bjóði mjög gott verð og tilboð á völd-
um vörum og meira af slíku sé á döf-
inni. Það skipti þó mun meira máli en
„tímabundnar upphrópanir um
verð“ að verslun í landinu verði búin
sambærileg skilyrði og í nágranna-
löndunum.
Að sögn Guðmundar Marteinsson-
ar, framkvæmdastjóra Bónuss, er
álagning hjá fyrirtækinu í lágmarki
og því hafi það minna svigrúm til
verðlækkana en verslanir sem hafa
háa álagningu. Bónus muni að sjálf-
sögðu skila til neytenda öllum verð-
lækkunum sem komi frá heildsölum.
Ekki náðist í forstjóra Kaupáss,
sem rekur verslanir Nóatúns, 11–11
og Krónunnar, í gærkvöldi.
Fjarðarkaup lækka
vöruverð um 3%

Vilja stuðla/31

Allir verða/31
STEFNT er að því að framkvæmdir
við byggingu tónlistar- og ráðstefnu-
húss ásamt hóteli við höfnina í
Reykjavík verði kynntar í næsta mán-
uði og í framhaldi af því fari fram for-
val. Úrslit í samkeppni um skipulag
svæðisins voru kynnt á sunnudag í
Ráðhúsi Reykjavíkur og var tillaga ís-
lensks arkitekts og þriggja danskra
valin í fyrsta sæti.
Verðlaunahafarnir eru Guðni Tyrf-
ingsson, Lasse Groböl, Lotte Elkjær
og Mikel Fischer-Rassmussen. Björn
Bjarnason menntamálaráðherra seg-
ir næsta skrefið vera að borg og ríki
nái saman um kostnaðarskiptingu
verksins. Gert er ráð fyrir einkafram-
kvæmd og að hún verði greidd niður á
20 til 25 árum. Guðni Tyrfingsson,
einn höfunda verðlaunatillögunnar,
tjáði Morgunblaðinu í gær að hann
hefði átt fund með borgarverkfræð-
ingi. Sagði hann að þar hefði komið
skýrt fram að einhugur væri um að
nýta verðlaunatillöguna og þeim vilja
lýsti líka Ingibjörg Sólrún Gísladóttir
borgarstjóri. Guðni segir til umræðu
að tillagan verði sett í aðalskipulagið
og segir hann það verða mun sterkara
vegna fyrirhugaðs útboðs.
Ólafur B. Thors, formaður sam-
starfsnefndar ríkis og borgar, segir
að þegar samningur um kostnaðar-
skiptingu ríkis og borgar liggi fyrir
verði unnt að hefja kynningu á verk-
inu á Evrópska efnahagssvæðinu og í
framhaldi af því verði forval.
Úrslit kynnt í samkeppni um svæði við tónlistarhús
Ríki og borg semja
næst um kostnað

Verður/20
STORMUR var í Öræfasveit í gær-
kvöldi og ekkert ferðafæri. Mjög
hvasst var í kringum Vík í Mýrdal
og Mýrdalssandur ófær vegna
sandfoks samkvæmt upplýsingum
Vegagerðarinnar. Veðurathug-
unarstöð í Öræfasveit mældi vind-
hraða 23 metra á sekúndu í hörð-
ustu hviðunum.
Sigurður Gunnarsson á Hnappa-
völlum, fréttaritari Morgunblaðs-
ins, sagði að veðrið hefði ekki verið
svo slæmt í byggð. „Hér fara allir á
milli bæja en láta vera að ferðast
lengra ef hjá því verður komist.“
Sigurður segir að hótelstýran í
Skaftafelli hafi sagt veðrið þokka-
legt þar, en bílstjórar vöruflutn-
ingabíla, sem daglega eiga þar leið
um seinnipartinn á leið sinni austur
á land, hafi ákveðið að fara norð-
urleiðina vegna veðurs.
Sigurður segir að búast megi við
auknu sandfoki á söndunum næstu
daga, gangi veðurspáin eftir.
Vegir ófær-
ir vegna
sandroks
Ljósmynd/GPÓ